Ralreier

in Wikipedia, die vrye ensiklopedie

Ralreier
Wetenskaplike klassifikasie
Domein:
Koninkryk:
Filum:
Klas:
Orde:
Familie:
Genus:
Spesie:
A. ralloides
Binomiale naam
Ardeola ralloides
(Scopoli, 1769)
'n Ralreier se eiers.

Die ralreier is 'n redelik tot baie algemene standvoël in die familie Ardeidae.

Identifikasie[wysig | wysig bron]

Hierdie is 'n bonkige reier met 'n kort nek, kort bek en 'n bruin rug. In die somer het volwassenes lang nekvere. Sy nie-broeidrag verskil soos volg van die Malgassiese Ralreier s'n: Sy rugkant is valer en steek minder by sy vlerke af en sy gelerige snawel het 'n swart snawelnok. In die broeityd verkleur sy bleekgeel pote 'n paar dae lank tot pienkrooi. In vlug vertoon hy spierwit, tensy sy rugkant sigbaar is. Hy is tussen 40 en 49 cm lank, met 'n algemene lengte van 43 cm.

Habitat[wysig | wysig bron]

Hou een-een by strandmere, vleie, riooldamme en strome. Hulle vreet insekte, vis en amfibiese diertjies.

Hulle broeigebiede moerasagtige vleilande in die warm lande. Hulle broei in klein kolonies, dikwels saam met ander watervoëls, gewoonlik op platforms van stokke in bome of ander struike. Hulle lê 3-4 eiers.

Verspreiding[wysig | wysig bron]

Dit broei in Suid-Europa en die Midde-Ooste, en is 'n migrasievoël wat in Afrika oorwinter. Hulle word selde verder noord as hulle broeigebiede gesien.

In Suidelike Afrika kom hulle vanaf Augrabies al langs die Gariep voor, en die gebied strek verder oor die hele Vrystaat, KwaZulu-Natal, Mpumalanga, Limpopo Provinsie, Noordwes, die grootste deel van Namibië en Botswana, asook die hele Zimbabwe en Mosambiek.

Ander name[wysig | wysig bron]

  • Wetenskaplike naam: Ardeola ralloides
  • Engelse naam: Squacco Heron

Sien ook[wysig | wysig bron]

Bronnelys[wysig | wysig bron]