Fanus Rautenbach

in Wikipedia, die vrye ensiklopedie
Spring na: navigasie, soek

Fanus Rautenbach, ook bekend as Umfaanus, was 'n bekende radioomroeper, skrywer en mediapersoonlikheid. Hy is op 23 September 1928 op Lichtenburg gebore en op 29 Januarie 2011, op 82-jarige ouderdom, in Kaapstad oorlede.[1]

Loopbaan as radioomroeper[wysig]

Rautenbach het vir 13 jaar elke dag "Flink uit die vere" by die destydse Afrikaanse Radiodiens aangebied en het ‘n ARTES-toekenning gekry vir "Die Hemelkinders", ‘n dokumentêre program oor kinders met Down-sindroom. Hy het ook verskeie ATKV-toekennings gekry vir sy bydrae tot Afrikaans.

Rautenbach was ook die medeskrywer van die bekende radioverhaal "Staal Burger" saam met Daan Retief. Die storie was vanaf 1961 tot 1974 uitgesaai.

Rautenbach was 'n omroeper by radio RSG, Jacaranda 94.2 en ander radiostasies.

In 2007 word Rautenbach met 27 000 stemme aangewys as radio RSG se radiolegende van die afgelope 70 jaar. [2]

Boeke[wysig]

Van Rautenbach se boeke sluit in:

Ander bedrywighede[wysig]

Die liedjie, Tweebuffelsmeteenskootmorsdoodgeskietfontein is deur Rautenbach geskryf. Anton Goosen, 'n Suid-Afrikaanse sanger, het die liedjie opgeneem.

Rautenbach was ook die medeskrywer vir die rolprent You Must Be Joking! (1986) saam met Leon Schuster.

Aanhalings[wysig]

Een van Rautenbach se staaltjies:

"Ons moet almal eendag sterwe, maar elkeen sterf volgens sy beroep:

  • Reisigers gaan heen.
  • Parlementslede op die groen kussings gaan sag heen.
  • Die melkman en die posman kom om.
  • Jagters gaan bokveld toe.
  • Kokke steek lepel in die dak.
  • Die horlosiemaker se tyd het aangebreek.
  • Die valskermspringer ontval ons.
  • Die tuinier is van die gras af gemaak.
  • Die melkboer het die emmer geskop.
  • Die begrafnisondernemer sien sy gat.
  • Die dominee het die tydelike met die ewige verwissel.
  • Die ouderling is ontslape.
  • Die koerantman is direk hemel toe.
  • Die skeidsregter het sy laaste asem uitgeblaas.
  • Die dokter se hart het gaan staan.
  • Die elektrisiën se liggie is gedoof.
  • Die koster het die doodsklok hoor lui.
  • Die kleremaker se draad is geknip.
  • Die Springbok Rugby-afrigter kom tot rus.
  • Skoonmoeder - die duiwel het haar kom haal."

Sien ook[wysig]

Verwysings[wysig]