Adriaan van Dis

Adriaan van Dis
Gebore	16 Desember 1946 (1946-12-16) Bergen, Noord-Holland
Nasionaliteit	Nederland
Beroep	Skrywer, televisieaanbieder, en joernalis

Adriaan van Dis (gebore in 1946) is 'n Nederlandse joernalis, televisieaanbieder en skrywer. Sy ouers het 'n Indonesiese agtergrond.

Bewewens reisliteratuur soos Casablanca (1986) en In Afrika (1991) skryf hy ook fiksie, waaronder die romans Indische Duinen (1994) wat met die Gouden Uil-prys bekroon is, Dubbelliefde (1999), Familieziek (2002) en De Wandelaar (2007).

Van Dis is 'n bekende TV-aanbieder in Nederland en besoek Suid-Afrika gereeld.

Tikkop is geskryf na die omstrede Het beloofde land uit 1990, sy tweede roman oor Suid-Afrika. Tikkop en Ik kom terug is in Afrikaans vertaal deur Dr. Daniel Hugo (As Tikkop en Ek kom Terug). Dit word uitgegee deur Protea Boekhuis.

Bibliografie

Adriaan van Dis se werk sluit romans, novelles, kortverhale, essays, digkuns en toneelstukke in. Sy werk kan verdeel word in drie dele. Die eerste deel is geïnspireer deur sy reise na China, Afrika, Japan, Marokko en Mosambiek. Voorbeelde van die bogenoemde werke sluit Casablanca (1986) en In Afrika (1991) in. Die tweede deel van sy werke betrek sy Indiese jeug, wat werke insluit soos Nathan Sid (1983), Indische Duinen (1994) en Familieziek (2002).

Die derde deel sluit romans in oor ontluikende homoseksualiteit, soos Zilver (1988) en Dubbelliefde (1999). Dualisme is 'n belangrike tema in Van Dis se werke. Sy boeke is deurspek met teenstrydighede, soos swart/wit, sosiaal/anti-sosiaal en erfenis/eie identiteit. Sy styl, wat baie geprys is by die publikasie van Nathan Sid, is dikwels lig en eenvoudig, maar die eenvoud is dikwels misleidend en nodig om meer kontroversiële en delikate temas aan te raak, soos die trauma van oorlog.

Romans

• 1987 Een barbaar in China: een reis door Centraal Azië
• 1988 Zilver of Het verlies van de onschuld
• 1990 Het beloofde land: een reis door de Karoo
• 1991 In Afrika
• 1994 Indische Duinen
• 1999 Dubbelliefde: geschiedenis van een jongeman
• 2002 Familieziek
• 2007 De wandelaar
• 2010 Tikkop (vertaal deur Dr. Daniël Hugo in Afrikaans)
• 2014 Ik kom terug (vertaal deur Dr. Daniël Hugo in Afrikaans)
• 2017 De Zuid–Afrika boeken

Novelle

• 1983 Nathan Sid
• 1986 De vraatzuchtige spreekt
• 1986 De rat van Arras
• 1987 Zoen
• 1996 Palmwijn (Boekenweekgeschenk)
• 2000 Op oorlogspad in Japan

Kortverhale

• 1984 Een bord met spaghetti
• 1986 Casablanca
• 1988 Een keuze uit mijn vrolijke doodsgedachten
• 1992 De man uit het Noorden
• 1992 Waar twee olifanten vechten – Mozambique in oorlog
• 1993 Classics
• 1995 Wij, koningin
• 1997 Een waarze sat
• 2003 Vrijtaal
• 2007 Leeftocht. veertig jaar onderweg

Drama Toneelstukke

• 1986 Tropenjaren: De zaak
• 1988 Komedie om geld, Een uur in de wind

Nie-fiksie

• 1992 Alles is te koop
• 1998 Een deken van herinnering (essay)
• 1998 Totok (digkuns)
• 2004 Onder het zink. Un abécédaire de Paris (essay)
• 2007 Op de televisie (memoires)
• 2008 Van Dis in Afrika (dokumentêre reeks)

Literêre pryse ontvang

• 1984 Gouden Ezelsoor vir Nathan Sid
• 1994 Nieuwe Clercke-Pico Bello-prys vir sy dienste aan die Nederlandse letterkunde
• 1995 Gouden Uil-prys vir Indische Duinen
• 1995 NS Publieksprijs vir Indische Duinen
• 2007 Groenman Taalprijs van die Stichting Lout, deel van die Onze Taal Genootskap, vir sy kreatiewe taalgebruik
• 2009 Gouden Ganzenveer
• 2015 Libris-prys vir sy roman Ik kom terug, wat handel oor sy verhouding met sy moeder.