Franse nasionale rugbyspan

in Wikipedia, die vrye ensiklopedie
Spring na: navigasie, soek
Frankryk
Unie Franse Rugbyfederasie
Bynaam(e) Les Bleus, Les Tricolores, Le XV de France
Embleem Hoenderhaan
Stadion Stade de Francais
Afrigter(s) Phillipe Saint-Andre
Kaptein(s) Thierry Dusautoir
Spankleure


Alt. kleure

Statistiek
Meeste toetse 118 Fabien Pelous
Meeste toetspunte 380 Christphe Lamaison
Meeste drieë 38 Serge Blanco
Eerste internasionale wedstryd
Vlag van Frankryk Frankryk 8–38 Sjabloon:NZru-r
(1 Januarie 1906)
Grootste oorwinning
Vlag van Namibië Namibië 10–87 Frankryk Vlag van Frankryk
(16 September 2007)
Grootste nederlaag
Vlag van Nieu-Seeland Nieu-Seeland 61–10 Frankryk Vlag van Frankryk
(9 Junie 2007)
Wêreldbeker
Verskynings 7 (Eerste in 1987)
Beste uitslag Tweede 1987, 1999 en 2011

Die Franse nasionale rugbyspan is 'n nasionale sportspan wat Frankryk in rugby verteenwoordig. Die span neem jaarliks teen Engeland, Ierland, Italië, Skotland en Wallis deel in die Sesnasie-kampioenskap. Frankryk was reeds veertien keer algehele wenners van die kampioenskap, het agt keer die eerste plek gedeel en het ook agt keer daarin geslaag om 'n Grand Slam te behaal.

Frankryk is tans (2007) derde op die rugby wêreldranglys na Nieu-Seeland se All Blacks en Australië.[1] Ses voormalige Franse spelers is in die Internasionale Rugby Hall of Fame opgeneem: Serge Blanco, André Boniface, Jo Maso, Jean Prat, Jean-Pierre Rives en Philippe Sella.

Geskiedenis[wysig]

Rugby is in 1872 deur Britse handelaars en studente na Frankryk ingevoer.[2] Op Nuwejaarsdag 1906 het die nasionale span sy eerste toets teen Nieu-Seeland in Parys gespeel. Frankryk het sporadies teen die Britse Tuisunies gespeel totdat die land by hulle aangesluit het om 'n Vyf-Nasies reeks (vandag die Ses-Nasiereeks) in 1910 te vorm. Frankryk het ook in die vroeë Somer Olimpiese Spele deelgeneem toe rugby deel uitgemaak het van die toernooi—met een goue medalje en twee silwer medaljes. Franse rugby het in die 1950's en 1960's na vore gekom toe hulle die eerste van baie Vyf-Nasie titel gewen het. Die span het hulle eerste Grand Slam in 1968 gewen en het sedertdien talle ander titel gewen. Sedert die eerste Wêreldbeker in 1987 het Frankryk elke keer vir die die uitklop fase van die toernooi gekwalifiseer en twee keer in die eindstryd gespeel. In 1987 het hulle teen die All Blacks verloor en in 1999 teen Australië. Frankryk is die gasheerland vir die 2007 Rugby Wêreldbeker.

Alhoewel Frankryk verteenwoordig is in die 1900 Somer Olimpiese Spele (waar hulle die goue medalje gewen het),[3] het hulle eerste amptelike toets eers op Nuwejaarsdag 1906 teen die Nieu-Seeland All Blacks in Parys plaasgevind.[4] Frankryk het daarna ook met ongereelde tussenposes teen die Tuisunies gespeel totdat hulle in 1910 by die spanne aangesluit het om die Vyf-Nasies toernooi te vorm. In 1913 het Frankryk vir die eerste keer teen Suid-Afrika se Springbokke gespeel in 'n wedstryd wat hulle 38–5 verloor het.[5] Frankryk het ook aan die 1920 en 1924 Somer Olimpiese Spele deelgeneem waar die span in alby gevalle teen die VSA verloor het in die wedstryd om die goue medalje.[3]

Frankryk is in 1932 uit die Vyf-Nasies gesit na beskuldigings van professionalisme in die Franse ligas op 'n stadium toe rugby 'n streng amateursport was.[6][7] Franryk wat gedwing is om teen swakker spanne te speel het 'n lang reeks oorwinnings in 'n ry behaal van 1931 tot 1936. Dit is tot vandag toe 'n ongeëwenaarde rekord.[8] Frankryk is daarna in 1939 genooi om an die Vyf-Nasies terug te keer maar kon nie internsaionaal deelneem tot 1947 as gevolg van die Tweede Wêreldoorlog.[7]

Franse rugby het na vore gekom in die 1950's en 1960's: die land het sy eerste Vyf-Nasies reeks gewen en 'n suksesvolle toer na Suid-Afrika onderneem.[7] Frankryk se eerste kampioenskap is in 1954 gewen toe die land die titel met Engeland en Wallis gedeel het.[9][7] Frankryk was vir die eerste keer die algehele wenner van die Vyf-Nasies kampioenskap in 1959; die span het gewen met drie oorwinnings en 'n gelykopuitslag teen Engeland.[9]

Frankryk het in 1958 die eerste land geword om Suid-Afrika te besoek en 'n toetsreeks te wen. Die Springbokke het Parys in 1961 besoek in 'n reeks waarin die eerste toets nie voltooi is nie as gevolg van bakleiery tussen spelers op die veld. In 1961 het Frankryk na Nieu-Seeland en Australië getoer waar hulle beide toetse teen die All Blacks verloor het, maar het Australië se Wallabies verslaan. Hulle het hulle eerste Vyf-Nasies Grand Slam in 1968 gewen deur al vier die ander spanne in die kompetisie te verslaan. In die jare wat daarop gevolg het, het die span talle ander titels verower.[9]

Frankryk teen Wallis tydens die Sesnasie-kampioenskap.

In 1977 het hulle hul tweede Grand Slam gewen met 'n onveranderde span deur die hele toernooi.[9] Hulle het in die jaar ook daarin geslaag om die All Blacks in Toulouse te verslaan maar het later in Parys teen die besoekers verloor.[10] Op Bastilledag, 1979 het hulle vir die eerste keer daarin geslaag om die All Blacks in Nieu-Seeland te verslaan op Eden Park in Auckland.[11]

In 1981 het die Franse hulle derde Grand Slam op Twickenham teen Engeland gewen.[9] In 1987 het hulle nog 'n Grand Slam verower op die vooraand van die eerste Rugby Wêreldbeker wat deur Australië en Nieu-Seeland aangebied is. In daardie toernooi het hulle telkemale daarin geslaag om te wen nadat hulle ver agter was soos teen die Wallabies in die halfeindstryd om in die einstryd teen die All Blacks op Eden Park, Auckland te speel waar Frankryk 29–9 verloor het. Die jaar daarna het hulle die Vyf-Nasies met Wallis gedeel en dit ook in 1989 gewen.[9]

Frankryk het van die wedstryde aangebied tydens die 1991 Rugby Wêreldbeker, maar het uitgeval toe hulle in die kwarteindstryd deur Engeland op Parc des Princes (Parys) verslaan is. Hulle het 'n Vyf-Nasies kampioenskap in die vroeë 1990's, in 1993 gewen. Die volgende jaar het Frankryk 'n toetsreeks met 2–0 in Nieu-Seeland gewen.[12] Hulle is in die halfeindstryd van die Rugby Wêreldbeker 1995 deur die uiteindelik kampioen, Suid-Afrika, geklop, maar het wel daarin geslaag om die derde plek te behaal deur Engeland in die Brons-finaal te klop. In 1997 en 1998 het Frankryk in opeeenvolgende jare Grand Slams gewen. By die 1999 Rugby Wêreldbeker het hulle die toernooigunstelinge die All Blacks in die halfeindstryd met 43–31 geklop, maar in die eindstryd teen die Wallabies verloor.[9]

Die Vyf-Nasies Kampioenskap is in 2000 uitgebrei om Italië in te sluit. In die huidige Sesnasie-kampioenskap het Frankryk in 2002 'n Grand Slam behaal.[9] By die 2003 Wêreldbeker in Australië het hulle vir die halfeindstryd gekwalifiseer waar hulle deur die uiteindelike kampioen Engeland verslaan is. In 2004 het hulle 'n tweede Ses-Nasies Grand Slam gewen, gevolg deur 'n Kampioenskapsoorwinning in 2006 en suksesvolle verdediging van die titel in 2007.[9]

Spankleure en tuisstadions[wysig]

Frankryk speel tradisioneel in blou truie met wit detail en blou broeke en rooi kouse, en word baie keer les tricolores (die driekleure), les bleus (die bloues) of die Hane genoem. Die Franse embleem is 'n rooi wapen met 'n hoenderhaan daarop. Die span se alternatiewe kleure is hoofsaaklik wit. Franse internasionale wedstryde word op verskeie stadions oral in Frankryk gespeel, maar die Stade de France in die Paryse woonbuurt Saint-Denis word vir die span se Sesnasiewedstryde gebruik.


Verwysings[wysig]

  1. IRB World Rankings”. irb.com. URL besoek op 2007-07-05.
  2. Chris Thau (2006-11-14). “100 years of French Test rugby: part one”. International Rugby Board. URL besoek op 2007-03-29.
  3. 3,0 3,1 Rugby at the 1924 Olympics”. Rugby Football History. URL besoek op 2007-03-04.
  4. 8th All Black Test : 88th All Black Game”. allblacks.com. URL besoek op 2007-03-30.
  5. South Africa vs France > Games Played”. rugbydata.com. URL besoek op 2007-05-17.
  6. 2/3/4/5/6 Nations Winners”. Rugby World. URL besoek op 2007-03-04.
  7. 7,0 7,1 7,2 7,3 Six Nations history”. BBC Sport: 28 Januarie 2002. URL besoek op 2007-04-02.
  8. France > Most Wins in a row”. rugbydata.com. URL besoek op 2007-05-17.
  9. 9,0 9,1 9,2 9,3 9,4 9,5 9,6 9,7 9,8 Six Nations roll of honour”. BBC Sport. URL besoek op 2007-04-02.
  10. 1977 in France”. allblacks.com. URL besoek op 2007-04-02.
  11. 184th All Black Test : 753rd All Black Game”. allblacks.com. URL besoek op 2007-04-02.
  12. 1994 France in New Zealand”. allblacks.com. URL besoek op 2007-04-02.