Apollo 6

in Wikipedia, die vrye ensiklopedie
Spring na: navigasie, soek
Lansering van die Apollo 6, afgeneem met 'n kamera bo op die lanseertoring
Terugvallende eerste-tweede trap tussenring

Apollo 6 was 'n sending van NASA se Apollo-program wat op 4 April 1968 gelanseer is. Dit was die tweede sending van die VSA se Apollo-program en die laaste onbemande toetsvlug van hulle Saturn V-vuurpyl. Dit was ook die Apollo-program se laaste onbemande vlug. Dit was 'n Tipe-A missie.

Die doel van die sending was om te bewys dat die Saturn V-vuurpyl die gewig van die Apollo-module vinnig en ver genoeg in die ruimte in kan vlieg om 'n vlug na die Maan moontlik te maak. Dit is ook ontwerp om te wys dat die Apollo-bevelmodule se hitteskild die hoëspoed hertoetrede tot die Aarde se atmosfeer kan oorleef. Die projek is ontwerp om met die nodige spoed in die ruimte in te vlieg, om te draai, en na ongeveer 10 uur terug te keer.

Probleme met die brandstoflyne van verskeie van die Saturn V se tweede en derde fase enjins verhoed dit om die spoed te bereik wat nodig sou wees om by die Maan te kon kom. Die terugkeerspoed is egter suksesvol met die Apollo-ruimtetuig se enjin beheer. Ten spyte van die probleme het die vlug NASA genoeg vertroue in die Saturn V gegee om dit vir bemande sendings te gebruik. 'n Derde onbemande vlug was dus nie nodig nie en is gekanselleer.

Eksterne skakels[wysig | wysig bron]


Voorafgegaan deur:
Apollo 5
Apollo-program Opgevolg deur:
Apollo 7