Oos-Vlaams
Oos-Vlaams (Oast-Vloams, Nederlands: Oost-Vlaams) is 'n Nederfrankiese dialek, wat tot die Nederlandse taal behoort. Oos-Vlaams word tot die Brabants-Frankiese dialekte en die suidelik-sentrale dialekgroep gereken.
Oos-Vlaams word in die westelike deel van België gepraat: hoofsaaklik in die provinsie Oos-Vlaandere, verder in die noordooste en die suidooste van die provinsie Wes-Vlaandere, in die munisipaliteit Zwijndrecht van die provinsie Antwerpen en in 'n paar Hainautse dorpe by die Oos-Vlaamse grens. Daarbenewens word Oos-Vlaams ook in die ooste van die Nederlandse gebied van Zeeuws-Vlaandere gepraat.
Die Oos-Vlaamse streektaal het invloede van die Franse taal en die Brabantse streektaal ondergaan.
Die ooste van Wes-Vlaandere en die weste van Oos-Vlaandere vorm 'n oorgangsgebied tussen die Wes-Vlaamse en die Oos-Vlaamse dialek. Hierdie grensgebied is oral taamlik breed, behalwe naby die stad Aalter. Verder vorm die ooste van Oos-Vlaandere 'n oorgangsgebied met die Brabantse dialek. In die omgewing van die rivier die Dender, soos in Denderleeuw en Aalst, vertoon die dialek al baie Brabantse kenmerke.
[wysig] Taaleilande
Daar is twee egte taaleilande in Oos-Vlaandere, plekke waar die dialek baie verskil van die andere dialekte, naamlik Gents en Ronses. Gent is die hoofstad van die provinsie Oos-Vlaandere. Albei die dialekte vertoon baie Franse kenmerke.
[wysig] Sien ook
[wysig] Bronne
- Nederlandstalige Wikipedia
| Indo-Europese tale: Kentum-tale: Germaanse tale | ||
|---|---|---|
| Noord-Germaanse tale: | ||
| Deens | Faroëes | Nynorsk en Bokmål (Noors) | Sweeds | Yslands | ||
| Wes-Germaanse tale: | ||
| Afrikaans | Duits | Engels | Fries | Jiddisj | Luxemburgs | Nederlands | Nedersaksies | Skots | ||
| Oos-Germaanse tale: | ||
| Boergondies | Goties | Vandaals | ||
