Niels van Denemarke

in Wikipedia, die vrye ensiklopedie
Spring na: navigasie, soek
Niels
Koning van Denemarke
Kong niels.jpg
Periode 110425 Junie 1134
Voorganger Erik I
Opvolger Erik II
Vrou Prinses Margaret Fredkulla van Swede
Kinders Magnus die Sterke
Ulvhild Håkansdotter
Vader Sven I
Gebore Omstreeks 1064
Oorlede 25 Junie 1134, Schleswig

Niels (omstreeks 106425 Junie 1134) was van sy broer Erik I se dood tot met sy eie dood op 25 Junie 1134 koning van Denemarke. Hy was vermoedelik die jongste seun van Sven I en het getrou met prinses Margaret Fredkulla van Swede, by wie hy Magnus die Sterke en later Ulvhild Håkansdotter gehad het.

Bewind[wysig]

Vier van Niels se ouer broers was voor hom koning en nadat sy broer Erik I in Julie 1103 tydens ’n pelgrimstog dood is, is Niels die volgende jaar as koning gekies. Die presiese jaar van sy geboorte is onbekend, maar hy is vermoedelik in die middel-1060's gebore en was dus sowat 40 jaar oud toe hy koning word. Niels se bewind was vreedsaam en hy het lyfstraf afgeskaf ten gunste van ’n moderner regstelsel met boetes as straf.

Ná 26 van vrede, toe Niels se seun Magnus die Sterke ’n volwasse ouderdom bereik het, het konflik ontstaan tussen Magnus en sy neef Knoet Lavard, die seun van Erik I. Knoet was baie gewild in die hertogdom van Schleswig, waar hy ’n graaf van koning Niels was, en Magnus het hom beskou as ’n bedreiging vir sy posisie as troonopvolger. Op 7 Januarie 1131 het Magnus sy neef naby Haraldsted net noord van Ringsted vermoor. ’n Burgeroorlog het ontstaan toe Knoet se halfbroer Erik probeer om Knoet se dood te wreek en die troon vir homself te verseker.

Die kerk en die grootste deel van Denemarke het koning Niels egter steeds gesteun en Erik moes in 1134 na Swede vlug. Toe Niels en Magnus in die somer van daardie jaar in Swede land om met Erik klaar te speel, is hulle verras deur ’n kontingent Duitse soldate en verslaan. Magnus is in die geveg dood, maar Niels het ontsnap en vreemd genoeg besluit om suid na Schleswig te reis, waar die mense steeds gretig was om Knoet se dood te wreek. Toe Niels op 25 Junie 1134 op die dorp Schleswig aankom, was daar haat in die lug. Die dorp se priesters het hom gewaarsku om in die katedraal skuiling te soek, maar die koning het geweier en deur die dorp begin stap.

Naby die koninklike paleis het die inwoners Niels se lyfwagte aangeval en vermoor. Daarna is Niels self vermoor en so het die heerskappy van Sven I se seuns tot ’n einde gekom. Niels en sy broers het altesaam 60 jaar oor Denemarke regeer. Hoewel hulle elkeen op sy eie manier prysenswaardig was, was Niels waarskynlik die beste heerser. Hy was ’n uitstekende administrateur en pragmatikus wat klaargemaak het wat sy pa begin het en Denemarke die Middeleeue binnegelei het.

Verwysings[wysig]

Hierdie artikel is merendeels vertaal vanaf die Engelse Wikipedia-artikel [1]
Monarge van Denemarke
Vroeë monarge  HartaknoetGorm die OueHarald BloutandSven VurkbaardHarald IIKnoet die GroteHartaknoetMagnus die GoeieSven IIHarald IIIKnoet die HeiligeOlaf IErik INielsErik IIErik LamSven III / Knoet V / Waldemar die GroteKnoet VIWaldemar die SeëvierendeErik IVAbelChristoffel IErik VErik VIChristoffel IIWaldemar IIIChristoffel IIInterregnumWaldemar AtterdagOlaf IIMargrethe I
Palts-Neumarkt  Erik van PommereChristoffel van Beiere
Oldenburg  Christiaan IHansChristiaan IIFrederik IChristiaan IIIFrederik IIChristiaan IVFrederik IIIChristiaan VFrederik IVChristiaan VIFrederik VChristiaan VIIFrederik VIChristiaan VIIIFrederik VII
Sleeswyk-Holstein-Sonderburg-Glücksburg  Christiaan IXFrederik VIIIChristiaan XFrederik IXMargrethe II