Baikalmeer

in Wikipedia, die vrye ensiklopedie
Spring na: navigasie, soek
Kaart van die Baikalmeer (in Duits)
'n Sjamane-steen op die eiland Olchon

Die Baikalmeer (Russies о́зеро Байка́л / osero Baikal; afgelei van die Boerjatiese Байгал нуур / Baygal nuur of "ryk meer", in Russies en ander Europese tale dikwels net Baikal genoem) is 'n meer in die suide van Siberië in die Asiatiese deel van die Russiese Federasie, naby die grens met Mongolië. Met maksimaal 1 637 meter is dit die diepste en met meer as 25 miljoen jaar ook die oudste varswatermeer op aarde.[1]

Die Baikalmeer strek oor meer as 23 000 vierkante kilometer, en sy waterinhoud (wat sowat twintig persent van die wêreld se varswatervoorraad verteenwoordig) is so groot dat dit vyftig jaar lank in die mensheid se drinkwaterbehoeftes sou kon voorsien. Indien sy waterinhoud gelykmatig oor die aardbol verdeel sou word, sou dit twintig sentimeter hoog met water bedek wees. Die Russe verwys na die meer dan ook as die "Bron van die Planeet".

Die enigste rivier, wat water uit die Baikal afvoer, die Angara, loop deur die Jenissei en mond in die Arktiese Oseaan se Karasee uit. Unesco het die Baikalmeergebied in 1996 as wêrelderfenisgebied gelys.[2]

Verwysings[wysig]