Tom Naudé

Tom Naudé in 1953.

Jozua François Naudé
3de Staatspresident van Suid-Afrika (Waarnemend)
Ampstermyn 1967 – 1968
Voorafgegaan deur	C.R. Swart
Opgevolg deur	Jim Fouché
Persoonlike besonderhede
Gebore	1889
Sterfte	1969
Politieke party	Nasionale Party

Jozua François (Tom) Naudé (1889-1969) was van 1967 tot 1968 waarnemende Staatspresident van Suid-Afrika.

Naudé was baie jare 'n Nasionale Party-politikus en het van 1950 tot 1954 gedien as minister van pos en telegraafwese van 1954 tot 1958 as minister van gesondheid, en van 1958 tot 1961 as minister van finansies. Hy is toe gekies as President van die Senaat, en in terme van die republikeinse grondwet sou hy ex officio as staatspresident moes dien wanneer die pos vakant was. Hy moes die rol onverwags vul toe dr. Eben Dönges, wat verkies is om C.R. Swart as staatspresident op te volg in 1967 'n beroerte gehad het wat hom in 'n koma gelaat het voor hy ingehuldig kon word. Naudé was tien maande lank waarnemende staatspresident tot Dönges gesterf en Jim Fouché in sy plek ingehuldig is.

Die Hoër Tegniese Skool Tom Naudé in Polokwane (voorheen Pietersburg) is na hom vernoem.

Die Suid-Afrikaase kabinet in 1958. Voor: dr. Eben Dönges, Paul Sauer, dr. Hendrik Verwoerd, dr. E.G. Jansen, adv. C.R. Swart, adv. Eric Louw. Agter: J.J. Serfontein, M.D.C. de Wet, dr. A.J.R. van Rhijn, sen. Jan de Klerk, Ben Schoeman, PK le Roux, adv. F.C. Erasmus en Tom Naudé.

Voorafgegaan deur: C.R. Swart

Staatspresident van Suid-Afrika 1967–1968

Opgevolg deur: Jim Fouché