Antiope

in Wikipedia, die vrye ensiklopedie
Spring na: navigasie, soek
Jupiter en Antiope, Hendrik Goltzius (omstreeks 1616).
Jupiter en Antiope, deur Antoine Watteau.

Antiope (uitspraak: ænˈtaɪ.əpiː) was in die Griekse mitologie die dogter van die riviergod Asopus, volgens Homerus.[1] Haar skoonheid is raakgesien deur Zeus, wat hom soos ’n sater vermom en haar verkrag het.[2] Daarna het Epopeus haar ontvoer en geweier om haar te laat gaan totdat haar oom, Lycus, hom gedwing het.

Antiope se seuns[wysig]

Op pad huis toe het Antiope die lewe geskenk aan ’n tweeling, Amphion en Zethus. Amphion was Zeus se seun en Zethus die seun van Epopeus. Albei is by ’n veewagter gelos om grootgemaak te word.

In Thebes is Antiope toe deur Dirce, die vrou van Lycus, getreiter en sy het na Eleutherae ontsnap. Daar het sy onwetend skuiling gevind in die huis waar haar twee seuns as veewagters gewoon het. Hier is sy ontdek deur Dirce, wat ’n fees daar kom bywoon het. Sy het die twee seuns beveel om Antiope aan die horings van ’n wilde bul vas te bind. Net toe hulle dit wou doen, het die ou veewagter wat hulle grootgemaak het, sy geheim onthul. Die seuns het Dirce toe aan die bul vasgebind omdat sy hul ma so wreed behandel het.[3]

Weens dié daad het Dionysos Antiope met waansin gestraf en sy het doelloos deur Griekeland geswerf totdat sy later gesond gemaak is. Daarna het sy met Phocus van Tithorca getrou.

Amphion het ’n bekende sanger en musikant geword nadat Hermes hom ’n goue lire gegee en hom dit leer speel het; Zethus was ’n jagter en veewagter. Vir Grieke van die klassieke tydperk was dié verskil tussen die broers die hoofelement van die verhaal. Amphion is met Niobe getroud en het selfmoord gepleeg ná die dood van sy vrou en kinders. Zethus het met Aedon getrou (of soms met Thebe). Die broers is saam in een graf begrawe.

Verwysings[wysig]

Hierdie artikel is merendeels vertaal vanaf die Engelse Wikipedia-artikel [1]
  1. Homerus, Odussee. xi. 260
  2. Apollodorus Bibliotheke iii. 5
  3. Hyginus, Fabula 8.
Gode, helde en ander wesens in die Griekse mitologie
Oergode  AitherChaosChronosErebosGaiaHemeraNyxPontosTartarosUranos
Titane  Eerste geslag:  HyperionIapetosKoiosKriosKronosMnemosyneOkeanosPhoibeRheaTethysTheiaThemis Tweede geslag:  AsteriaAtlasEosEpimetheusHeliosLetoMenoitiosPrometheusSelene
Olimpiese gode  AfroditeApolloAtenaAresArtemisDemeterDionysosHephaistosHeraHermesPoseidonZeus • (Hestia)
Ander gode  AdonisAlpheiosAsklepiosErosHadesHebeHeraklesPanPersephone
Halfgode & helde  AchillesAntiopeDaidalosGanymedesIkarosJasonOedipusPeleusPenelopePerseusSisyphosTantalosTheseus
Ander wesens  AmasonesChtoniese godeEriniërsGiganteGorgoneGrasieëHonderdhandigesMinotourusMusesNimfeSatersSentoureSiklopeSkikgodinne