Pous Sergius I

in Wikipedia, die vrye ensiklopedie
Pous Sergius I
Pontifikaat begin 15 Desember 687
Pontifikaat eindig 8 September 701
Voorganger Konon
Opvolger Johannes VI
Gebore 650
Palermo, Sisilië, of Antiogië, Sirië
Sterf 8 September 701
Rome, Italië
Ander pouse genaamd Sergius
Sint Pous Sergius I
Gebore 650, Palermo, Sisilië, of Antiogië, Sirië
Sterfte 8 September 701, Rome, Italië
Vereer in Oosters-Ortodokse Kerk
Rooms-Katolieke Kerk
Pelgrimsoord Sint Pieterskerk
Feesdag 8 September
Beskermheilige Vlag van Sirië Sirië

Sergius I was die 84ste pous van die Rooms-Katolieke Kerk.

Biografie[wysig | wysig bron]

Pous Sergius I is van Siriese afkoms gebore in Palermo, Sisilië, of in Antiogië, Sirië. Sy pa was Tiberius. Op 15 Desember 687 volg hy Pous Konon op na slim intriges teen Teenpous Paschalis en Teenpous Theodorus en regeer tot sy dood op 8 September 701. Hy word opgevolg deur Pous Johannes VI. Die naam ‘Sergius’ beteken 'Dienskneg'.

Pontifikaat[wysig | wysig bron]

Die eksarg van Ravenna is deur Paschalis omgekoop om hom as teenpous aan te stel. Paschalis het egter nie betaal nie en die goewerneur het toe Pous Sergius I erken en die geld van hom afgepers. Ook Theodorus is as teenpous aangestel, maar hy het nie lank gehou nie.

Sergius het in konflik gekom met keiser Justinianus II van Bisantium toe die keiser die konsilie van Trullië opgeroep het. Sergius het al die besluite van die konsilie verwerp, waaronder wysiginge aan die selibaat. Die keiser wou Sergius verban, maar dit het nie gewerk nie.

Op 10 April 689 doop hy koning Caedwalla van Wessex in Rome. Hy steun ook Sint Aldhelm, ab van Malmesbury.

Sergius het die Agnus Dei in die mis ingevoer en nuwe feeste ingestel waaronder Mariaboodskap, Mariageboorte, Mariahemelvaart en Marialigmis.

Hy het goeie betrekkinge met die Franke onderhou en Willibrordus, die apostel van die Friese, tot biskop gewy. Hy het ook Berhtwald as aartsbiskop van Kantelberg aangestel.

Verering[wysig | wysig bron]

Pous Sergius word as heilige in die Rooms-Katolieke Kerk vereer. Sy feesdag is op 8 September.

Bibliografie[wysig | wysig bron]

  • Davis, R. (2001) Book of the Pontiffs (English Translation of the Liber Pontificalis) Liverpool University Press. ISBN 0-85323-545-7
  • Duff, Eamon. Saints and Sinners: A History of the Popes, Yale University Press, 2001. bl. 62–63. ISBN 0-300-09165-6
  • Maxwell-Stuart, P. G. Chronicle of the Popes: The Reign-by-Reign Record of the Papacy from St. Peter to the Present, Thames & Hudson, 2002, bl. 47. ISBN 0-500-01798-0.

Eksterne skakels[wysig | wysig bron]

  • BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
  • PTA Inskrywing in "Popes through the Ages" deur J. Brusher S.J. (Engels)


Nota[wysig | wysig bron]

Saamgestel en vertaal uit die Nederlandse, Engelse, Duitse en Franse wikipedia.

Opvolging[wysig | wysig bron]

Voorafgegaan deur
Konon
Pous (Pontifex Maximus)
687701
Opgevolg deur
Johannes VI