Sheila Cussons

in Wikipedia, die vrye ensiklopedie
Spring na: navigasie, soek
Sheila Cussons
Gebore 1922-08-09
Matawië, Piketberg
Oorlede 2004-11-25, ouderdom 82
Vredehoek, Kaapstad
Beroep Skilderes, digteres, skryfster

Sheila Cussons (9 Augustus 192225 November 2004) was 'n Afrikaanse digteres. Benewens haar talent as skilderes en beeldende kunstenares, was sy een van die belangrikste digters in Afrikaans.

Sy is by die Morawiese sendingstasie naby Piketberg, Suid-Afrika, gebore. As student behaal sy 'n BA graad in skone kunste by die Universiteit van Natal in Pietermaritzburg. Die digter D.J. Opperman was haar vroeë mentor, en het haar beïnvloed om in Afrikaans te skryf eerder as Engels.

Tydens haar huwelik met C.J.M. Nienaber het hulle in Amsterdam gewoon. Na haar egskeiding, en 'n verblyf in Londen, het sy na Suid-Afrika teruggekeer. In 'n tweede huwelik, met Joan de Saladrigas, het sy na Barcelona verhuis. Twee seuns is uit die huwelik gebore. Sy keer na 21 jaar na Suid-Afrika terug, waar Joan haar by geleentheid besoek.

Sy het 'n langdurende korrespondensie met N.P. van Wyk Louw gevoer, wat hulle wedersyds as opbouend vir hul werk beskou het. Nietemin het sy haarself altyd in die eerste instansie as 'n beeldende kunstenares gesien, en as digteres daarnaas. Sy het 11 digbundels in haar leeftyd laat verskyn. Sy is die Ingrid Jonkerprys (1970), die Eugène Maraisprys (1971), die WA Hofmeyrprys drie maal (1972, 1982 en 1991), die CNA-prys vir Letterkunde (1981), die Louis Luytprys (1982) en die gesiene Hertzogprys in 1983 toegeken.

Na 'n dekade lange verblyf in Nazareth Huis, 'n Katolieke inrigting in Vredehoek, sterf sy daar in 2004 op die ouderdom van 82.

Digbundels[wysig]

  • Plektrum (1970)
  • Die swart kombuis (1978)
  • Verf en vlam (1978)
  • Donderdag of Woensdag (1978)
  • Die skitterende wond (1979)
  • Die sagte sprong (1979)
  • Die somerjood (1980)
  • Die woedende brood (1981)
  • Omtoorvuur (1982) ("Die transformerende vuur")
  • Verwikkelde lyn (1983)
  • Membraan (1984)
  • Poems: a selection (1985) ('n Versameling gedigte, deur haarself vertaal)
  • Die heilige modder (1988)
  • Die knetterende woord (1990)
  • 'n Engel deur my kop (1997) ('n Versameling van Sheila Cussons se religieuse gedigte, saamgestel deur Amanda Botha)
  • Die asem wat ekstase is (2000) ('n Versameling van Sheila Cussons se nie-religieuse gedigte, saamgestel deur Amanda Botha)
  • Versamelde gedigte (2006)

Fiksie[wysig]

  • Gestaltes 1947 (1982)

As vertaler[wysig]

  • Die vorm van die swaard en ander verhale (1981) (Cussons se vertalings van kort stories deur Jorge Luis Borges)

Eksterne skakels[wysig]