Broompentafluoried

in Wikipedia, die vrye ensiklopedie
Jump to navigation Jump to search
Eienskappe

Algemeen

Naam Broompentafluoried
Struktuurformule van
Bromine-pentafluoride-3D-balls.png
Chemiese formule BrF5
Molêre massa 174,9 g/mol[1]
CAS-nommer 7789-30-2[1]  
Voorkoms Kleurlose vloeistof[1] (bruin met broom)
Fasegedrag
Smeltpunt -60,6 °C [2]
Kookpunt 40,9 ° @ 1 Atm [2]
Digtheid 2,48 g/cm3 [1]
Oplosbaarheid Reageer en ontbind met water. 
Termodinamies 
ΔfHo (l) -458.6 kJ/mol[3]

Suur-basis eienskappe

pKa

Veiligheid

Flitspunt onbrandbaar

Tensy anders vermeld is alle data vir standaardtemperatuur en -druk toestande.

 

Broompentafluoried is 'n chemiese verbinding met formule BrF5 van broom in sy oksidasietoestand +5 met fluoor.

Die stof is 'n baie sterk oksidator en word as fluorineringsagens gebruik, byvoorbeeld om suurstof uit silikate vry te stel in die suurstofisotoopanalise. Dit word ook aangewend in die aandrywing van vuurpyle.[2]

Vorming[wysig | wysig bron]

Broompentafluoried kan uit broomtrifluoried en fluoor verkry word bokant 200 oC.:

Sintese uit die elemente is onder hierdie omstandighede ook moontlik:

Reaksies[wysig | wysig bron]

Die stof is uiters reaktief en reageer met glas, klei ensomeer. Die reaksie met droë glas is stadig. Kwartsglas word nouliks aangetas. Die verbinding self is tot 460 °C termies stabiel[4] Dit ontplof wanneer dit met water in aanraking kom en vorm suurstof en waterstoffluoried. Dit reageer heftig met asynsuur, ammoniak, benseen, etanol, waterstof, waterstofsulfied, metaan, kurk, was ensomeer.[5]

In die vloeistof bestaan waarskynlik die ewewig:[6]

Die vloeistof besit hierdeur elektriese geleidingsvermoë.

In reaksies met fluoriede soos CsF kan dit die heksafluorobromaat-anioon BrF6 vorm.

Met Lewis-sure soos SbF5 kan die BrF+4-katioon gevorm word soos in die adduk (BrF4)+(Sb2F11).

Eienskappe[wysig | wysig bron]

Die BrF4-molekuul het die vorm van 'n vierkantige piramide en besit die puntgroepsimmetrie C4v. Dit blyk uit die infrarooispektroskopie. Sy spektrum het A1-absorpsies naby 684, 584 en 370 cm-1 en E-absorpsies naby 644, 415 en 245 cm-1 [7]

Veiligheid[wysig | wysig bron]

Hierdie stof is uiters gevaarlik en dit moet met heelparty voorsorgmaatreëls behandel word. Reaksies met broompentafluoried kan ontploffings veroorsaak. Blootstelling aan 5-10 ppm in die lug kan reeds na 'n kort tyd irritasie van die oë en die slymvlies van die neus en mond veroorsaak. Blootstelling aan hoër konsentrasies kan dodelik wees. Die stof is baie korrosief, maar dit kan in nikkel- of monel-vate bewaar word omdat nikkel met 'n beskermende dunne lagie fluoried bedek word wat verdere korrosie verhoed.[2]

Verwysings[wysig | wysig bron]

  1. 1,0 1,1 1,2 1,3 chemicalbook
  2. 2,0 2,1 2,2 2,3 Handbook of Stable Isotope Analytical Techniques,Pier A. de Groot Elsevier, 2008, bls 1035, ISBN 0-08-093011-5, ISBN 978-0-08-093011-4
  3. Inorganic Chemistry A. F. Holleman, Egon Wiberg, Nils Wiberg Academic Press, 2001 ISBN 0-12-352651-5, ISBN 978-0-12-352651-9, bls 435
  4. Handbuch der Präperativen anorganischen Chemie Georg Brauer, M. Baudler 1960 (de)
  5. cameochemicals
  6. The Chemistry of Chlorine, Bromine, Iodine and Astatine: Pergamon Texts in Inorganic Chemistry, Deel 7, A. J. Downs, C. J. Adams Elsevier, 2017, ISBN 1483158322, ISBN 9781483158327
  7. Infrared spectrum of bromine pentafluoride Robin S. McDowell en Larned B. Asprey The Journal of Chemical Physics 37, 165 (1962)