Saron

Saron
Die sendingkerk op Saron
Saron  Saron se ligging in Wes-Kaap
Koördinate: 33°10′52″S 19°0′36″O
Land	Suid-Afrika
Provinsie	Wes-Kaap
Distrik	Kaapse Wynland
Munisipaliteit	Drakenstein
Oppervlak
• Totaal	2,13 km2 (0,82 vk. myl)
Bevolking  (2011)
• Totaal	7 843
• Digtheid	3 682/km2 (9 540/vk. myl)
Rasverdeling (2011)
• Wit mense	0.1%
• Indiërs/Asiërs	0.2%
• Bruin mense	97.3%
• Swart mense	1.8%
• Ander	0.6%
Taal (2011)
• Afrikaans	96.8%
• Ander	3.2%
Poskode (strate)	6812
Poskode (posbusse)	6812
Skakelkode	023

Saron lê 20 km suid van Porterville, net wes van die R44-provinsiale pad en aan die voet van die Saronsberg. Dit val binne die gebied van die Drakenstein Plaaslike Munisipaliteit wat op sy beurt deel vorm van die Kaapse Wynland-distriksmunisipaliteit.

Saron was 'n sendingstasie van die Rynse Sendinggenootskap en is later deur die Nederduitse Gereformeerde Kerk oorgeneem. In 1 Kronieke 27 vers 29 en Hooglied 2 vers 1 kom die naam Saron voor met die betekenis van "vlakte". Aan die tekste is die naam vir hierdie sendingstasie ontleen. Die kerkgebou dateer uit 1853. Die pastorie was die oorspronklike plaashuis van De Leeuwenklip en die voorgewel dateer uit ongeveer 1780.

Tydens die sensus van 1891 in die Kaapkolonie is hier 1 300 mense getel. In die jaar 2000 was hier nagenoeg 6 000 inwoners en met die 2011-sensus het die bevolking op 7 843 gestaan.

Sien ook

• Lys van dorpe in Suid-Afrika

Bron

• Erasmus, B.P.J. (1995). Op Pad in Suid-Afrika. Jonathan Ball Uitgewers. ISBN 1-86842-026-4.