Trevor Manuel

in Wikipedia, die vrye ensiklopedie
Spring na: navigasie, soek
Trevor Manuel
Trevor Manuel

Minister in presidensie vir die Nasionale Beplanningskommissie
Ampstermyn
11 Mei 2009 – 25 Mei 2014
President Jacob Zuma
Voorafgegaan deur Ministerie geskep
Opgevolg deur Jeff Radebe as minister,
Cyril Ramaphosa as voorsitter

Minister van Finansies
Ampstermyn
1996 – 2009
Voorafgegaan deur Chris Liebenberg
Opgevolg deur Pravin Gordhan

Persoonlike besonderhede
Geboorte 31 Januarie 1956 (1956-01-31) (58 jaar oud)
Kaapstad, Suid-Afrika
Politieke party ANC
Eggenoot/eggenote Maria Ramos
Alma Mater Kaapse Skiereiland Universiteit van Tegnologie

Trevor Andrew Manuel (gebore 31 Januarie 1956) was voorsitter van Suid-Afrika se Nasionale Beplanningskommissie. Van 1996 tot 2009 het hy die pos van Minister van Finansies beklee wat hom in 2009 die langsdienende minister in die pos gemaak het.

Vroeëre lewe[wysig]

Manual is in Kensington, Kaapstad as die kind van 'n staatsamptenaar gebore, waar hy grootgeword en skoolgegaan het. Hy matrikuleer in 1973 en gaan studeer Siviele en Strukturele Ingenieurswese, en later — gedurende sy gevangeskap — ook regte.

Publieke lewe[wysig]

Manuel betree die openbare lewe in 1981 as Algemene Sekretaris van die Behuisingaksiekomitee vir die Kaapse area, waarna hy 'n lid word van die UDF se Nasionale Uitvoerende Raad.

In September 1985 was Manuel gevangene geneem en tot 31 Augustus 1990 verban. Die verbanning word egter op 25 Maart 1986 tersyde gestel na 'n uitspraak dat dit teenstrydig is met die Binnelandse Sekerheidswet. Op 15 Augustus 1986 word Manuel weer inhegtenis geneem en vir twee jaar tot September 1988 onder die noodmaatreëls aangehou. Hy word vrygelaat met streng beperkings, maar is kort daarna weer in September 1988 inhegtenis geneem, dié keer tot Februarie 1989.

Post-apartheid[wysig]

Na die ontbanning van die ANC is Manuel aangestel as adjunk-koördineerder van die Wes-Kaap. Tydens die ANC se eerste streekskonferensie in 1990 word Manuel as die Sekretaris van Publisiteit verkies.

By die ANC se 1991 nasionale konferensie is Manual verkies tot die ANC se Nasionale Uitvoerende Komitee. In 1992 word Manuel hoof van die ANC se Departement van Ekonomiese Beplanning. Hy word as 'n ANC-parlementslid in 1994 verkies, en word deur President Nelson Mandela aangestel as Minister van Handel en Nywerheid, en in 1996 as Minister van Finansies.

Die "World Economic Forum" vereer Manuel as 'n "Leader for Tomorrow" in 1994. Hy ontvang ook verskeie internasionale toekennings en erkennings vir wat hy bereik het.

Bedanking en heraanstelling[wysig]

Op 23 September 2008 bedank Trevor Manuel as die Minister van Finansies saam met 'n aantal ander kabinetslede nadat Thabo Mbeki bedank het, wat tot ontstuimige markte gelei het. Hy gee egter te kenne dat hy bereid is om onder die volgende president te dien en probeer om die markte te kalmeer.[1] Hy behou sy pos as lid van Kgalema Motlanthe sy nuwe kabinet wat op 25 September 2008 aangekondig is.[2]

Verwysings[wysig]

  1. "Confusion rattles markets", Sapa (IOL), 23 September 2008.
  2. "SA se nuwe kabinet", IOL, 25 September 2008.

Eksterne skakels[wysig]