Mosiuoa Lekota
Mosiuoa Gerard Patrick Lekota is 'n Suid-Afrikaanse politikus en voormalige lid van die ANC. Hy was ook bekend as Terror Lekota as gevolg van die manier hoe hy sokker gespeel het. Hy was in die tronk op Robbeneiland weens sy politieke aktiwiteite tydens die apartheidsera. Hy was premier van die Vrystaat na die 1994 verkiesing tot in 1996, en was minister van verdediging van 1999 tot 25 September 2008 toe hy as minister bedank het nadat die ANC se Uitvoerende Bestuurskomitee president Thabo Mbeki gedwing het om te bedank.
Aankondiging van 'n nuwe party [wysig]
Op 8 Oktober 2008 kondig Lekota aan dat die ANC-faksie wat lojaal teenoor Mbeki was hulle "skeipapiere" indien, wat aandui op 'n skeuring van die ANC en die stigting van 'n nuwe politieke beweging. As die aankondiging deurgevoer word, sal dit die eerste groot skeuring in die ANC wees sedert die PAC in 1959 van die ANC afgestig het.
Die aankondiging was deur die ANC-leiers verwerp en as onbenullig afgemaak, terwyl die Suid-Afrikaanse Kommunisteparty heftig daarteen gekant is. Ongeag is die aankondiging deur lede van opposisie partye, insluitend Helen Zille van die Demokratiese Alliansie en Bantu Holomisa van die Verenigde Demokratiese Beweging verwelkom.
Op 14 Oktober skort die ANC beide Lekota en Mluleki George se lidmaatskap tot die party op.[1]
Verwysings [wysig]
- ↑ "Lekota suspended from ANC", RTHK, 2008-10-14.
 |
Hierdie artikel omtrent ’n Suid-Afrikaanse politikus is slegs ’n saadjie en bied tans nog nie ensiklopediese dekking van die betrokke onderwerp nie. Jy kan Wikipedia help deur dit uit te brei. |
