Leendert Geers

in Wikipedia, die vrye ensiklopedie
Spring na: navigasie, soek
Leendert Geers het die NG moederkerk op Bethal enkele jare ná sy seun se dood ontwerp. Ds. G.O. Meij het die hoeksteen op 14 Mei 1949 gelê, 'n dag ná wat Geurt Geers se 40ste verjaardag sou gewees het.
Ds. H.J. Klem (regs) lê die hoeksteen van die NG kerk op Douglas terwyl die argitek, Leendert Geers (links), toekyk.

Leendert Marinus Geers (Nederland, 1 Junie 1877 – Greenside, Johannesburg, 16 Januarie 1957) was ’n Suid-Afrikaanse argitek van veral NG kerkgeboue.

Geers was die seun van Adrianus Geers (gebore 1851) en Catharina Johanna Voorloop.[1] Geers het sy opleiding in sy vaderland ontvang en na Suid-Afrika gekom in 1894 in diens van die NZASM, by wie hy tot 1899 in Pretoria gewerk het. Ná die Tweede Vryheidsoorlog het hy sy werk in die staatsdiens voortgesit en gewerk as boutekenaar by die departement van openbare werke van 1902 tot Oktober 1930. Van 1931 tot omstreeks 1934 het hy in die argitektuurafdeling van die Transvaalse provinsiale administrasie gewerk. In 1932 is hy as lisensiaatlid tot die Koninklike Instituut van Britse Argitekte toegelaat.

Twee jaar later verlaat hy die staatsdiens en om in vennootskap met sy seun, Geurt, te werk. Ná dié se dood in 1945 het die firma Geers sy werksaamhede voortgesit. Die vennootskap was verantwoordelik vir talle NG kerke en minstens twee Gerformeerde kerke, onder meer dié van Benoni, wat in 1991 gesloop is. Hulle invloed op Afrikaanse Protestantse kerkbou het bly voortleef in die werk van Hendrik Vermooten, wat indiensopleiding by die vennootskap gekry het en as junior vennoot in die Pretoriase kantoor werksaam was tot Geurt se dood.

Leendert Geers is in 1957 in sy huis in Mowbrayweg, Greenside, Johannesburg, oorlede.

Galery van kerke[wysig | wysig bron]

Bronne[wysig | wysig bron]

Verwysings[wysig | wysig bron]

  1. (nl) Genealogieonline.ln. URL besoek op 5 Augustus 2015