Tantalos

in Wikipedia, die vrye ensiklopedie
Spring na: navigasie, soek
Tantalos se straf, olieskildey deur Gioacchino Assereto (omstreeks 1640's).

Tantalos (Grieks: Τάνταλος) was die heerser van die stad "Tantalis", genoem na homself,[1] of "Sipylus", genoem na Berg Sipylus waar die stad geleë was.[2]

Mitologie[wysig]

In die Griekse mitologie was Tantalos die pa van Pelops, Niobe en Broteas, en die seun van Zeus en die nimf Plouto. Hy het later ’n inwoner geword van Tartaros, die plek in die onderwêreld waarheen die grootste oortreders gestuur is. Dis hier waar Odusseus hom gesien het.[3]

Tantalos is aanvanklik verwelkom aan Zeus se tafel op Berg Olimpus. Daar het hy hom wangedra en godespys en nektar gesteel om aan sy mense te gee.[4] Hy het ook geheime van die gode verklap.[5]

Pelops[wysig]

Tantalos was die bekendste daarvoor dat hy sy seun Pelops aan die gode geoffer het. Hy het hom in stukke gesny, gekook en as kos vir die gode voorgesit. Hulle het egter daarvan geweet en dit nie geëet nie. Net Demeter, wat ontsteld was oor die verlies van haar dogter, Persephone, het nie besef wat dit was nie en het ’n stuk van die seun se skouer geëet. Clotho, een van die drie Skikgodinne, het die seun op Zeus se bevel weer lewend gemaak (sy het die dele bymekaargemaak en hulle in ’n heilige pot gekook). ’n Skouer van ivoor is deur Hephaistos gemaak en deur Demeter aan hom gegee. Poseidon het Pelops toe gevange geneem en na Olimpus gevat. Later het Zeus Pelops van Olimpus weggestuur weens sy woede jeens Tantalos.

Tantalos se straf vir sy daad was om in ’n poel onder ’n vrugteboom te staan. Sodra hy vrugte wou pluk om te eet, het die takke buite sy bereik geswaai; as hy wou water drink, het die water weggevloei.

Verwysings[wysig]

Hierdie artikel is merendeels vertaal vanaf die Engelse Wikipedia-artikel [1]
  1. George Perrot (2007). History Of Art In Phrygia, Lydia, Caria And Lycia p. 62 ISBN 978-1406708837 (in Frans, Engels). Marton Press. 
  2. James George Frazer (1900-1913-1965). Pausanias, and other Greek sketches, later genoem Pausanias's Description of Greece ISBN 1428649220, ISBN 978-1428649224. Kessinger Publishing Company. 
  3. Odussee xi.582-92; Tantalos se sondes word nie genoem nie, Homerus se aanhangers moes dit in die 8ste eeu al geken het.
  4. Pindar, The First Olympian Ode.
  5. Euripides, Orestes, 10.

Bronne[wysig]

Eksterne skakel[wysig]

Gode, helde en ander wesens in die Griekse mitologie
Oergode  AitherChaosChronosErebosGaiaHemeraNyxPontosTartarosUranos
Titane  Eerste geslag:  HyperionIapetosKoiosKriosKronosMnemosyneOkeanosPhoibeRheaTethysTheiaThemis Tweede geslag:  AsteriaAtlasEosEpimetheusHeliosLetoMenoitiosPrometheusSelene
Olimpiese gode  AfroditeApolloAtenaAresArtemisDemeterDionysosHephaistosHeraHermesPoseidonZeus • (Hestia)
Ander gode  AdonisAlpheiosAsklepiosErosHadesHebeHeraklesPanPersephone
Halfgode & helde  AchillesAntiopeDaidalosGanymedesIkarosJasonOedipusPeleusPenelopePerseusSisyphosTantalosTheseus
Ander wesens  AmasonesChtoniese godeEriniërsGiganteGorgoneGrasieëHonderdhandigesMinotourusMusesNimfeSatersSentoureSiklopeSkikgodinne