N5 (Suid-Afrika)

in Wikipedia, die vrye ensiklopedie

Nasionale roete N5 shield

Nasionale roete N5
Roete-inligting
Onderhou deur SANRAL
Lengte235 km (146 mi)
Belangrike aansluitings
Wespunt N1 by Winburg
Oospunt N3 by Harrismith
Ligging
DorpeBethlehem
Harrismith
Snelwegstelsel
Genommerde roetes in Suid-Afrika
N4N6

Die N5 is een van die nasionale paaie in Suid-Afrika. Die pad verbind Winburg met Harrismith. Die hele pad is in die Vrystaat geleë. Die N5 begin net noord van Winburg waar dit afdraai vanaf die N1 in ’n ooswaartse rigting. Die pad rol oor die Oos-Vrystaatse heuwels vir 64 km alvorens die dorp Senekal bereik word. Vanaf Senekal loop die pad verder vir 27 km tot by Paul Roux, ’n klein dorpie. Net buite Paul Roux gaan die pad oor die Sandrivier wat net ’n klein entjie suid hiervandaan ontspring. Van Paul Roux na Bethlehem is ’n afstand van 36 km.

Bethlehem is ’n groot dorp in die Oos-Vrystaat. Van Bethlehem na Kestell kronkel die N5 vir 46 km. Die Golden Gate Hoogland Nasionale Park is net suid van Kestell. Die N5 loop vir nog 45 km na Harrismith en in die proses word die Wilgerivier gekruis. Die Sterkfonteindam is net suid van Harrismith. In Harrismith sluit die N5 by die N3 aan. [1]

Sien ook[wysig | wysig bron]

Verwysings[wysig | wysig bron]

  1. (en) Falkner, John (Mei 2012). Suid-Afrikaanse genommerde roetebeskrywing en bestemmingsontleding (Report). Nasionale Departement van Vervoer. Archived from the original on 6 Junie 2014. https://web.archive.org/web/20140606100245/http://www.transport.gov.za/LinkClick.aspx?fileticket=5qOHvOI4KuY%3d. Besoek op 1 September 2014. 

Eksterne skakels[wysig | wysig bron]