Straat van Malakka

in Wikipedia, die vrye ensiklopedie
Jump to navigation Jump to search
Straat van Malakka
Ship on the Strait of Malacca from Bukit Melawati.jpg
’n Skip op die Straat van Malakka, soos gesien vanaf Maleisië
Straat van Malakka.png
Die ligging van die Straat van Malakka
Koördinate:4°N 100°O / 4°N 100°O / 4; 100Koördinate: 4°N 100°O / 4°N 100°O / 4; 100
Ligging:Thailand, Maleisië, Singapoer, Indonesië, Indië
Soort:Seestraat wat die Indiese met die Stille Oseaan verbind
Gemiddelde diepte:25 m
Lengte:890 km
Breedte:2,8 km
Nedersettings:Malacca Stad, Port Klang, Penang, Medan, Phuket, Satun, Singapoer, Atjeh, Riau, Port Blair

Die Straat van Malakka (Maleis: Selat Melaka; Indonesies: Selat Malaka; Thai: ช่องแคบมะละกา; Tamil: மலாக்கா நீரிணை, Malākkā nīriṇai; Chinees: 馬六甲海峽/马六甲海峡) is ’n smal seestraat van 890 km tussen die Maleise Skiereiland en die Indonesiese eiland Soematra.[1] As die hoofkanaal tussen die Indiese en Stille Oseaan is dit een van die belangrikste skeepsroetes in die wêreld. Dit is genoem na die Sultanaat Malakka, wat tussen 1400 en 1511 oor die argipel regeer het; die hoofstad daarvan was in die hedendaagse Maleisiese staat Malakka.

Ekonomiese belang[wysig | wysig bron]

Uit ’n ekonomiese en strategiese oogpunt is die Staat van Malakka een van die belangrikste skeepslane in die wêreld.

Dit is die belangrikste handelsroete ter see tussen die Indiese en Stille Oseaan en verbind groot Asiatiese ekonomieë soos dié van Indië, Thailand, Indonesië, Maleisie, die Filippyne, Singapoer, China, Japan, Taiwan en Suid-Korea. Meer as 94 000 skepe[2] vaar elke jaar deur die straat en dit is dus ook een van die besigste seestrate ter wêreld:[3] Sowat 25% van die wêreld se handelsgoedere beweeg daardeur, insluitende olie, Chinees vervaardigde produkte, steenkool, palmolie en Indonesiese koffie.[4] Sowat ’n kwart van alle olie wat oor die see vervoer word, gaan deur die seestraat, veral van die Persiese Golf na Asië.[5] Dit is ook een van die wêreld se grootste bottelnekke, want dit vernou suid van Singapoer tot net 2,8 km.[6]

Gevare vir skepe[wysig | wysig bron]

Seerowery is ’n probleem in die seestraat. Dit was veral in die 2000's ’n groot gevaar, met ’n toename sedert die aanvalle op 11 September 2001.[7] Nadat aanvalle in die eerste helfte van 2004 weer toegeneem het, het vlote in die streek die waters strenger gepatrolleer. Daarna het aanvalle op skepe in die Straat van Malakka afgeneem, tot 79 in 2005 en 50 in 2006.[8] Volgens onlangse verslae is aanvalle in onlangse tye heeltemal gestaak.[9]

Daar is 34 skeepswrakke in die kanaal, sommige sedert die 1880's, en dit hou ’n gevaar van botsings in in die vlak, smal seestraat.[10]

Nog ’n gevaar is die rook weens bosbrande op Soematra. Dit kan sigbaarheid tot 200 m laat afneem en dit dwing skepe op baie stadig te vaar in die besige seestraat, waar vragskepe van langer as 350 m soms vaar.[11]

Verwysings[wysig | wysig bron]

  1. Winn, Patrick (27 Maart 2014). "Strait of Malacca Is World's New Piracy Hotspot". NBC News. Geargiveer vanaf die oorspronklike op 2017-03-15. Besoek op 14 Maart 2017.
  2. Aljazeera.net Geargiveer 5 Junie 2011 op Wayback Machine (in Engels)
  3. Strait of Malacca – World Oil Transit Chokepoints Geargiveer 22 November 2014 op Wayback Machine, Energy Information Administration, U.S. Department of Energy
  4. Freeman, Donald B. (2003). The Straits of Malacca: Gateway or Gauntlet?. McGill-Queen's University Press. ISBN 0-7735-2515-7.
  5. "International – U.S. Energy Information Administration (EIA)" (PDF). www.eia.gov. Geargiveer (PDF) vanaf die oorspronklike op 22 November 2014. Besoek op 28 April 2018.
  6. "International – U.S. Energy Information Administration (EIA)" (PDF). www.eia.gov. Geargiveer (PDF) vanaf die oorspronklike op 22 November 2014. Besoek op 28 April 2018.
  7. Raymond, Catherine (2009). “Piracy And Armed Robbery In The Malacca Strait: A Problem Solved?”. Naval War College Review 62: 31–42.
  8. Piracy down 3rd year in row: IMB report Geargiveer 17 Desember 2013 op Wayback Machine, Journal of Commerce Aanlyn, 23 Januarie 2007
  9. "Drastic drop in piracy in Malacca Straits – MaritimeSecurity.Asia". maritimesecurity.asia. Geargiveer vanaf die oorspronklike op 7 November 2017. Besoek op 28 April 2018.
  10. "34 wrecks in sealane threaten passing ships". thestar.com.my. Geargiveer vanaf die oorspronklike op 10 Mei 2007. Besoek op 28 April 2018.
  11. Nachmani, Amikam (8 November 2003). Turkey: facing a new millennium: Coping with Intertwined Conflicts (Europe in Change). Manchester, United Kingdom: Manchester University Press. ISBN 978-0-7190-6370-1.

Skakels[wysig | wysig bron]