Mariehamn

Mariehamn • Maarianhamina
Kaart	Wapen
	Vlag
Land	Finland
Lande	Åland
Koördinate	60°06′00″N 19°56′00″O
Stigting	1861
Oppervlakte:
- Totaal	11,79 vk km
Hoogte bo seevlak	1 m
Bevolking:
- Totaal (2010)	11 161
- Bevolkingsdigtheid	946,65/vk km
Tydsone	EET / UTC +2
- Somertyd	EEST / UTC +3
Burgemeester	Ritva Sarin-Grufberg
Amptelike webwerf	www.mariehamn.ax

Mariehamn (Fins: Maarianhamina) is die hoofstad en grootste stad van Åland, 'n outonome administratiewe provinsie en gebied van Finland. Die stad het 'n bevolking van 11 161 mense in 2010 gehad en het 'n oppervlakte van 11,79 km².

Die hawe van Mariehamn by nag.

Toe Mariehamn, tans die enigste stedelike nedersetting op die Åland-eilande, in 1861 deur tsaar Aleksander II op 'n smalle landtong tussen twee natuurlike hawens gestig en na die tsarin Maria Alexandrovna vernoem is, was die bevolking 'n skrale dertigtal. Die bloeitydperk van die Ålandse handelsvloot en seevervoer in die 19de en 20ste eeu asook die besluit van die Volkebond om 'n outonome status aan die eilandgroep te verleen, het tot 'n vinnige ekonomiese opswaai gelei.

Mariehamn is deesdae 'n gewilde vakansiebestemming vir merendeels Sweedse en Finse toeriste waar groot veerbote, wat van Swede na Finland onderweg is, aandoen.