Piketberg
| Piketberg | |
 |
|
  Piketberg
|
|
| Koördinate: Koördinate: | |
| Land |  Suid-Afrika |
|---|---|
| Provinsie | Wes-Kaap |
| Distriksmunisipaliteit | Weskus |
| Plaaslike Munisipaliteit | Bergrivier |
| Stigting | 1836 |
| Bevolking (2006) | |
| - Stad | 7 500 |
| Tydsone | SAST (UTC+2) |
| Poskode | 7320 |
| Skakelkode(s) | 022 |
| Webwerf: http://www.piketberg.com | |
Piketberg is 'n dorp in die Wes-Kaap, Suid-Afrika.
Geskiedenis [wysig]
Die dorp is in 1836 gestig toe sir Benjamin D'Urban die plaas “Grotefontein” aan die kerkraad geskenk het. Die eerste erwe is in 1841 verkoop. Die kerk het die dorp tot 1901 bestuur. Die spoorlyn na Bitterfontein het die dorp in 1902 bereik. Die naam is afgelei van die ou Nederlandse woord picquet wat van Frans geleen is en militêre wagpos beteken. So 'n pos is reeds in die 1670's aan die voet van die berge gestig om die boere te beskerm teen strooptogte van die Khoikhoi stamme.
Soos op baie ander dorpies in Suid-Afrika is die grootste gebou die NG kerkgebou. Piketberg spog met 'n besonder indrukwekkende voorbeeld wat deur die argitek Carl Otto Hager in sy kenmerkende neo-Gotiese styl ontwerp is.
Omgewing [wysig]
Die omgewing word oorheers deur sandsteenkranse van die Piketberg-bergreeks wat bo die koringlande uittoring. Die skeure en grotte in die hange getuig van prehistoriese inwoners soos die Boesmans, wie se rotstekeninge goed bewaar gebly het. Die vallei is ideaal vir die verbouing van koring en die berghange vir appels, pere en perskes.
