Witrugeend

in Wikipedia, die vrye ensiklopedie
Spring na: navigasie, soek
Witrugeend
Bewaringstatus
Wetenskaplike klassifikasie
Domein: Eukaryota
Koninkryk: Animalia
Filum: Chordata
Klas: Aves
Orde: Anseriformes
Familie: Anatidae
Subfamilie: Thalassorninae
Genus: Thalassornis
Eyton, 1838
Spesie: T. leuconotus
Binomiale naam
Thalassornis leuconotus
Eyton, 1838
Subspesies
Sien teks.

Die witrugeend (Thalassornis leuconotus) is 'n algemene standvoël van Suidelike Afrika.

Identifikasie[wysig | wysig bron]

Dit is 'n ronde, stewige eendjie van 38–40 cm. Sy massa is ongeveer 625 tot 800 gram.

Die witrugeend het 'n gevlekte bruin rug en 'n relatief groot kop met 'n vaal vlek op die basis van die snawel. In vlug kan die wit rug waargeneem word. Geen onderskeid tussen manlik, vroulike en onvolwasse voëls nie.

Habitat[wysig | wysig bron]

Die habitat is hoofsaaklik varswaterdamme en vleiland. Hierdie eende is goed aangepas vir duik en duiktye tot 'n halfminuut is al waargeneem waarby soveel as 65 meter afgelê word. Hulle is sku en hou gewoonlik van riete om agter te skuil.

Dieet[wysig | wysig bron]

Die eende eet hoofsaaklik plantmateriaal, veral sade en blare, jong eende eet ook ruspes en inseklarwes.

Verspreiding[wysig | wysig bron]

Die witrugeend kom veral in die oostelike dele van Suider-Afrika voor.

Hierdie taamlik seldsame eende kom ook voor in Wes-Afrika tussen Senegal en Tsjad en in Oos-Afrika vanaf Ethiopië tot in Suid-Afrika en Madagaskar.

Geluid[wysig | wysig bron]

Die eend uiter 'n lae-noot fluit.

Subspesies[wysig | wysig bron]

  • T. l. leuconotus
  • T. l. insularis

Ander name[wysig | wysig bron]

  • Engelse naam: White-backed Duck
  • Wetenskaplike naam: Thalassornis leuconotus

Sien ook[wysig | wysig bron]

Bronnelys[wysig | wysig bron]