Kgalema Motlanthe
| Kgalema Motlanthe | |
 |
|
|
|
|
| Ampstermyn 25 September 2008 – 9 Mei 2009 |
|
| Voorafgegaan deur | Thabo Mbeki |
|---|---|
| Opgevolg deur | Jacob Zuma |
|
|
|
| Gebore | 19 Julie 1949 Alexandra Township, Johannesburg |
| Nasionaliteit | not-american |
| Politieke party | African National Congress |
Petrus Kgalema Motlanthe (gebore 19 Julie 1949) is die huidige Adjunkpresident van Suid-Afrika. Hy is 'n Suid-Afrikaanse politikus, 'n voormalige President van Suid-Afrika, voormalige vakbondleier, lid van die Parlement en Adjunkpresident van die regerende African National Congress (ANC). Op 23 September 2008, ná die bedanking van President Thabo Mbeki, het die ANC bevestig dat Motlanthe hul voorkeurkandidaat is om Mbeki as president te vervang tot met die 2009 verkiesing.[1] Op 25 September 2008 is hy volgens die Grondwet van Suid-Afrika deur die Parlement verkies tot President van Suid-Afrika en deur hoofregter Pius Langa ingesweer tot die amp.[2][3][4]
Inhoud |
[wysig] Vroeë lewe
Motlanthe is op 19 Julie 1949 in Alexandra, Johannesburg gebore, die seun van 'n mynwerker[5] en die jongste van 13 kinders.[6] Hy het in Alexandra sowel as Meadowlands, Soweto groot geword.[2]
[wysig] Politieke loopbaan
In sy jeug is Motlanthe beïnvloed deur die denke van die swartbewussynsbeweging.[7]
In die 1970's, terwyl hy vir die Johannesburgse Stadsraad gewerk het, het hy by die ANC se gewapende vleuel, Umkhonto we Sizwe, aangesluit waar hy deel was van 'n eenheid wat nuwe lede moes werf. Die eenheid het later opdrag ontvang om op sabotasie te fokus. Motlanthe en Stan Nkosi was verantwoordelik vir implemntering van die funksie in Suid-Afrika. Die eenheid was ook verantwoordelik vir die smokkel van MK soldate in en uit die Republiek deur Swaziland.[8]
Op 14 April 1976 is Motlanthe en Nkosi in hegtenis geneem en vir elf maande in John Vorster Square in Johannesburg aangehou. In 1977 is hy skuldig bevind op drie aanklagte van terrorisme en tot tien jaar gevangenis straf gevonnis wat hy tussen 1977 en 1987 op Robbeneiland uitgedien het.[8][9]
Na sy vrylating in 1987 het Motlanthe vir die National Union of Mineworkers (NUM) gewerk waar hy in bevel van opvoeding was. Ná die ontbanning van die ANC in 1990 het Motlanthe Voorsitter van die ANC in die PWV streek geword. In 1992 is hy verkies tot Sekretaris-Generaal van die NUM, en in 1997 is hy verkies tot Sekretaris-Generaal van die ANC om Cyril Ramaphosa te vervang.[2][5]
Op die ANC se 52ste Nasionale Kongres in Polokwane in Desember 2007 is Motlanthe verkies tot Adjunk-President van die ANC. In Julie 2008 is hy aangestel as Minister in Die Presidensie van die Republiek van Suid-Afrika. Op 25 September 2008 is hy deur die Parlement verkies tot President van Suid-Afrika. Motlanthe het 269 stemme verwerf teenoor Joe Seremane van die Demokratiese Aliansie wat 50 stemme behaal het. 41 bedowe stembriewe is uitgebring.[10] Hy is dieselfde dag deur hoofregter Pius Langa ingesweer tot die amp.[2]
Hy is getroud en het twee dogters en 'n seun.[11]
[wysig] Verwysings
- ^ "Motlanthe will be president - ANC", News24, 2008-09-23.
- ^ 2,0 2,1 2,2 2,3 south africa, The Good News, Halala President Kgalema Motlanthe!, besoek op 26 September 2008
- ^ "ANC chooses Mbeki replacement". inthenews.co.uk: 2008-09-22.
- ^ "South Africa names new president". abc.net.au: 2008-09-22.
- ^ 5,0 5,1 Calland, Richard (2006). Anatomy of South Africa: Who holds the Power?. Zebra. ISBN 1868729036.
- ^ iafrica.com, Who is Kgalema Motlanthe?, Besoek op 26 September 2008
- ^ Beeld, Motlanthe: die minder verdelende opsie vir leierskap, besoek op 26 September 2008
- ^ 8,0 8,1 SouthAfrica.info, Kgalema Motlanthe elected President, besoek op 26 September 2008
- ^ Buntman, Fran Lisa (2003). Robben Island and Prisoner Resistance to Apartheid. Cambridge University Press, 306. ISBN 0521007828.
- ^ [1], South Africa: Kgalema Motlanthe, Country's New President, besoek op 26 September 2008
- ^ Forde, Fiona, "For now 'Mkhuluwa' is our man", The Star, 2008-07-23.
[wysig] Eksterne skakels
| Voorafgegaan deur: Thabo Mbeki |
President van Suid-Afrika 2008 – 2009 |
Opgevolg deur: Jacob Zuma |
| Presidente van Suid-Afrika | ||
| 1961-1994 | seremonieel: Charles Robberts Swart | Jozua François Naudé (waarnemend) | Jacobus Johannes Fouché | Nicolaas Johannes Diederichs | Marais Viljoen (waarnemend) | John Vorster | Marais Viljoen | uitvoerend: Pieter Willem Botha | Frederik Willem de Klerk |
 |
| 1994– | Nelson Mandela | Thabo Mbeki | Kgalema Motlanthe | Jacob Zuma |
 |
