Wikipedia:Beeld van die week

Argief

2007	2008	2009
2010	2011	2012
2013	2014	2015
2016	2017	2018
2019	2020	2021
2022	2023	2024
2025	2026
Hoe word 'n argief aangelê?

Die meeste van die beelde wat op die Afrikaanse Wikipedia gebruik word is afkomstig van die Wikimedia Commons, 'n versameling vrye beelde en ander medialêers wat deur alle Wikimedia-projekte gebruik kan word, maar wat ook deur enige ander persoon of instansie gebruik kan word.

Die Wikimedia Commons besit tans meer as tien miljoen lêers, waarvan sommige uitgewys word as spogbeelde. Enige persoon kan 'n rekening by die Wikimedia Commons skep en beelde nomineer vir featured-status of op ander gebruikers se nominasies reageer (Commons:Commons:Featured picture candidates). Die kriteria waarvolgens die Commons se spogbeelde gekies word strek van die tegniese tot die estetiese. Gebruikers wat reeds by 'n ander Wikimedia-projek geregistreer is, soos die Afrikaanse Wikipedia, word ook outomaties by die Wikimedia Commons geregistreer.

Afrikaanse Wikipediane kan ook beelde of ander medialêers by die Commons bydra (sommige doen reeds) en daar kan direk uit enige artikel hier na 'n beeld op die Commons skakel.

Die beelde wat hier verskyn het dus almal reeds spogstatus (featured status) behaal.

Stap vir stap-begeleiding

Snuffel deur die bestaande spogbeelde van die Wikimedia Commons of nomineer 'n beeld vir spogstatus (dis ook moontlik om ander se nominasies te ondersteun).
Indien die beeld teks in ander tale as Afrikaans bevat, vertaal dit asseblief voor dit op die voorblad geplaas word.
Soek 'n artikel wat die onderwerp van die beeld deel, berghaan vir 'n prentjie van 'n berghaan, of amfibie vir 'n prentjie van 'n padda.
Voeg die beeld by die volgende beskikbare sjabloon (deur op die rooi skakel te kliek), met 'n kort beskrywing, insluitende skakels na relevante artikels. Volg die formaat van die vorige sjablone!
Onthou om erkenning aan die outeur te gee, selfs al word dit nie deur hom/haar vereis nie.

Hierdie is die argief van al die beelde wat tydens 2026 as spogbeelde op die voorblad gepryk het.

2026

Week 1 Takahashi Shotei: Sneeu op die Ayase-rivier. Afdruk van 'n houtsnee uit 1915 in die Amsterdamse Rijksmuseum.

besigtig

Week 2 'n Deur wind en weer gevormde ysberg naby die Antarktiese Skiereiland.

besigtig

Week 3 Die Vasabron (Vasa-brug) oor die Norrström in Stockholm, met die Stockholmse Stadshuset (stadsaal) in die agtergrond. Die Norrström verbind die Mälarmeer met die Oossee.

besigtig

Week 4 'n Stormbandpikkewyn (Pygoscelis antarcticus) op Deception-eiland in Antarktika.

besigtig

Week 5 Die uitbarstingskolom van die vulkaniese uitbarsting in Tonga, soos afgeneem vanaf die Internasionale Ruimtestasie op 16 Januarie 2022.

besigtig

Week 6 'n Jong luiperdwyfie (Panthera pardus pardus) in die Krugerwildtuin in Suid-Afrika.

besigtig

Week 7 'n Finnair Airbus A319-112 OH-LVL land by Helsinki-Vantaa-lughawe in sneeutoestande op 24 Februarie 2017.

besigtig

Week 8 Die Sh 2-113-newel in die sterrebeeld Swaan.

besigtig

Week 9 Die Romeinse brug oor die Moesel in Trier, Duitsland.

besigtig

Week 10 Die allerheiligste binne-in die Groot Tempel van Ramses II by Aboe Simbel, Egipte.

besigtig

Week 11 Twee kinders tydens die Holi-fees in Bangladesj, 2018.

besigtig

Week 12 'n Ekwivalente reghoekige 360x180-graadaansig van die koor in die St. Patrick's Cathedral-skip in Dublin, Ierland. Op 17 Maart word Sint Patricksdag gevier.