Frederik IV van Denemarke

in Wikipedia, die vrye ensiklopedie
Jump to navigation Jump to search
Frederik IV
Koning van Denemarke en Noorweë
Portret deur Rosalba Carriera, 1709.
Portret deur Rosalba Carriera, 1709.
Tydperk 25 Augustus 169912 Oktober 1730
Voorganger Christiaan V
Opvolger Christiaan VI
Huis Oldenburg
Vrou Louise van Mecklenburg-Güstrow
Elisabeth Helene van Vieregg
Anna Sophie Reventlow
Vader Christiaan V
Moeder Charlotte Amalie van Hesse-Kassel
Gebore (1671-10-11)11 Oktober 1671, Kopenhagen
Oorlede 12 Oktober 1730 (op 59), Odense

Frederik IV (11 Oktober 1671 - 12 Oktober 1730) was van 1699 tot met sy dood koning van Denemarke en Noorweë. Hy was die seun van koning Christiaan V en Charlotte Amalie van Hesse-Kassel.

Bewind[wysig | wysig bron]

Frederik se belangrikste binnelandse hervorming was die afskaffing in 1702 van die sogenaamde vornedskab, ’n soort lyfeieneskap in Seeland sedert die laat Middeleeue. Sy pogings was egter grootliks verniet weens die instelling van slawerny in 1733.

Ná die oorlog het die handel en kultuur geblom. Tydens Frederik se bewind is Kopenhagen egter deur twee rampe getref: die pes van 1711 en die groot brand van Oktober 1728 wat die grootste deel van die Middeleeuse hoofstad verwoes het.

Frederik het met die Tweede Noordelike Oorlog (1700-1721) begin waarin Denemarke vir die eerste keer oor Swede geseëvier het. Die land kon egter nie verlore grondgebied in Suid-Swede terugwen nie.

’n Groot deel van Frederik se bewind is gekenmerk deur ’n vete met familie. Twee van sy neefs, Karel XII van Swede en Frederik IV, Hertog van Holstein-Gottorp (die drie mans was kleinseuns van Frederik III van Denemarke), het saam ’n oorlog teen sy pa gevoer. Nadat hy eers deur Swede verslaan en gedwing is om die onafhanklikheid van Holstein-Gottorp te erken, het Frederik die volgende Hertog van Holstein-Gottorp, Karel Frederik (sy kleinneef), in 1713 uit Sleeswyk verdryf.[1]

Verwysings[wysig | wysig bron]

  1. Huberty, Michel (1994). L'Allemagne Dynastique Tome VII Oldenbourg. p. 125, 155. ISBN 2-901138-07-1. 

Eksterne skakels[wysig | wysig bron]