Ndebeles

vanuit Wikipedia, die vrye ensiklopedie.

[wysig] Geskiedenis

Die Ndebele word tradisioneel verdeel in die Noord- en Suid-Ndebele. Die groep waarna vandag gewoonlik verwys word as Ndebele is die Suid-Ndebele, wat bestaan uit die Ndzundza- (die koninklikes) en Manale-stamgroepe. Die hoëveld van die Limpopo-provinsie (voorheen Noordelike Provinsie) en Mpumalanga is die tuiste van KwaNdebele, of "Plek van die Ndebele". Hierdie mense word die kunstenaarsvolk genoem, hoofsaaklik omdat hulle artistieke uitdrukking gevind het in hul opvallende kleredrag, muurversierings en die oordadige kralewerk van hul kultuur. Hul bekende muurkuns, met die vrye hand en meestal deur vroue gedoen, weerspieël hul aangebore talent, toewyding aan kuns en dringende begeerte om hulle in kleur en ontwerp uit te druk. Grafiese elemente soos telefoonpale, motorvoertuie en geometriese vorms is bronne van inspirasie en word kleurvol uitgebeeld: diere, aan die ander kant, word selde uitgebeeld.

[wysig] Vandag

Die presiese oorsprong van die skilderkuns is onbekend, maar Ndebele-vroue is vandag steeds trots op hierdie muurskilderye. Daar is ook geen besliste teorie oor hoe krale aan die Ndebele bekend gestel is nie. Kenmerkend van Ndebele-vroue is die wye ringe wat hulle om die nek, arms en bene dra. Hierdie koperringe, bekend as Dzilla, word slegs deur getroude vroue gedra en het 'n sterk tradisionele betekenis. 'n Ndebele-vrou se man gee haar die ringe - en hoe meer ringe die vrou vertoon, hoe ryker is haar man. Hierdie etniese tradisies, alhoewel effens veranderd weens Westerse invloed, maak nog steeds 'n groot deel van dié kunstenaarsvolk se kultuur uit.

{{{beeld_links}}}	Etniese groepe in Suid-Afrika		{{{beeld_groot}}}
Afrikaners · Anglo-Afrikane · Asiate · Griekwa · Kaap-Maleiers · Kleurlinge · Khoisan · Ndebeles · Basotho · Tsonga · Swazi · Tswanas · Vendas · Xhosas · Zoeloes