N6 (Suid-Afrika)

in Wikipedia, die vrye ensiklopedie

Nasionale roete N6 shield

Nasionale roete N6
Die N6 steek die Oranjerivier met die Generaal Hertzog-brug by Aliwal-Noord oor
Roete-inligting
Onderhou deur SANRAL
Lengte538 km (334 mi)
Belangrike aansluitings
Suidpunt N2 in Oos-Londen
Noordpunt N1 naby Bloemfontein
Ligging
StedeOos-Londen
Bloemfontein
DorpeStutterheim
Komani
Jamestown
Aliwal-Noord
Rouxville
Smithfield
Snelwegstelsel
Genommerde roetes in Suid-Afrika
N5N7

Die N6 is een van die nasionale paaie in Suid-Afrika. Die pad verbind Oos-Londen met Bloemfontein. [1]

Oos-Kaap[wysig | wysig bron]

Die N6 by Cathcart.

Die N6 begin in Oos-Londen, Oos-Kaap, waar dit vanaf die N2 nasionale pad aftak. Die pad kronkel en klim vanaf die kus die binneland in vir 55 km waar die hoofspoorlyn na Bloemfontein gekruis word by ’n plekkie met die naam Amabele. Die pad bereik Stutterheim 21 km later. Van Stutterheim is dit 48 km na Cathcart, ’n klein dorpie. Op die tog word die spoorlyn weer twee keer gekruis. Vanaf Cathcart na Queenstown is 61 km, die eerste werklike groot dorp op die N6. Die pad hou dan noord na Aliwal-Noord wat 163 km verder is. In die proses word daar oor die Penhoekpas gery wat die Stormberg kruis. Daar word ook deur Jamestown, ’n klein dorpie 54 km suid van Aliwal-Noord af, gery. Aliwal-Noord is aan die suidelike oewer van die Oranjerivier.

Vrystaat[wysig | wysig bron]

Generaal-Hertzog-brug oor die Oranjerivier by Aliwal-Noord.

Nadat die Oranjerivier gekruis is, feitlik in Aliwal-Noord, is dit 34 km na Rouxville in die Vrystaat. Die N6 hou nou noordoos, kruis die Caledonrivier, ’n groot sytak van die Oranjerivier en bereik Smithfield na 35 km. Van Smithfield af is die pad plat en reguit vir 70 km na Reddersburg. Die N1 nasionale pad het vroeër jare deur Reddersburg gegaan. Net noord van Reddersburg kruis die N6 die Rietrivier, hou feitlik noord vir 60 km en bereik Bloemfontein waar dit eindig in Kerkstraat.

Verwysings[wysig | wysig bron]

  1. (en) Falkner, John (Mei 2012). "Suid-Afrikaanse genommerde roetebeskrywing en bestemmingsontleding". Nasionale Departement van Vervoer. Geargiveer vanaf die oorspronklike op 6 Junie 2014. Besoek op 1 September 2014.

Sien ook[wysig | wysig bron]

Eksterne skakels[wysig | wysig bron]