FC Twente

	FC Twente
Volle naam	Football Club ; Twente '65
Stigting	1 Julie 1965
Tuisveld	Grolsch Veste, ; Enschede
Kapasiteit	30 200
Voorsitter	Paul van der Kraan
Afrigter	Ron Jans
Liga	Eredivisie
2024/25	5. posisie

	Tuiskleure

	Wegkleure

FC Twente is 'n sokkerspan uit Enschede in Nederland wat in die Eredivisie (1ste afdeling) speel. Die afrigter is Joseph Oosting.

Die tuisveld van FC Twente is die Grolsch Veste, met 'n kapasiteit van 30 200 sitplekke. Onder ondersteuners is die stadion bekend vir sy aangename en fanatiese atmosfeer.

In die huidig seisoen (2024/25) speel FC Twente in die Eredivisie en is hulle in die rondte van 16 van die KNVB-Beker uitgeskakel deur die uiteindelike wenner Go Ahead Eagles. In die Champions League is hulle in die voorronde uitgeskakel deur Red Bull Salzburg en in die Europa League is hulle in die rondte van 32 uitgeskakel deur FK Bodø/Glimt.

Die vrouespan speel in seisoen 2024/25 in die Eredivisie vir vroue en is die heersende kampioen. Hulle het reeds die Eredivisie, die KNVB Beker vir vroue, die Eredivisie Cup en die Supercup vanjaar gewen. In die Champions League vir vroue is hulle uitgeskakel in die groepfase.

Geskiedenis

Stigting en eerste goue era (1965-1980)

FC Twente '65 is op 1 Julie 1965 gestig nadat Enschedese Boys en Sportclub Enschede saamgesmelt het. Beide klubs sou weens hul skuld nie alleen kon bestaan nie. Die nuwe klub het in die Eredivisie begin en hulle eerste goue era het vinnig aangebreek. FC Twente het tot die einde van die sewentigerjare boaan die liga meegeding, maar kon nie die titel inpalm nie (in seisoen 1973/74 eindig hulle as naaswenner). Die klub het ook goed gevaar in die UEFA-toernooie, met enkele halfeindrondtes in die UEFA-beker en in die Bekerwenner-beker en die verlore eindstryd in die UEFA-beker in 1975 teen VfL Borussia Mönchengladbach, nadat hulle in die halfeindronde twee keer (tuis en uit) Juventus F.C. geklop het. Ondanks die sterk span, het hulle in die eerste goue era net die KNVB-Beker in 1978 verower, deur PEC Zwolle met 3-0 te klop in die eindstryd.

Moeilike tye en relegasie (1981-1998)

Die tagtigerjare is die moeilikste tyd vir FC Twente, waarby in 1983 die laagtepunt in hulle geskiedenis: relegasie na die Eerste divisie (die 2de nasionale afdeling). In 1984 keer FC Twente as naaswenner van die Eerste Divisie weer na die Eredivisie terug. Ook in die UEFA-toernooie word hulle al vroeg uitgeklop. Vanaf seisoen 1988/89 klim Twente weer uit die dal, deur drie seisoene in 'n ry die derde plek te verower in die nasionale kompetisie. Ook in die volgende jare bly Twente in die subtop speel. Tog kom die Diekman Stadion nie vol nie (met net 6000 toeskouers per wedstryd). Wel word in 1991 die ondersteunersvereniging Vak-P opgerig, wat die ondersteunerskultuur in Nederland sou verander.

Die nuwe stadion en byna bankrotskap (1998-2003)

In 1998 verhuis FC Twente van die ou Diekman Stadion na die nuwe Arke Stadion (kapasiteit: 13 500 sitplekke). In hierdie periode vestig die ondersteuners nasionale en internasionale faam. In 2001 wen die klub sy tweede KNVB-Beker na strafskoppe teen PSV Eindhoven. Vir die eindstryd het meer as 32 000 ondersteuners na Rotterdam met die span meereis, wat die gewildheid van die klub toon. Maar as gevolg van swak finansiële beleid gaan FC Twente in 2003 byna bankrot. Die stad Enschede leen Twente geld en red die klub.

Opbou en die tweede goue era (2003-2012)

Na die byna bankrot het Joop Munsterman voorsitter geword. Hy het die skuld afgewerk in slegs vyf jaar. Sedert Munsterman voorsitter is, het die klub baie gegroei en het die tweede goue era begin. Die stadion is eers uitgebrei na 24 000 toeskouers en sedert 2006 speel FC Twente gereeld in die bekertoernooie van die UEFA (Intertoto-beker (gewen in 2006), UEFA-Beker en Champions League). Nadat hulle twee keer as naaswenner eindig in 2008 en 2009, het FC Twente in 2010 sy eerste nasionale titel gewen. In seisoen 2010/11 het die klub verder gegaan met titels te wen. Eers verower hulle die Johan Cruijff Schaal deur Ajax in die eindstryd met 1-0 te klop, daarna wen hulle ook die nasionale beker deur opnuut in die eindstryd Ajax te klop (3-2). Die derde eindstryd teen Ajax, vir die nasionale titel (deur toeval die laaste ronde), gaan in Amsterdam met 3-1 verlore.

In die volgende seisoen wen Twente weer die Johan Cruijff Schaal deur weer Ajax in die eindstryd te klop, nu met 2-1. In hierdie seisoen is die stadion weer uitgebrei tot 30 000 sitplekke (deur die ongeluk by die uitbreiding het hulle die eerste wedstryde voor minder toeskouers gespeel en het hulle selfs die eerste spel teen FC Vaslui vir die Champions League in die Gelredome in Arnhem gespeel). Die afrigter (Co Adriaanse) word in die middel van die seisoen afgedank deur teleurstellende resultate en vervang deur Steve McClaren (hy het met Twente die kampioenskap gewen in 2010). Die span eindig hierdie seisoen in die liga op 'n teleurstellende 8ste plek en kwalifiseer hom slegs via die Fair Play Cup vir die Europa League.

Finansiële bedrog en afbraak (2012-2017)

In die seisoen 2012/13 bedank ook Steve McClaren weens die swak resultate in die Eredivisie en die nasionale en internasionale uitkloptoernooie. In 2013 het die tweede span toegetree tot die Eerste divisie, maar deur die nuut byna bankrot het die span na twee seisoene weer teruggetree (in 2016 keer hulle terug in die Tweede divisie). In 2015 word bekend dat Twente weer skuld het deur swak finansiële beleid sedert 2011. Die KNVB neem die klub hierom ses punte af in die kompetisie (2015/16) en het Joop Munsterman bedank as voorsitter. Ook mag Twente nie meeding nie vir die Europa League, ondanks dat hulle hom het kwalifiseer via die Fair Play Cup. Sedert November 2015 blyk verskeie kere dat die klub tusse 2011 en 2014 finansieel bedrog het gepleeg by transfers en in die boekhouding. Die nuwe voorsitter Aldo van der Laan ('n vertroueling van Joop Munsterman) tree ook af. Deur die finansiële chaos by die klub het die KNVB in 2016 die lisensie vir die Eredivisie afgeneem en moet FC Twente relegeer na die Eerste divisie. Die Beroepscommisie van die KNVB besluit egter om onttrekking van die lisensie ongedaan te maak (hulle lê slegs 'n boete van 181 000 euro op), sodat FC Twente ook in seisoen 2016/17 in die Eredivisie speel. As skadeloosstelling betaal FC Twente 2 miljoen euro aan die ander klubs in die eredivisie en is tuiswedstryde vir die besoekers se ondersteuners gratis.

Relegasie en opbou (2017–...)

In die 2017/18-seisoen eindig die span in die 18de plek en relegeer hulle na die Eerste divisie. In die volgende seisoen (2018/19) wen FC Twente die kampioenskap in die Eerste divisie en keer terug na die Eredivisie. Die eerste seisoen na die terugkeer is weens die koronakrisis nie uitgespeel nie. Nadat hulle tiende geëindig het in seisoen 2020/21, het die klub vinnig teruggekeer na die bopunt van die Eredivisie en onderskeidelik 4de, 5de en 3de geëindig. In die Europese kompetisies het die klub aanvanklik gesukkel weens sy ongekeurde status, maar in die 2025-seisoen het hulle weer daarin geslaag om die groepfase van die Europa League te oorleef. Verder is die skuld verminder danksy die sportsuksesse en daar is selfs planne om die stadion verder uit te brei na 40 000 sitplekke.

Erelys

Kampioen Nederland (1)

2009/10

(naaswenner (4): 1973/74, 2007/08, 2008/09, 2010/11)

Eerste divisie (1)

2018/19

(naaswenner (1): 1983/84)

KNVB-Beker (3)

1978, 2001, 2011

(naaswenner (4): 1975, 1979, 2003, 2009)

Johan Cruijff Schaal (2)

2010, 2011

(naaswenner (1): 2001)

UEFA beker

(naaswenner (1): 1975)

UEFA Intertoto beker (1)

2006

Spelers

Huidige span

Nota: Vlae toon nasionale spanne aan soos per FIFA toelatingsreëls. Spelers mag meer as een nie-FiFA nasionaliteit besit.

Nr.	Posisie	Speler
1	DW	Lars Unnerstall
2	V	Mees Hilgers
3	V	Gustaf Lagerbielke
4	MS	Mathias Kjølø
5	V	Bas Kuipers
8	VS	Taylor Booth
9	VS	Ricky van Wolfswinkel (kaptein)
10	VS	Sam Lammers
11	VS	Daan Rots
14	MS	Sem Steijn
17	V	Alec van Hoorenbeeck
18	MS	Michel Vlap

Nr.	Posisie	Speler
19	VS	Younes Taha
21	DW	Sam Karsies
22	DW	Przemysław Tytoń
23	MS	Michal Sadílek
24	V	Juliën Mesbahi
28	V	Bart van Rooij
30	VS	Sayfallah Ltaief
32	MS	Arno Verschueren
37	VS	Naci Ünüvar
38	V	Max Bruns
41	MS	Gijs Besselink
47	V	Gerald Alders

Uitgeleende spelers

Hierdie spelers staan onder kontrak by FC Twente, maar hulle speel by ander klubs. Nota: Vlae toon nasionale spanne aan soos per FIFA toelatingsreëls. Spelers mag meer as een nie-FiFA nasionaliteit besit.

Nr.	Posisie	Speler
6	MS	Carel Eiting (geleen aan Sparta Rotterdam)
7	VS	Mitchel van Bergen (geleen aan Sparta Rotterdam)
16	DW	Issam El Maach (geleen aan Roda JC)
39	V	Mats Rots (geleen aan Heracles Almelo)

Beroemde sokkerspelers en afrigters

spelers

afrigters

Twentse derby

FC Twente is nie die enige Eredivisiesokkerspan in Twente nie. Heracles Almelo speel ook in hierdie streek. Die jeugakademies van FC Twente en Heracles het saamgesmelt, maar in die Eredivisie leef die hele streek saam met die broederstryd. Die Twentse derby is ook bekend as die 'derby van die ooste' (in Nederlands: Derby van het Oosten).

Ondersteuners

Oral in Europa is Twente bekend vir sy fanatieke ondersteuners. Hulle het die oudste ondersteunersklub in Nederland, met die "Vriendenkring". Teenwoordig is "Vak-P" die bekendste ondersteunersklub van Twente, omdat hulle in die stadion vir die atmosfeer sorg met vlae, lawaai en vuurwerk. In Nederland het Twente ongeveer vyftien ondersteunersklubs (waarvan die meeste van Twentse dorpe, maar ook van Apeldoorn en Amsterdam). Ook in Duitsland, Skotland en Australië is daar 'n ondersteunersklub vir FC Twente. Die Skotse ondersteunersklub Tukker Clan Stranraer het selfs na Vak-P, die Vriendenkring en die Bagpipes die meeste lede.

FC Twente het 'n unieke band met hulle ondersteuners. FC Twente help werklose ondersteuners aan skoling of werk. Ook het die ondersteuners die inrigting van die stadion bepaal.

Maatskaplike verbintenis

FC Twente het as slagspreuk Meer as 'n klub. Dit beteken dat die klub hom inset vir maatskaplike sake. Die klub help werklose ondersteuners aan skoling of werk. Ook geestelik gestremde ondersteuners kry 'n job as byvoorbeeld skoonmaker van die stadion. Hierdie projek speel hoofsaaklik vir die regio Twente, maar daar is planne vir meer nasionale projekte.

FC Twente werk ook mee aan internasionale maatskaplike projekte, soos die Suid-Afrikaanse Medical Knowledge Institute. Vir meer aandag het die span die wedstryd teen SC Heerenveen op 23 September 2012 gespeel in shirts van die MKI. Aartsbiskop Desmond Tutu (in Twente-shirt) het ter ere hiervan die aftrap van die wedstryd verrig.

Jeugakademie

Om nuut spelers op te lei, het FC Twente, soos die meeste klubs, 'n jeugakademie. Die Voetbalacademie FC Twente is 'n saamsmelting van die jeugakademies van FC Twente (90%) en Heracles Almelo (10%) (Go Ahead Eagles het ook ooit deel gewees van die akademie). Die meeste jeugspanne speel hulle tuiswedstryde op die FC Twente trainingscomplex in Hengelo. Die Twentse jeugakademie staan bekend as een van die beste jeugakademies in Nederland. Die tweede span van FC Twente (jong FC Twente) staan los van die jeugakademie. Die tweede span het twee keer die jeug-eredivisie gewen, in 2008 en 2012, het tusse 2013 en 2015 in die Eerste divisie gespeel en speel tans in die derde divisie.

Ook vir die vrouespan is 'n jeugakademie.

Vrouesokker

Oor die span

FC Twente het een van die sterkste spanne in die vrouesokker in Nederland en België (tusse 2012 en 2015 het daar een gesamentlike kompetisie vir beide lande bestaan, wat Twente 2 maal gewin het). Die span neem ook gereeld deel aan die UEFA Women's Champions League. FC Twente is tans kampioen van Nederland (seisoen 2024/25) en wenner van die KNVB Beker (2025), die Supercup (2024) en Eredivisie Cup (2024). FC Twente het in totaal 10 keer die vrouekampioenskap van Nederland gewen, wat dit die suksesvolste klub in die geskiedenis van die Nederlandse vrouesokker maak.

In 2007 het FC Twente die inisiatief geneem om 'n professionele vrouesokkerliga in Nederland op te rig. Om die sterkte van die liga te verhoog, het die Eredivisie vir vroue in 2012 met die Belgiese vroueliga saamgesmelt. In 2015 het die Nederlandse en Belgiese kompetisies weer gesky. FC Twente het lang die enige span in Nederland gewees wat die speelsters eintlik betaal. Later het groter en meer finansieel kragtige klubs ook aangesluit. Tog blyf FC Twente, als gevolg van hul lang tradisie, steeds oppermagtig in die Nederlandse vrouesokker.

Erelys

Kampioen Nederland (10)

2010/11, 2012/13, 2013/14, 2014/15, 2015/16, 2018/19, 2020/21, 2021/22, 2023/24, 2024/25

(naaswenner (4): 2011/12, 2016/17, 2017/18, 2022/23)

KNVB-Beker (4)

2008, 2015, 2023, 2025

(naaswenner (1): 2013)

Eredivisie Cup (4)

2020, 2022, 2023, 2024

(naaswenner (1): 2021)

Supercup (3)

2022, 2023, 2024

Kampioen BeNe liga (2)

2012/13, 2013/14

(naaswenner (1): 2014/15)

BeNe Supercup

(naaswenner (1): 2011)

Eksterne skakels

FC Twente se amptelike webwerf