Tydlyn van die Tweede Wêreldoorlog
Hier volg 'n tydlyn van die gebeure tydens die Tweede Wêreldoorlog.
1939
[wysig | wysig bron]September
[wysig | wysig bron]- 1: Die Inval van Pole begin om 4:40 vm. met die aanval van verskeie teikens in Pole deur die Duitse Luftwaffe. Die Verenigde Koninkryk en Frankryk eis Duitsland se onmiddellike onttrekking.
- 1: Die tuisfront van die Verenigde Koninkryk word geopen na die regering die algemene mobilisering van die Britse Leër aankondig. Ontruimingstrategieë word beplan ter voorbereiding vir moontlike Duitse lugaanvalle.
- 3: Frankryk, Brittanje, Oostenryk en Nieu-Seeland verklaar oorlog teen Duitsland, na Duitsland se weiering om uit Pole te onttrek.
- 4: Die Britse Lugmag (RAF) se bomkommandement loods 'n aanval op die Duitse kruiser, Admiral Scheer, in die suidelike deel van die Duitse Bog. Hulle verloor ses van die 24 aanvalsvliegtuie en, alhoewel die Duitse skip drie keer getref word, slaag geen van die bomme daarin om te ontplof nie.
- 7: Franse troepe val Duitsland binne naby Saarbrücken.
- 9: Kanada verklaar oorlog teen Duitsland.
- 17: Die Sowjetunie val Pole van die ooste in en beset die gebied oos van die Curzon-linie, sowel as Białystok en Oos Galisië.
- 18: Warskou word deur Duitse troepe omsingel.
- 25: Duitse tuisfrontstrategieë begin met die rantsoenering van voedsel.
- 27-28: Uitgebreide bombardering van Warskou.
- 28: Die Poolse hoofstad, Warskou, gee oor aan Duitsland.
Oktober
[wysig | wysig bron]- 5: Die Sowjetunie begin onderhandelinge met Finland om die grens tussen die twee lande te verander.
- 6: Poolse versetting in die Poolse September-veldtog kom tot 'n einde. Finland begin met die mobilisering van die nasionale leër. Adolf Hitler lewer 'n toespraak voor die Reichstag en verklaar sy begeerte vir 'n byeenkoms met Brittanje en Frankryk om vrede te herstel.
- 9: Hitler gelas voorbereidings vir die inval van België, Frankryk, Luxemburg en Nederland.
- 10: Die Duitse Vloot stel die besetting van Noorweë aan Hitler voor.
- 14: Die Britse slagskip, HMS Royal Oak, word in die hawe van Scapa Flow gesink deur die Duitse Unterseeboot 47.
- 19: Dele van Pole word amptelik by Duitsland ingelyf: die eerste Joodse ghetto word in Lublin gestig.
November
[wysig | wysig bron]- 30: Die Sowjetunie val Finland binne tydens wat later as die Winteroorlog bekend sou staan.
Desember
[wysig | wysig bron]- 1: Jode word geforseer om die Ster van Dawid as embleem te dra.
- 7: Italië herhaal sy verklaring van neutraliteit.
- 13: Tydens die Slag van die Rio de la Plata, val Britse eskaders die Duitse slagskip, Admiral Graf Spee, aan.
- 14: Die USSR word uit die Volkebond geskors.
- 17: Die Duitse slagskip, Admiral Graf Spee word in die hawe van Montevideo gekelder.
- 18: Die eerste Kanadese troepe arriveer in Europa.
- 27: Die eerste Indiese troepe arriveer in Frankryk.
- 28: Vleisrantsoeneringsprogramme begin in Brittanje.
1940
[wysig | wysig bron]Februarie
[wysig | wysig bron]
- 1: Japan kondig 'n rekord-hoë begroting aan, met meer as die helfte van die uitgawes van militêre aard.
- 5: Brittanje en Frankryk besluit om Noorweë se ysterertshandel af te sny ter voorbereiding van 'n verwagte Duitse besetting, en sodoende ook 'n roete na Finland te verseker, om dié land bystand te verleen. Die operasie word beplan vir 20 Maart 1940.
- 14: Die Britse regering roep vrywilligers op om in Finland te veg.
- 15: Die Sowjet Unie se leër neem Summa, in Finland, in en breek sodoende deur die Finse verdediging: die Mannerheim-linie.
- 16: Die Britse torpedojaer, HMS Cossack, verwyder 299 Britse krygsgevanges met geweld van die Duitse tenkskip, Altmark, terwyl dit in neutrale Noorweegse waters is.
- 17: Erich von Manstein stel aan Hitler sy planne voor vir die inval van Frankryk deur die Ardenne.
- 21: Generaal Nikolaus von Falkenhorst word in bevel van die opkomende Duitse inval van Noorweë geplaas. Die konstruksiewerk van Auschwitz word begin.
- 24: Die voorstel om Frankryk deur die Ardenne aan te val word aangeneem.
Maart
[wysig | wysig bron]- 3: Sowjet-aanvalle begin op Viipuri, Finland se tweede grootste stad.
- 5: Finland stem in tot die Sowjetunie se eise om die aanvalle stop te sit.
- 12: Finland onderteken 'n vredesverdrag met die Sowjetunie.
- 16: Duitse lugaanvalle op Scapa Flow lewer die eerste Britse burgerlike ongevalle.
- 18: Benito Mussolini kom met Hitler ooreen dat Italië op 'n voordelige oomblik tot die oorlog sal toetree.
- 21: Paul Reynaud word die Eerste Minister van Frankryk, nadat Édouard Daladier die vorige dag bedank het.
- 28: Brittanje en Frankryk kom formeel ooreen dat geeneen van die lande afsonderlike vredesverdrae met Duitsland sal onderteken nie.
- 30: Japan stig 'n marionetregering te Nanking, Sjina, onder Wang Jingwei.
April
[wysig | wysig bron]- 3: Winston Churchill word as die voorsitter van die Ministerial Defense Committee aangewys, na die bedanking van Lord Chatfield.
- 4: Hitler gee toestemming vir die inval van Noorweë en Denemarke.
- 8: Operasie Wilfred word geloods, waartydens Geallieerde magte seemyne in die waters van Noorweë plaas om te voorkom dat Duitse konvooiskepe gesogte, hoë-kwaliteit ystererts uit Swede na Duitsland vervoer.
- 9: Duitsland val Denemarke en Noorweë binne: Denemarke gee oor.
- 10: Begin van die Slag van Narvik: Britse torpedojaers en vliegtuie loods 'n suksesvolle verrassingsaanval teen die groter Duitse vlootmag. 'n Tweede aanval op 13 April is ook 'n Britse sukses.
- 12: Britse troepe beset die Deense Faroëreilande.
- 14: Britse en Franse troepe land in Noorweë.
Mei
[wysig | wysig bron]
- 5: Noorweegse regering-in-ballingskap word in Londen gevestig.
- 9: Diensplig word in Brittanje verleng tot die ouderdom van 36.
- 10: Duitsland val België, Frankryk, Luxemburg en Nederland in. Winston Churchill word die Eerste Minister van die Verenigde Koninkryk na die aftrede van Neville Chamberlain. Die Verenigde Koninkryk val Ysland binne.
- 11: Luxemburg word beset.
- 13: Nederlandse regering-in-ballingskap word in Londen gevestig.
- 14: Die skepping van die Britse Home Guard word deur Anthony Eden aangekondig.
- 14: Rotterdam ervaar intensiewe bombardering deur die Luftwaffe. Nederland, met die uitsondering van die provinsie Zeeland, besluit om oor te gee.
- 15: Die voorwaardelike oorgawe van die Nederlandse leër word onderteken.
- 17: In Nederland gee die provinsie Zeeland oor.
- 18: Maxime Weygand vervang Maurice Gamelin as bevelvoerder van die Franse magte.
- 25: Boulogne-sur-Mer gee oor aan Duitsland.
- 26: Calais gee aan die Duitsers oor.
- 26: Operasie Dynamo: die Geallieerdes begin om uit Duinkerken terug te trek.
- 28: België gee oor aan Duitsland; Duitsland trek terug uit Narvik.
Junie
[wysig | wysig bron]- 3: Laaste dag van Operasie Dynamo. 224 686 Britse en 121 445 Franse en Belgiese troepe word ontruim. Die Duitsers bombardeer Parys.
- 10: Italië verklaar oorlog teen Frankryk en die Verenigde Koninkryk. Noorweë gee oor aan die Spilmoondhede.
- 11: Die Franse regering verskuif na Tours.
- 13: Parys word deur Duitse troepe beset en die Franse regering skuif weereens: dié keer na Bordeaux.
- 16: Philippe Pétain word die eerste minister van Frankryk, na die bedanking van die Reynaud-regering.