Carmel-by-the-Sea
| Carmel-by-the-Sea | |
 |
|
 |
|
 |
|
| Land |  Verenigde State van Amerika
|
|---|---|
| Staat | Kalifornië |
| County | Monterey County |
| Stigting / inkorporasie | 1902 / 31 Oktober 1916 |
| Regering | |
| - Burgemeester | Steve Dallas |
| Oppervlakte | |
| - Totaal | 2,798 km² (1,1 myl²) |
| Bevolking (2010) | |
| - Totaal | 3 722 |
| - Digtheid | 1 330,2/km² (3 445,2/myl²) |
| ZIP code | 93921 |
| Areakode(s) | 831 |
| Webwerf: ci.carmel.ca.us | |
Carmel-by-the-Sea, dikwels net Carmel genoem, is 'n stad in Monterey County in die Amerikaanse deelstaat Kalifornië. Carmel is op die Monterey-skiereiland aan die Stille Oseaankus, sowat 530 kilometer noord van Los Angeles en 190 kilometer suid van San Francisco geleë, met 'n bevolking van 3 722 volgens die sensus van 2010.
Die stad, wat in 1902 gestig en op 31 Oktober 1916 geïnkorporeer is, staan bekend vir sy natuurskoon en word tradisioneel met die kunste verbind. Die dagblad San Francisco Call het reeds in 1906 'n hele bladsy aan die "kunstenaars, digters en skrywers van Carmel-by-the-Sea" gewy. In 1910 het die blad vermeld dat sestig persent van die woonhuise in Carmel deur burgers opgerig is wat "hul lewens aan werk wy wat aan estetiese kunste verbind is".
Vroeë stadsrade is deur kunstenaars oorheers, terwyl verskeie digters en akteurs as burgemeesters gedien het, waaronder Herbert Heron, die stigter van die plaaslike Forest Theater, die boheemse skrywer en akteur Perry Newberry, en die akteur en regisseur Clint Eastwood wat die amp van burgemeester tussen 1986 en 1988 beklee het.
