Stade Jacques Chaban-Delmas

in Wikipedia, die vrye ensiklopedie
Spring na: navigasie, soek
Stade Chaban-Delmas
Lescure
Panorama Chaban-Delmas.jpg
Vollenaam Stade Jacques Chaban-Delmas
Ligging Bordeaux, Frankryk
Gebou 1930
Geopen 12 Junie 1938
Renovasie 1987 1998
Uitgebrei 1935
Eienaar
Oppervlak Gras
Argitek René Buthaud
Jacques d'Welles
Raoul Jourde
Voormalige name Parc Lescure
Tuisveld van
FC Girondins de Bordeaux (Sokker)
Kapasiteit
34 440
Dimensies

Die Stade Jacques Chaban-Delmas is 'n stadion in die Suidwes-Franse metropool Bordeaux wat veral as tuisveld vir die plaaslike sokkerspan Girondins des Bordeaux dien. Die stadion se naam is in 2001 gewysig; dit het vroeër bekend gestaan as Stade du Parc Lescure en dra tans die naam van die politikus Jacques Chaban-Delmas wat in die periode tussen 1947 en 1995 die amp van burgemeester van Bordeaux beklee het.

Die aantal sitplekke is by die voorskrifte van internasionale wedstryde soos die Sokker Wêreldkampioenskap in 1998 aangepas en beloop tans 34 088. Sedert die somer van 2007 beskik die stadion oor twee reuseskerms met 'n oppervlak van 37 vierkante meter elk wat ter geleentheid van die 2007 Rugby Wêreldbeker geïnstalleer is.

Die stadion is in 1935 in die vorm van 'n fietssportstadium (Frans: stade vélodrome) opgerig, en in 1938 is wedstryde van die Sokker Wêreldkampioenskap hier gehou. Dit was die eerste stadion ter wêreld wat oor volledig oordekte tribunes beskik het sonder enige pilaar wat die sig van die toeskouers belemmer het. Vanweë sy klassifisering as 'n historiese monument moet 'n aantal probleme by die stadion se herstel oorkom word. Die stadiondak beskerm nog die sitplekke wat ná die jaar 1984 op die ou fietsrenbaan opgerig is, nog die voormalige draaie.

Die tonnel, wat die spelers se kleedkamers met die speelveld verbind, is met byna 120 meter die langste in Europa.