Koorsboom

in Wikipedia, die vrye ensiklopedie

Koorsboom
Wetenskaplike klassifikasie edit
Domein: Eukaryota
Koninkryk: Plantae
Klade: Tracheofiete
Klade: Angiospermae
Klade: Eudicots
Klade: Rosids
Orde: Fabales
Familie: Fabaceae
Klade: Mimosoideae
Genus: Vachellia
Spesie:
V. xanthophloea
Binomiale naam
Vachellia xanthophloea
(Benth.) Banfi & Galasso., (2008)
Sinonieme
  • Acacia songwensis Harms
  • Acacia xanthophloea Benth.

Die koorsboom (Vachellia xanthophloea) is inheems aan Eswatini, Demokratiese Republiek die Kongo, Kenia, Malawi, Mosambiek, Somalië, Suid-Afrika, Tanzanië en Zimbabwe is.[1] In Suid-Afrika kom dit in die provinsies KwaZulu-Natal, Mpumalanga en Limpopo voor. Op die SANBI-rooilys is dit as 'veilig' (LC) gelys.[2] Die boom se FSA-nommer is 189. [3]

Dit is 'n boom wat tot 25 meter hoog kan groei. Die hoogste koorsboom in Suid-Afrika is egter 30,5 m hoog en staan op die plaas Antonvilla in die distrik Musina (volgens die eerste verslag: Operasie Boomreuse – 1971). Die baskleur is lemmetjiegroen tot geelgroen en is glad met 'n geel poeier op die oppervlakte. Die boom het lang, reguit dorings wat in pare voorkom. Die boom het dubbelveervormige, saamgestelde blare.

Vroeë pioniers in Suid-Afrika het geglo dat hierdie boom koors veroorsaak, aangesien die mense wat in die gebiede gereis het waar die bome voorkom, koors ontwikkel het. Die bome kom voor in gebiede wat moerasagtig is waar muskiete broei wat malaria dra wat wel die oorsaak van die koors was.

Fotogalery[wysig | wysig bron]

Ander name[wysig | wysig bron]

  • Engelse naam: Fever tree[3]
  • Zoeloenaam: umHlosinga of uMkhanyakude

Sien ook[wysig | wysig bron]

Verwysings[wysig | wysig bron]

  1. "Flora van Zimbabwe" (in Engels). Geargiveer vanaf die oorspronklike op 24 April 2017. Besoek op 28 Desember 2016.
  2. "SANBI-rooilys" (in Engels). Geargiveer vanaf die oorspronklike op 15 April 2016.
  3. 3,0 3,1 Van Wyk, Piet (2008). Field guide to the TREES of the Kruger National Park. Kaapstad: Struik. p. 77. ISBN 978-1-77007-759-1.

Eksterne skakels[wysig | wysig bron]