Gaan na inhoud

Gewone slakvreter

in Wikipedia, die vrye ensiklopedie

Gewone slakvreter
Wetenskaplike klassifikasie
Koninkryk:
Filum:
Subfilum:
Klas:
Orde:
Suborde:
Familie:
Genus:
Spesie:
D. lutrix
Binomiale naam
Duberria lutrix
(A. Smith, 1848)
Sinonieme

Die gewone slakvreter (Duberria lutrix), ook bekend as die tabakrolletjie, is 'n klein, eierlewendbarende,[4] slakvretende, nie-giftige slang, wat endemies is aan Afrika.

Beskrywing

[wysig | wysig bron]

Volgroeide tabakrolletjies is 30–40 cm lank.[5]

Hulle kleur wissel, maar gewoonlik het hulle 'n olyfgroen tot bruin of rooibruin rug, grys sye, 'n geel of roomkleurige pens, en 'n swart vertebrale streep wat min of meer die hele lengte van die rug dek.

Geografiese reikwydte

[wysig | wysig bron]

Hierdie spesie kom in Burundi, die Demokratiese Republiek van die Kongo, Ethiopië, Kenia, Mosambiek, Rwanda, Suid-Afrika, Swaziland, Tanzanië, Uganda en Zimbabwe voor.[6]

Subspesies

[wysig | wysig bron]

Ses subspesies word erken, insluitend die nominotipiese subspesie self.

  • Duberria lutrix abyssinica (Boulenger, 1894)
  • Duberria lutrix atriventris Sternfeld, 1912
  • Duberria lutrix basilewskyi Skelton-Bourgeois, 1961
  • Duberria lutrix currylindahli Laurent, 1956
  • Duberria lutrix lutrix (Linnaeus, 1758)
  • Duberria lutrix rhodesiana Broadley, 1958

Dieet

[wysig | wysig bron]
Foto van 'n tabakrolletjie se kop

Die tabakrolletjie is 'n gespesialiseerde roofdier wat slakke en naakslakke eet. Hy vind sy prooi hoofsaaklik deur chemoresepsie, met behulp van sy tong. Hy sluk sy prooi vinnig in, voordat te veel verdedigende slym geproduseer word. Hy trek slakke deur die dop opening uit hulle doppe uit, of breek die dop teen 'n klip oop terwyl hy die sagte liggaam in sy kake vashou.[7]

Voortplanting

[wysig | wysig bron]

Die tabakrolletjie gee gewoonlik geboorte aan werpsels van drie tot twaalf kleintjies.[8][9] Broeisels van groot wyfies kan uit soveel as 22 pasgeborenes hê, wat vanaf van 8 tot 11 cm lank is. Die totale gesamentlike gewig van die kleintjies meer as die ma se gewig na die geboorte wees. Teelseisoen is Januarie en Februarie (die laat somermaande in suidelike Afrika).[10]

As troeteldiere

[wysig | wysig bron]

Die slang is 'n gewilde troeteldier, wat maklik gevoer en geteel kan word, en weens die aard van sy prooi is dit maklik om aan te hou.[11]

Verdediging

[wysig | wysig bron]

Wanneer die slang bedreig word, stel dit 'n irriterende afskeiding vry uit kliere naby die basis van die stert en rol homself in 'n verdedigende spiraal op, met die kop in die middel. Hierdie gedrag is die oorsprong van die Afrikaanse algemene naam "tabakrolletjie".[12]

Sien ook

[wysig | wysig bron]

Verwysings

[wysig | wysig bron]
  1. Boulenger, G.A. 1894. Catalogue of the Snakes in the British Museum (Natural History). Volume II., Containing the Conclusion of the Colubridæ Aglyphæ. Trustees of the British Museum. London. xi + 382 pp. + Plates I. - XX. (Homalosoma lutrix, pp. 274-276.)
  2. The Reptile Database. www.reptile-database.org.
  3. Pyron, R.A.; Burbrink, F.T.; Wiens, J.J. (2013). "A phylogeny and revised classification of Squamata, including 4161 species of lizards and snakes". BMC Evolutionary Biology. 13 (1): 1–53. doi:10.1186/1471-2148-13-93. PMC 3682911. PMID 23627680.
  4. Bauchot (Ed.), Roland (2006). Snakes: A Natural History. Sterling. ISBN 978-1-4027-3181-5.
  5. Carruthers, Vincent (2005). The Wildlife of Southern Africa: A Field Guide to the Animal and Plants of the Region. Cape Town: Struik Publishers. p. 92. ISBN 1-86872-451-4.
  6. Duberria lutrix op Reptarium.cz (reptieldatabasis)
  7. Barker, G. M. (2004). Natural enemies of terrestrial molluscs. Wallingford, Oxon, UK: CABI Pub. ISBN 0-85199-319-2.
  8. Rose, Walter (1950). The Reptiles and Amphibians of Southern Africa. Cape Town: Maskew Miller.
  9. Branch, Bill (1988). Bill Branch's field guide to the snakes and other reptiles of southern Africa. Cape Town: Struik. ISBN 0-86977-641-X.
  10. Branch, Bill. 2004.
  11. http://www.sareptiles.co.za/forum/viewtopic.php?f=6&t=9548.
  12. http://www.ultimatefieldguide.com/Slug%20Eater%20-%20Duberria%20lutrix.htm.