Afrikanasiesbeker 2013

Afrikanasiesbeker 2013

Suid-Afrika 2013
Toernooi-inligting
Gasheerland	Suid-Afrika
Datums	19 Januarie – 10 Februarie
Spanne	16 (van 1 konfederasie)
Stadions	5 (in 5 stede)
Finale uitslag
Kampioene	Nigerië (3 titels)
Tweede plek	Burkina Faso
Derde plek	Mali
Vierde plek	Ghana
Toernooi-statistieke
Wedstryde gespeel	32
Doele	69 (2.16 per wedstryd)
Bywoning	729 000 (22 781 per wedstryd)
Meeste punte	Emmanuel Emenike Wakaso Mubarak (4 doele elk)
Beste speler	Jonathan Pitroipa
← 2012 2015 →

Die Afrikanasiesbeker 2013 is van 19 Januarie tot en met 10 Februarie 2013 in Suid-Afrika aangebied. Dit was die 29ste aanbieding van die CAF se Afrikanasiesbeker-toernooi en die tweede keer wat Suid-Afrika die geleentheid kry om as gasheer op te tree nadat hulle ook die 1996-toernooi aangebied het.

Die Afrikanasiesbekertrofee waarom meegeding is

16 spanne vanuit verskeie Afrikalande het aan die toernooi deelgeneem. Nigerië het die trofee gewen nadat hulle Burkina Faso op 10 Februarie in die ENB-stadion met 1–0 geklop en sodoende hulle derde Afrikatitel ingepalm het; Nigerië het daarmee regstreeks vir die FIFA Sokker-Konfederasiebeker in 2013 in Brasilië gekwalifiseer. Mali het in die derde en Ghana in die vierde plek geëindig. Die verdedigende kampioen Zambië is reeds in die groepfase uitgeskakel.

Suid-Afrika se Bafana-Bafana het die uitklopfase gehaal, maar hulle is deur Mali in die kwarteindrondte met 1 (1) teen 1 (3) uitgeskakel.

Toewysing

Aanvanklike toewysing aan Libië

Op 4 September 2006 het CAF aangekondig dat die Afrikanasiesbeker in 2010 in Angola, in 2012 in Gaboen en Ekwatoriaal-Guinee en 2014 in Libië aangebied sou word. Op 14 Mei 2010 het die uitvoerende komitee bekend gemaak dat dit vanaf 2013 in onewe jare gespeel sou word om nie in dieselfde jaar van die Sokker-Wêreldbeker aangebied te word nie. Hiervolgens sou Libië dan die toernooi in 2013, ’n jaar vroeër as aanvanklik beplan, aanbied.

Toewysing aan Suid-Afrika

Na die uitbreek van die Libiese Burgeroorlog in 2011 het CAF in September 2011 besluit om die organisasie van die toernooi van 2013 en 2017 om te ruil. Dit het Suid-Afrika in staat gestel om sy infrastruktuur en stadions wat vir die Sokkerwêreldbeker 2010 opgebou is aan te wend. Libië sou dan meer tyd kry om voor te berei waartydens die land onder meer gestabiliseer kon word.

Kwalifisering

Die gasheer Suid-Afrika het regstreeks vir die Afrikanasiesbeker 2013 gekwalifiseer. Tydens die kwalifisering het 47 spanne om die oorblywende 15 plekke meegeding.

Kwalifiserende spanne

Die volgende 16 spanne het vir die finale toernooi gekwalifiseer:

Uitslag van die kwalifisering:

   Geen deelname

   Nie ’n geassosieerde lid van CAF nie

   Land het nie gekwalifiseer nie

   Land het gekwalifiseer

     Gasheerland Suid-Afrika

Span	Verskynings by eindstryde	Agtereenvolgende deelnames	Laaste verskyning	Vorige beste prestasie
Algerië	15de	1	2010	Kampioen (1990)
Angola	7de	5	2012	Kwarteindstryd (2008, 2010)
Burkina Faso	9de	3	2012	Vierde plek (1998)
DR Kongo	16de	1	2006	Kampioen (1968, 1974)
Ethiopië	10de	1	1982	Kampioen (1962)
Ghana	19de	5	2012	Kampioen (1963, 1965, 1978, 1982)
Ivoorkus	20ste	5	2012	Kampioen (1992)
Kaap Verde	1ste	1	–	Debuut
Mali	8ste	4	2012	Naaswenner (1972)
Marokko	15de	2	2012	Kampioen (1976)
Niger	2de	2	2012	Groepfase (2012)
Nigerië	17de	1	2010	Kampioen (1980, 1994)
Suid-Afrika	8ste	1	2008	Kampioen (1996)
Togo	7de	1	2006	Groepfase (1972, 1984, 1998, 2000, 2002, 2006)
Tunisië	16de	11	2012	Kampioen (2004)
Zambië	16de	5	2012	Kampioen (2012)

Stadions

Die wedstryde is in vyf stede en in vyf stadions gespeel:

Johannesburg		Durban		Port Elizabeth
ENB-stadion		Moses Mabhidastadion		Nelson Mandelabaaistadion
26°14′5.3″S 27°58′56.6″O		29°49′44.4″S 31°1′49.3″O		33°56′16.1″S 25°35′58.3″O
Kapasiteit: 94 700		Kapasiteit: 54 000		Kapasiteit: 48 000
Johannesburg Durban Port Elizabeth Rustenburg Nelspruit Afrikanasiesbeker 2013 (Suid-Afrika)
Nelspruit			Rustenburg
Mbombela-stadion			Royal Bafokeng-stadion
25°27′42″S 30°55′47″O			25°34′43.5″S 27°9′39.4″O
Kapasiteit: 41 000			Kapasiteit: 42 000

Match ball

Die Afrikanasiesbeker 2013 se amptelike wedstrydbal is vervaardig deur Adidas en genoem Katlego, wat “sukses” in Tswana beteken. Dié naam is deur Afrikasokkerondersteuners gekies deur ’n aanlynstemming bo twee alternatiewe name, naamlik Khanya (“lig”) en Motswako (“mengel”).

Formaat

Die Afrikanasiesbeker 2013 is oor 23 dae tussen 16 verskillende nasies oor 32 wedstryde uitgespeel. Dit het op 19 Januarie 2013 op die ENB-stadion in Johannesburg met ’n wedstryd tussen die gasheer Suid-Afrika en Kaap Verde afgeskop. Die toernooi het geëindig by dieselfde stadion op 10 Februarie met die eindstryd tussen Nigerië en Burkina Faso, waartydens Nigerië die Afrikanasiesbekertrofee ingepalm het.

Kalender

Die volgende tabel dui die Afrikanasiesbeker 2013 se daaglikse program aan. ’n Pers blokkie dui op wedstryde tydens die groepfase, ’n groen blokkie op wedstryde tydens die uitklopfase, ’n blou blokkie op die bronseindstryd en ’n geel blokkie op die eindstryd.

Aantal daaglikse wedstryde tydens die toernooi Groepfase Januarie Sa 19 So 20 Ma 21 Di 22 Wo 23 Do 24 Vr 25 Sa 26 So 27 Ma 28 Di 29 Wo 30 Seremonies OS Groep A 2 2 2 Groep B 2 2 2 Groep C 2 2 2 Groep D 2 2 2 Uitklopfase Januarie/Februarie Do 31 Vr 1 Sa 2 So 3 Ma 4 Di 5 Wo 6 Do 7 Vr 8 Sa 9 So 10 Seremonies SS Uitklopfase 2 2 2 1 1

Legende    Seremonies    Groepwedstryde    Uitklopfase    Derde plek    Eindstryd

Groepfase

Die Afrikanasiesbeker 2013 is deur 16 nasionale sokkerspanne uitgespeel. Vir die groepfase is die 16 deelnemende spanne in vier groepe van vier spanne elk verdeel; elke span het een wedstryd teen elk van die ander spanne in dieselfde groep gespeel, dus het elke span drie wedstryde in die groepfase gespeel. Drie punte is vir ’n oorwinning toegeken, een vir ’n gelykop en geen punte vir ’n nederlaag: spanne wat met dieselfde aantal punte geëindig het, is volgens aangetekende doele gerangskik.

Klassifisering binne elke groep was gegrond op die volgende puntestelsel:

• Drie wedstrydpunte vir ’n oorwinning;
• Een vir ’n gelykop;
• geen vir ’n nederlaag.

Aan die einde van die groepfase is die spanne gerangskik van die eerste na die vierde posisie, gegrond op versamelde wedstrydpunte, met die twee top spanne wat na die uitklopfase deurdring het. As twee spanne gelyk op punte was, is die rangorde deur hul aantal aangetekende doele bepaal.

Uitklopfase

Van die begin van dié fase af het die toernooi ’n uitklopformaat aangeneem wat uit agt wedstryde bestaan het: vier kwarteindstryde, twee halfeindstryde, ’n derdeplekwedstryd en die eindstryd.

Die wenner en naaswenner van elk van die groepe het na die uitklopfase deurgedring. Groepwenners het teen naaswenners in ander groepe in die agtste eindstryde gespeel, byvoorbeeld: die wenner van Groep A het teen die naaswenner van Groep B en die wenner van Groep B het teen die naaswenner van Groep A gespeel. Spanne van dieselfde groep sou dus eers weer in óf die klein finale óf die eindstryd kon ontmoet het.

Elke wedstryd in die uitklopstadium moes met ’n oorwinning vir een van die spanne eindig. As daar ná negentig minute van gewone spel ’n gelykopuitslag was, is daar verder gespeel om die wenner te bepaal. Aanvanklik is daar twee periodes van ekstra tyd gespeel, 15 minute in elke rigting. As daar steeds nie ’n wenner was ná 120 minute nie, is die wenner deur ’n strafskopkompetisie bepaal.

Wedstryde

Kwalifiseer vir die uitklopfase.

Uit die toernooi geskakel.

Die wedstryde is in twee fases opgedeel, naamlik die groep- en die uitklopfase. Die loting vir die groepfase het op 24 Oktober 2012 in Durban plaasgevind.

Groepfase

16 spanne het aan die groepfase deelgeneem. Die boonste twee spanne in elke groep het na die uitklopfase deurgedring.

Groep A

Wedstryd tussen Suid-Afrika en Angola

Land	Wed	Wen	Gel	Ver	DV	DT	+/–	Pte
Suid-Afrika	3	1	2	0	4	2	+2	5
Kaap Verde	3	1	2	0	3	2	+1	5
Marokko	3	0	3	0	3	3	0	3
Angola	3	0	1	2	1	4	–3	1

19 Januarie 2013 18:00
	Suid-Afrika	0–0	Kaap Verde	ENB-stadion, Johannesburg Toeskouers: 50 000 Skeidsregter: Djamel Haimoudi (Algerië)

19 Januarie 2013 21:00
	Angola	0–0	Marokko	ENB-stadion, Johannesburg Toeskouers: 25 000 Skeidsregter: Badara Diatta (Senegal)

23 Januarie 2013 17:00
	Suid-Afrika	2–0	Angola	Moses Mabhidastadion, Durban Toeskouers: 40 000 Skeidsregter: Koman Coulibaly (Mali)
	Sangweni 30' Majoro 62'

23 Januarie 2013 20:00
	Marokko	1–1	Kaap Verde	Moses Mabhidastadion, Durban Toeskouers: 25 000 Skeidsregter: Janny Sikazwe (Zambië)
	El-Arabi 78'		35' Platini

27 Januarie 2013 19:00
	Marokko	2–2	Suid-Afrika	Moses Mabhidastadion, Durban Toeskouers: 45 000 Skeidsregter: Bakary Gassama (Gambië)
	El Adoua 10' Hafidi 82'		71' Mahlangu 86' Sangweni

27 Januarie 2013 19:00
	Kaap Verde	2–1	Angola	Nelson Mandelabaaistadion, Port Elizabeth Toeskouers: 20 000 Skeidsregter: Slim Jedidi (Tunisië)
	F. Varela 81' Héldon 90+1'		33' (e. d.) Nando

Groep B

Land	Wed	Wen	Gel	Ver	DV	DT	+/–	Pte
Ghana	3	2	1	0	6	2	+4	7
Mali	3	1	1	1	2	2	0	4
DR Kongo	3	0	3	0	3	3	0	3
Niger	3	0	1	2	0	4	–4	1

20 Januarie 2013 17:00
	Ghana	2–2	DR Kongo	Nelson Mandelabaaistadion, Port Elizabeth Toeskouers: 7 000 Skeidsregter: Daniel Bennett (Suid-Afrika)
	Agyemang-Badu 40' Asamoah 50'		53' Mputu 68' (straf) Mbokani

20 Januarie 2013 20:00
	Mali	1–0	Niger	Nelson Mandelabaaistadion, Port Elizabeth Toeskouers: 20 000 Skeidsregter: Slim Jedidi (Tunisië)
	Keita 84'

24 Januarie 2013 17:00
	Ghana	1–0	Mali	Nelson Mandelabaaistadion, Port Elizabeth Toeskouers: 8 000 Skeidsregter: Noumandiez Doué (Ivoorkus)
	Wakaso 38' (straf)

24 Januarie 2013 20:00
	Niger	0–0	DR Kongo	Nelson Mandelabaaistadion, Port Elizabeth Toeskouers: 12 000 Skeidsregter: Bouchaïb El Ahrach (Marokko)

28 Januarie 2013 19:00
	Niger	0–3	Ghana	Nelson Mandelabaaistadion, Port Elizabeth Toeskouers: 10 000 Skeidsregter: Badara Diatta (Senegal)
			6' Gyan 23' Atsu 49' Boye

28 Januarie 2013 19:00
	DR Kongo	1–1	Mali	Moses Mabhidastadion, Durban Toeskouers: 8 000 Skeidsregter: Djamel Haimoudi (Algerië)
	Mbokani 3' (straf)		15' Mah. Samassa

Groep C

Land	Wed	Wen	Gel	Ver	DV	DT	+/–	Pte
Burkina Faso	3	1	2	0	5	1	+4	5
Nigerië	3	1	2	0	4	2	+2	5
Zambië	3	0	3	0	2	2	0	3
Ethiopië	3	0	1	2	1	7	–6	1

21 Januarie 2013 17:00
	Zambië	1–1	Ethiopië	Mbombela-stadion, Nelspruit Toeskouers: 10 000 Skeidsregter: Eric Otogo-Castane (Gaboen)
	Mbesuma 45+3'		65' Adane

21 Januarie 2013 20:00
	Nigerië	1–1	Burkina Faso	Mbombela-stadion, Nelspruit Toeskouers: 8 500 Skeidsregter: Mohamed Benouza (Algerië)
	Emenike 23'		90+4' Al. Traoré

25 Januarie 2013 17:00
	Zambië	1–1	Nigerië	Mbombela-stadion, Nelspruit Toeskouers: 25 000 Skeidsregter: Gehad Grisha (Egipte)
	Mweene 85' (straf)		57' Emenike

25 Januarie 2013 20:00
	Burkina Faso	4–0	Ethiopië	Mbombela-stadion, Nelspruit Toeskouers: 35 000 Skeidsregter: Bernard Camille (Seychelle)
	Al. Traoré 34', 74' D. Koné 79' Pitroipa 90+5'

29 Januarie 2013 19:00
	Burkina Faso	0–0	Zambië	Mbombela-stadion, Nelspruit Toeskouers: 8 000 Skeidsregter: Néant Alioum (Kameroen)

29 Januarie 2013 19:00
	Ethiopië	0–2	Nigerië	Royal Bafokeng-stadion, Rustenburg Toeskouers: 15 000 Skeidsregter: Bouchaïb El Ahrach (Marokko)
			80' (straf), 90' (straf) Moses

Groep D

Wedstryd tussen Algerië en Ivoorkus

Land	Wed	Wen	Gel	Ver	DV	DT	+/–	Pte
Ivoorkus	3	2	1	0	7	3	+4	7
Togo	3	1	1	1	4	3	+1	4
Tunisië	3	1	1	1	2	4	–2	4
Algerië	3	0	1	2	2	5	–3	1

22 Januarie 2013 17:00
	Ivoorkus	2–1	Togo	Royal Bafokeng-stadion, Rustenburg Toeskouers: 2 000 Skeidsregter: Néant Alioum (Kameroen)
	Y. Touré 8' Gervinho 88'		45+2' J. Ayité

22 Januarie 2013 20:00
	Tunisië	1–0	Algerië	Royal Bafokeng-stadion, Rustenburg Toeskouers: 10 000 Skeidsregter: Bakary Gassama (Gambië)
	Msakni 90+1'

26 Januarie 2013 17:00
	Ivoorkus	3–0	Tunisië	Royal Bafokeng-stadion, Rustenburg Toeskouers: 20 000 Skeidsregter: Rajindraparsad Seechurn (Mauritius)
	Gervinho 21' Y. Touré 87' Ya Konan 90'

26 Januarie 2013 20:00
	Algerië	0–2	Togo	Royal Bafokeng-stadion, Rustenburg Toeskouers: 35 000 Skeidsregter: Hamada Nampiandraza (Madagaskar)
			31' Adebayor 90+5' Womé

30 Januarie 2013 19:00
	Algerië	2–2	Ivoorkus	Royal Bafokeng-stadion, Rustenburg Toeskouers: 5 000 Skeidsregter: Eric Otogo-Castane (Gaboen)
	Feghouli 64' (straf) Soudani 70'		77' Drogba 81' Bony

30 Januarie 2013 19:00
	Togo	1–1	Tunisië	Mbombela-stadion, Nelspruit Toeskouers: 7 500 Skeidsregter: Daniel Bennett (Suid-Afrika)
	Gakpé 13'		30' (straf) Mouelhi

Uitklopfase

Die Nigeriese nasionale sokkerspan nadat hulle die Afrikanasiesbekertrofee ingepalm het

	Kwarteindrondte				Halfeindrondte				Eindstryd
	2 Februarie – Durban
	Suid-Afrika	1 (1)
					6 Februarie – Durban
	Mali	1 (3)
					Mali	1
	3 Februarie – Rustenburg
					Nigerië	4
	Ivoorkus	1
									10 Februarie – Johannesburg
	Nigerië	2
									Nigerië	1
	3 Februarie – Nelspruit
									Burkina Faso	0
	Burkina Faso	1
					6 Februarie – Nelspruit
	Togo	0
					Burkina Faso	1 (3)			Uitspeel om derde plek
	2 Februarie – Port Elizabeth
					Ghana	1 (2)			9 Februarie – Port Elizabeth
	Ghana	2
									Mali	3
	Kaap Verde	0
									Ghana	1

Kwarteindrondte

2 Februarie 2013 17:00
	Ghana	2–0	Kaap Verde	Nelson Mandelabaaistadion, Port Elizabeth Toeskouers: 8 000 Skeidsregter: Rajindraparsad Seechurn (Mauritius)
	Wakaso 54' (straf), 90+5'

2 Februarie 2013 20:30
	Suid-Afrika	1–1 (e.t.) Strafskoppe 1–3	Mali	Moses Mabhidastadion, Durban Toeskouers: 45 000 Skeidsregter: Néant Alioum (Kameroen)
	Rantie 31' Strafskoppe Tshabalala Furman Mahlangu Majoro		58' Keita Strafskoppe Diabaté Tamboura Ma. Traoré

3 Februarie 2013 17:00
	Ivoorkus	1–2	Nigerië	Royal Bafokeng-stadion, Rustenburg Toeskouers: 25 000 Skeidsregter: Djamel Haimoudi (Algerië)
	Tioté 50'		43' Emenike 78' Mba

3 Februarie 2013 20:30
	Burkina Faso	1–0 (e.t.)	Togo	Mbombela-stadion, Nelspruit Toeskouers: 27 000 Skeidsregter: Badara Diatta (Senegal)
	Pitroipa 105'

Halfeindrondte

6 Februarie 2013 17:00
	Mali	1–4	Nigerië	Moses Mabhidastadion, Durban Toeskouers: 54 000 Skeidsregter: Bakary Gassama (Gambië)
	C. Diarra 75'		25' Echiéjilé 30' Ideye 44' Emenike 60' Musa

6 Februarie 2013 20:30
	Burkina Faso	1–1 (e.t.) Strafskoppe 3–2	Ghana	Mbombela-stadion, Nelspruit Toeskouers: 35 000 Skeidsregter: Slim Jedidi (Tunisië)
	Bancé 60' Strafskoppe B. Koné H. Traoré Koulibaly Bancé		13' (straf) Wakaso Strafskoppe Vorsah Atsu Afful Clottey Agyemang-Badu

Klein finale (om die derde plek)

9 Februarie 2013 20:00
	Mali	3–1	Ghana	Nelson Mandelabaaistadion, Port Elizabeth Toeskouers: 6 000 Skeidsregter: Eric Otogo-Castane (Gaboen)
	Mah. Samassa 21' Keita 48' S. Diarra 90+4'		82' Asamoah

Eindstryd

10 Februarie 2013 20:30
	Nigerië	1–0	Burkina Faso	ENB-stadion, Johannesburg Toeskouers: 85 000 Skeidsregter: Djamel Haimoudi (Algerië)
	Mba 40'

Afrikanasiesbekerkampioen 2013
Nigerië

Ranglys

Deelnemende spanne volgens ranglys:

   Kampioen

   Tweede plek

   Derde plek

   Vierde plek

   Kwarteindrondte

   Groepfase

   Geen deelname

Rang	Span	Groep	Wed	Wen	Gel	Ver	DV	DT	+/–	Pte
1	Nigerië	C	6	4	2	0	11	4	+7	14
2	Burkina Faso	C	6	2	3	1	7	3	+4	9
3	Mali	B	6	2	2	2	7	8	–1	8
4	Ghana	B	6	3	2	1	10	6	+4	11
In die kwarteindrondte uitgeskakel
5	Ivoorkus	D	4	2	1	1	8	5	+3	7
6	Suid-Afrika	A	4	1	3	0	5	3	+2	6
7	Kaap Verde	A	4	1	2	1	3	4	–1	5
8	Togo	D	4	1	1	2	4	4	±0	4
In die groepfase uitgeskakel
9	Tunisië	D	3	1	1	1	2	4	–2	4
10	DR Kongo	B	3	0	3	0	3	3	±0	3
11	Marokko	B	3	0	3	0	3	3	±0	3
12	Zambië	C	3	0	3	0	2	2	±0	3
13	Algerië	D	3	0	1	2	2	5	−3	1
14	Angola	A	3	0	1	2	1	4	–3	1
15	Niger	B	3	0	1	2	0	4	−4	1
16	Ethiopië	C	3	0	1	2	1	7	−6	1

Meeste doele aangeteken

Meeste doele aangeteken:

Rang	Speler	Doele
1	Emmanuel Emenike	4
	Wakaso Mubarak	4
3	Seydou Keita	3
	Alain Traoré	3
5	Kwadwo Asamoah	2
	Gervinho	2
	Dieumerci Mbokani	2
	Sunday Mba	2
	Victor Moses	2
	Jonathan Pitroipa	2
	Mamadou Samassa	2
	Siyabonga Sangweni	2
	Yaya Touré	2

Eksterne skakels

• (en) rsssf.com: African Nations Cup 2013
• (en) worldfootball.net: Africa Cup 1996 South Africa » Schedule