Kraaifontein
Kraaifontein | |
|---|---|
Voorstad | |
  Kraaifontein | |
| Koördinate: 33°52′0″S 18°41′0″O / 33.86667°S 18.68333°O | |
| Land |  Suid-Afrika |
| Provinsie | Wes-Kaap |
| Metropolitaanse Munisipaliteit | Stad Kaapstad |
| Oppervlak | |
| • Totaal | 30,82 km2 (11,90 vk. myl) |
| Bevolking | |
| • Totaal | 154 615 |
| • Digtheid | 5 000/km2 (10 000/vk. myl) |
| Tydsone | UTC+2 (SAST) |
| Poskode | 7570 |
| Skakelkodes | 021 |
Kraaifontein is 'n groot dorp in die provinsie Wes-Kaap van Suid-Afrika.
As gevolg van Kaapstad se noordoostelike uitbreiding is die dorp nou in die Kaapstad-metropool opgeneem en word as 'n voorstad beskou.
Kraaifontein het twee hoërskole (Eben Dönges en Monument Park) en drie laerskole (Laerskool Aristea, Laerskool Fanie Theron en Laerskool Simonsberg).
Daar is twee spoorwegstasies naamlik Eikenfontein en Kraaifontein. Amptelik is daar ook 'n skietbaan vir sportbeoefening.
Plaaslike bestuur
[wysig | wysig bron]Kraaifontein se status het met verloop van tyd soos volg verander:
- 1957-1996: sy eie munisipaliteit
- 1996-2000: deel van die Oostenberg-munisipaliteit
- 2000 tot op hede: deel van die Kaapstad-metropool.
Wapen
[wysig | wysig bron]Die munisipale raad het in 1963 'n wapen aangeneem: In silwer, 'n rooi keper, in die skildhoof vergesel van twee heraldiese fonteine en in die skildvoet van 'n druiwetros met blare van natuurlike kleur. Die helmteken was 'n witborskraai, en die wapenspreuk "Non auro sed virtute". Schalk Pienaar het die wapen ontwerp.
Die wapen is in 1964 by die Kaapse Provinsiale Administrasie geregistreer; in 1967 formeel deur die provinsiale administrateur verleen, en in 1969 by die Buro vir Heraldiek geregistreer.[1][2]
Misdaad
[wysig | wysig bron]Op Vrydag, 12 Julie 2019, is die Suid-Afrikaanse Nasionale Weermag onder meer in Kraaifontein ontplooi om die hoë vlakke van misdaad, wat die Suid-Afrikaanse Polisiediens tot op daardie stadium nog nie onder beheer kon bring nie, te takel.[3]
Vervoerinfrastruktuur
[wysig | wysig bron]Die N1-nasionale hoofweg gaan deur die dorp.
Sien ook
[wysig | wysig bron]Verwysings
[wysig | wysig bron]- ↑ Kaap de Goeie Hoop Offisiële Koerant 3245 (26 Junie 1964) en 3391 (3 Maart 1967).
- ↑ National Archives of South Africa: Data of the Bureau of Heraldry.
- ↑ "South Africa is deploying the army to fight crime – here's how the murder rate compares to an actual war zone". BusinessTech (in Engels). 12 Julie 2019. Geargiveer vanaf die oorspronklike op 6 Desember 2019. Besoek op 12 Julie 2019.