AFC

Kaart van die verskillende sokkerbonde, lidstate van AFC word in pienk aangedui.

Kaart wat die lidlande aandui.

AFC is die Asiatiese Sokkerkonfederasie (Engels: Asian Football Confederation). AFC is een van FIFA se ses kontinentale konfederasies. Die konfederasie is op 8 Mei 1954 gestig en hulle hoofkantoor is in Kuala Lumpur, Maleisië, geleë. Die amptelike taal is Engels en sedert 2013 is Salman Al-Khalifa die president van die AFC.

Australië is vanaf 1 Januarie 2006 die 46ste lid van die AFC. Voor dit was hulle deel van OFC (die Oseaniese Sokkerkonfederasie) gewees. Israel is in 1974 weens die Arabies-Israeliese konflik uitgesluit en het in 1994 by UEFA, die Unie van Europese Voetbal-assosiasies, aangesluit. Kasakstan breek in 2002 weg en sluit by UEFA aan. Nieu-Seeland was tot 1964 lid van die AFC, maar het in 1966 stigtingslid van die OFC geword.

Lidlande

Afghanistan  Australië  Bahrein  Bangladesj  Bhoetan  Broenei  Filippyne  Guam  Hongkong  Indië  Indonesië  Irak

Iran  Japan  Jemen  Jordanië  Kambodja  Katar  Kirgisië  Koeweit  Laos  Libanon  Macau  Maleisië

Maledive  Mianmar  Mongolië  Nepal  Noordelike Mariana-eilande  Noord-Korea  Oman  Pakistan  Palestynse Owerheid  Republiek van Sjina  Saoedi-Arabië  Singapoer

Sirië  Sri Lanka  Suid-Korea  Tadjikistan  Thailand  Turkmenistan  Oesbekistan  Timor-Leste  Verenigde Arabiese Emirate  Viëtnam  Volksrepubliek van Sjina

Presidente

Salman Al-Khalifa, die huidige president van die AFC

Presidentskap	President	Van	Tot	Nasionaliteit
1	Lo Man Kam	1954	1954	Hongkong
2	Kwok Chan	1954	1956	Hongkong
3	William Sui Tak Louey	1956	1957	Hongkong
4	Chan Nam Cheong	1957	1958	Hongkong
5	Tunku Abdul Rahman	1958	1976	Maleisië
6	Kambiz Atabay	1976	1978	Iran
7	Hamzah Abu Samah	1978	1994	Maleisië
8	Ahmad Shah	1994	2002	Maleisië
9	Mohamed bin Hammam	2002	2011	Katar
10	Zhang Jilong	2011	2013	Sjina
11	Salman Al-Khalifa	2013	hede	Bahrein

Eksterne skakels

• (ar) (en) AFC se amptelike webtuiste