FIFA Sokker-Konfederasiebeker in 2021
| Toernooi-inligting | |
|---|---|
| Datums | N.v.t. |
| Spanne | 0 (van 0 konfederasies) |
| Stadions | 0 (in 0 stede) |
| Toernooi-statistieke | |
| Wedstryde gespeel | 0 |
| Meeste punte | N.v.t. |
| Beste speler | N.v.t. |
← 2017 | |
Die FIFA Sokker-Konfederasiebeker in 2021 sou oorspronklik in Katar aangebied word, nadat op 2 Desember 2010 die FIFA Sokker-Wêreldbekertoernooi in 2022 aan dié land toegewys is. Daar is egter kommer uitgespreek oor die hoë temperature in Katar gedurende die somer (wat ook daartoe gelei het dat die Sokker-Wêreldbekertoernooi van sy tradisionele Junie-Julie-skedule na November-Desember verskuif moes word).[1]
Dienooreenkomstig het FIFA op 25 Februarie 2015 amptelik aangekondig dat die FIFA Sokker-Konfederasiebeker in 2021 na 'n ander land van die Asiatiese Sokkerkonfederasie verskuif sal word, sodat dit gedurende die tradisionele Junie-Julie-venster 2021 gehou kan word, sonder om nasionale ligas te onderbreek. As kompensasie is die aanbieding van 'n ander FIFA-toernooi, dalk die FIFA-Klubwêreldbeker 2021, in November-Desember 2021 in Katar voorgestel as 'n voorbereiding op die FIFA Sokker-Wêreldbekertoernooi in 2022.[2][3]
In Oktober 2017 het FIFA planne afgekondig om die Sokker-Konfederasiebeker teen 2021 af te skaf en dit met 'n vierjaarlikse 24-span FIFA-Klubwêreldbeker te vervang en laasgenoemde van Desember na Junie te skuif.[4] Op 15 Maart 2019 het FIFA amptelik aangekondig dat die Sokker-Konfederasiebeker geskrap en met die FIFA-Klubwêreldbeker vervang sal word.[5] Katar het wel die FIFA-Klubwêreldbeker in 2019 en 2020 in voorbereiding op die FIFA Sokker-Wêreldbekertoernooi in 2022 aangebied.[6]
Deelnemende spanne[wysig | wysig bron]
Totdat die FIFA Sokker-Konfederasiebeker in 2021 in Maart 2019 deur FIFA amptelik geskrap en met die FIFA-Klubwêreldbeker vervang is, het die volgende spanne vir die FIFA Sokker-Konfederasiebeker in 2021 gekwalifiseer.
| Span | Konfederasie | Gekwalifiseer as | Gekwalifiseer op |
|---|---|---|---|
| N.v.t. | AFC | Gasheer | N.v.t. |
 Frankryk |
UEFA | Wenner van die FIFA Sokker-Wêreldbekertoernooi in 2018 | 15 Julie 2018 |
 Katar |
AFC | Wenner van die Asië Nasiesbeker in 2019 | 1 Februarie 2019 |
 Meksiko |
CONCACAF | Wenner van die CONCACAF Goue-beker in 2019 | 7 Julie 2019 |
 Brasilië |
CONMEBOL | Wenner van die Copa América in 2019 | 7 Julie 2019 |
 Algerië |
CAF | Wenner van die Afrikanasiesbeker in 2019 | 19 Julie 2019 |
 Italië |
UEFA | Wenner van die Europese Sokkerkampioenskap 2020 | 12 Julie 2021 |
| N.v.t. | OFC | Wenner van die Oseanië Nasiesbeker in 2020 | N.v.t. |
Verwysings[wysig | wysig bron]
- ↑ (en) "FIFA Executive Committee confirms November/December event period for Qatar 2022". FIFA. 19 Maart 2015. Geargiveer vanaf die oorspronklike op 27 Desember 2019. Besoek op 18 Maart 2019.
- ↑ (en) "FIFA strips Qatar of Confederations Cup". CBC/Radio-Canada. 26 Februarie 2015. Geargiveer vanaf die oorspronklike op 27 Augustus 2018. Besoek op 18 Maart 2019.
- ↑ (en) "Late-November/late-December proposed for the 2022 FIFA World Cup". FIFA. 24 Februarie 2015. Geargiveer vanaf die oorspronklike op 29 Junie 2019. Besoek op 18 Maart 2019.
- ↑ (en) "Expanded Club World Cup could replace Confederations Cup – Infantino". ESPNscrum. 28 Oktober 2017. Geargiveer vanaf die oorspronklike op 16 November 2019. Besoek op 18 Maart 2019.
- ↑ (en) "FIFA Council votes for the introduction of a revamped FIFA Club World Cup". FIFA. 15 Maart 2019. Geargiveer vanaf die oorspronklike op 21 Desember 2019. Besoek op 18 Maart 2019.
- ↑ (en) "FIFA Council appoints Qatar as host of the FIFA Club World Cup in 2019 and 2020". FIFA. 3 Junie 2019. Geargiveer vanaf die oorspronklike op 3 Junie 2019. Besoek op 3 Junie 2019.
.svg){kind=logo}