Boerewors

in Wikipedia, die vrye ensiklopedie
'n Rooster gepak met boerewors en varkvleis.
'n Rol rou boerewors.

Boerewors bestaan uit maalvleis en vet wat met kruie en sout gemeng is, en in 'n aaneenlopende derm gestop is, gereed vir braai of bak. Oorspronklik is skaap- en visderms gebruik vir die omhulsel, maar vandag word amper uitsluitlik kunsmatige derms gebruik. Boerewors is veral gewild in Suid-Afrika en omliggende lande.

Daar bestaan 'n wetlike vereiste in Suid-Afrika vir slaghuise wat boerewors verkoop. Boerewors moet 'n minimum van 70% vleis bevat, dus kan goedkoop "vullers" soos graan, brood, soja of water nie onbeperk bygevoeg word tydens die maak daarvan nie. Goedkoper wors wat só "verdun" word, staan as braaiwors, ekono-wors of "sausages" bekend.

Net soos die woord braai, is die woord boerewors ook onveranderd in Engels en meeste Suider-Afrikaanse tale opgeneem.

Sien ook[wysig | wysig bron]

Eksterne skakels[wysig | wysig bron]