Iwan VI van Rusland

in Wikipedia, die vrye ensiklopedie
Spring na: navigasie, soek
Iwan VI
Keiser van die hele Rusland
Iwan VI saam met sy ma en regent, Anna Leopoldowna
Iwan VI saam met sy ma en regent, Anna Leopoldowna
Dinastie Romanof
Bewind 17401741
Volle naam Iwan Antonowits
Ander titels Tsaar
Gebore 23 Augustus 1740
Gesterf 16 Julie 1764
Voorganger Anna
Opvolger Elisabeth
Vader Anton Ulrich van Brunswijk-Wolfenbüttel
Moeder Anna Leopoldowna

Iwan VI Antonowitsj (Russies: Иоанн VI Антонович) (Sint Petersburg, 23 Augustus 1740Sjlisselboerg, 16 Julie 1764) was van 1740 tot 1741 keiser van Rusland.

Iwan was die seun van Anton Ulrich van Brunswijk-Wolfenbüttel en Anna Leopoldowna, dogter van keiserin Anna van Rusland se suster Elisabeth. Anna het die agt weke oue seuntjie op 5 Oktober 1740 aangeneem en hom as haar opvolger aangewys. In dieselfde maand is Anna dood en het Iwan keiser geword.

Bewind[wysig]

Sy belangrikste regent in die eerste drie weke van sy bewind was Ernst Johann Biron, maar dié se teenstander Burkhard Christoph von Münnich het gesorg dat Biron ná net drie weke van sy amp onthef en deur ’n hof ter dood veroordeel is. Die vonnis is nie voltrek nie, maar hy is wel verban na ’n dorpie in Siberië. In sy plek is Iwan se ma as sy regent aangewys.

Iwan VI is gekies bo Elisabeth, hoewel die troon haar as dogter van Pieter die Grote en Katharina I eintlik toegekom het. Dit is egter teengestaan deur die regerende adel onder leiding van die Dolgoroekof-familie, wat ’n hekel gehad het in alles wat aan Pieter die Grote herinner het.

Aanhouding[wysig]

Iwan was gesond en dus ’n hindernis vir Elisabeth. Daarom het sy en ’n aantal vriende hom op 6 Desember 1741, slegs dertien maande nadat hy aan die bewind gekom het, laat gevange neem met behulp van die paleiswag. Hy is eers in die fort by Dünamünde aangehou en daarna in Cholmogori aan die Witsee, waar hy sonder sy familie die volgende twaalf jaar deurgebring het. Hier het hy niemand behalwe sy bewaker gesien nie. Nadat sy teenwoordigheid uitgelek het, is hy in 1756 laat opsluit in die fort by Sjlisselboerg.

Nadat Katharine II die troon in 1762 bestyg het, is hy nog strenger aangehou. Sy bewakers het opdrag gekry om hom te vermoor as enigiemand hom probeer bevry. Teen daardie tyd het twintig jaar van eensame aanhouding Iwan se geestestoestand aangetas, hoewel daar geen bewyse is dat hy versteur was nie.

Dood[wysig]

Sy teenwoordigheid kon egter nie altyd geheim bly nie. ’n Luitenant Wasili Mirowitsj het van hom uitgevind en die fort op 5 Julie 1764 binnegeval om hom te bevry. Iwan se bewakers het hom daar en dan vermoor. Hy is stil-stil in die fort begrawe.

Verwysings[wysig]

Hierdie artikel is merendeels vertaal vanaf die Nederlandse Wikipedia-artikel [1]
Tsare en keisers van Rusland
Tsare Iwan IV (Iwan die Verskriklike)Fjodor IBoris GodoenofFjodor IIVals Dmitri IVals Dmitri IIWasili IVMichailAlekseiFjodor IIISofia Aleksejewna (regent) • Iwan V saam met Pieter I
Keisers Pieter I (Pieter die Grote)Katharina IPieter IIAnnaIwan VIElisabethPieter IIIKatharina II (Katharina die Grote)PaulAleksander INikolaas IAleksander IIAleksander IIINikolaas II