Harald III van Denemarke

in Wikipedia, die vrye ensiklopedie
Harald III van Denemarke
Koning van Denemarke

Periode 1076–1080
Voorganger Sven II
Opvolger Knoet IV
Vrou Margareta Hasbjörnsdatter
Vader Sven II
Gebore c. 1040
Oorlede 17 April 1080
Begrawe Dalby, Skåne

Harald III of Harald Hen (omstreeks 104017 April, 1080) was van 1076 tot 1080 koning van Denemarke. Hy was die oudste buite-egtelike seun van Sven II van Denemarke en was getroud met Margareta Hasbjörnsdatter.

Harald was van die edelmanne van Denemarke afhanklik vir sy verkiesing as koning en het niks gedoen om hulle teen te staan nie. Hy het geen oorloë geveg nie en het net die paar dinge verbeter wat binne sy vermoë was. Oor die algemeen was hy ’n vreedsame en goeie heerser.

Hy is die beste bekend vir die verbetering van die Deense munt- en regstelsel. Sy hervormings is egter nie ten volle aanvaar tot met die bewind van Waldemar II nie.[1] Saxo Grammaticus noem hom ’n swak en ondoeltreffende koning wat geswig het voor die wil van die gewone mense. Dit verduidelik dalk sy bynaam Harald Hen, of Harald die Slypsteen, dus Harald die Sagte.

Verwysings[wysig | wysig bron]

Hierdie artikel is merendeels vertaal vanaf die Engelse Wikipedia-artikel en:Harald III of Denmark
  1. Hvitfeldt, Arild. Denmark Riges Krønike

Eksterne skakels[wysig | wysig bron]