Mawlid an-Nabi

in Wikipedia, die vrye ensiklopedie
Jump to navigation Jump to search
Internasionale Mawlid-konferensie, Minar-e-Pakistan, Lahore, Pakistan
'n Banier met Mawlid-groete in Dar-es-Salaam, Tanzanië
Maleisiese Soenni-Moslems tydens 'n Mawlid-optog in die regeringsetel Putrajaya, 2013.
Mawlid-optog in Bhadohi, Uttar Pradesh, Indië
Mawlid an-Nabi in Koerdistan, Irak

Mawlid an-Nabi (Arabies: مَولِد النَّبِي, mawlidu n-nabiyyi, letterlik: "Geboortedag van die profeet"; soms kort مولد mawlid, mewlid, mewlit, mulud genoem) is 'n Islamitiese herdenking van Mohammed se geboortedag. Soenniete vier dit op die twaalfde dag van Rabi'-oel-Awwal, die derde maand in die Islamitiese kalender, terwyl Sjiiete dit op 17 Rabi'-oel-Awwal herdenk.

In teenstelling met Eid-oel-Adha en Eid-oel-Fiter het die tradisie van Mawlid an-Nabi eers na die dood van Mohammed ontstaan. Die Abbasiede het as eerste in Mohammed se geboorte en kinderdae belanggestel en die Fatimiede het Mohammed se geboorte in die 11de eeu begin vier, om hul afstamming van die profeet te beklemtoon. In die Ottomaanse Ryk is dit in 1588 tot 'n amptelike vakansiedag,[1] bekend as Mevlid Kandil, verklaar.[2]

Die herdenking van Mawlid an-Nabi is tot vandag toe 'n twisappel onder Moslems en word nie algemeen aanvaar nie. Van die kritici beskou dit as 'n nabootsing van die Christelike Kersfees. Volgens die Wahhabiete mag net God allen vereer en gevier word. Vervolgens word Mohammed se geboortedag in Saoedi-Arabië nie gevier nie. In ander Islamitiese lande soos Indonesië en Maleisië is dit egter 'n openbare vakansiedag.[3]

Datums[wysig | wysig bron]

Aangesien maande in die Islamitiese kalender altyd na die maan bereken word, wissel die datum van hierdie dag volgens die Gregoriaanse kalender.

Soennitiese Islam[wysig | wysig bron]

Soenniete herdenk Mawlid an-Nabi op 12 Rabi'-oel-Awwal, die werklike viering begin egter altyd met sonsondergang op die vooraand (omdat 'n dag met sononder begin).

Jaar in die Islamitiese kalender Datum in die Gregoriaanse kalender
1438 11 Desember 2016
1439 30 November 2017
1440 20 November 2018
1441 9 November 2019
1442 29 Oktober 2020

Sjia-Islam[wysig | wysig bron]

Sjiiete herdenk Mawlid an-Nabi op 17 Rabi'-oel-Awwal, die werklike viering begin egter altyd met sonsondergang op die vooraand (omdat 'n dag met sononder begin).

Jaar in die Islamitiese kalender Datum in die Gregoriaanse kalender
1438 16 Desember 2016
1439 5 Desember 2017
1440 25 November 2018
1441 14 November 2019
1442 3 November 2020

Sien ook[wysig | wysig bron]

Verwysings[wysig | wysig bron]

  1. (en) Shoup, John A. (1 Januarie 2007). Culture and Customs of Jordan. Greenwood Publishing Group. p. 35. ISBN 978-0-313-33671-3. 
  2. (de) Manuel Franzmann, Christel Gärtner, Nicole Köck (2009). Religiosität in der säkularisierten Welt: Theoretische und empirische Beiträge zur Säkularisierungsdebatte in der Religionssoziologie. Springer-Verlag. p. 351. ISBN 978-3-531-90213-5. 
  3. (de) Norbert Hofmann (1978). Der islamische Festkalender in Java und Sumatra. Bock + Herchen. p. 67. ISBN 978-3-88347-000-9. 

Verdere leesstof[wysig | wysig bron]

  • (en) Kaptein, N. J. G. (1993). Muhammad's Birthday Festival: Early History in the Central Muslim Lands and Development in the Muslim West Until the 10th/16th Century. Leiden: Brill. ISBN 978-90-04-09452-9. 
  • (en) Kaptein, N. J. G. (2007). "Mawlid". In P. Bearman; T. Bianquis; C. E. Bosworth; E. van Donzel; W. P. Heinrichs. Encyclopedia of Islam. Brill. ISBN 978-0-8160-7745-8. 
  • (en) Katz, Marion Holmes (2007). The Birth of The Prophet Muhammad: Devotional Piety in Sunni Islam. Routledge. ISBN 978-1-135-98394-9. 

Eksterne skakels[wysig | wysig bron]