Die artikel beskryf ’n sportgebeurtenis wat in die toekoms gaan plaasvind. Die inligting is moontlik spekulatief en kan vinnig verander soos data beskikbaar raak.
FIFA Sokker-Wêreldbeker
كأس العالم لكرة القدم 2022 Kaʾs al-ʿālam li-kurat al-qadam 2022 Qatar 2022
Die 22ste FIFASokker-Wêreldbekertoernooi (Arabies: كأس العالم لكرة القدم 2022, Kaʾs al-ʿālam li-kurat al-qadam 2022; Engels: FIFA World Cup) sal vanaf 21 November tot 18 Desember 2022 in Katar aangebied word. Dit sal die eerste Sokker-Wêreldbekertoernooi in die Midde-Ooste wees en die eerste in Asië sedert 2002 in Japan en Suid-Korea. Dit is die eerste groot sporttoernooi in Katar, die eerste Sokker-Wêreldbekertoernooi in die Arabiese wêreld en 'n land met 'n Islamitiese bevolkingsmeerderheid,[1] nadat Marokko al vyf keer vir die toernooi aansoek gedoen het (in 1994, 1998, 2006, 2010 en 2026), asook Egipte, Libië en Tunisië vir 2010. Weens die groot somerhitte in Katar is in Maart 2015 daarop besluit om die toernooi op 21 November te laat begin en die eindstryd sal op 18 Desember, Katar se nasionale dag, gespeel word.[2][3] Dit is die eerste keer wat 'n Sokker-Wêreldbeker aan die einde van die jaar aangebied sal word. Die toernooi duur dus 28 dae, minder as 'n maand en drie dae langer as die FIFA Sokker-Wêreldbekertoernooi in 1978.[4]
32 nasionale sokkerspanne sal aan die FIFA Sokker-Wêreldbekertoernooi in 2022 deelneem. Die spanne sal in agt groepe verdeel word, waarvan die twee beste spanne van elke groep na die agtste eindrondte sal deurdring. Dit sal die laaste toernooi met die getal van 32 nasionale sokkerspanne wees; vir die volgende FIFA Sokker-Wêreldbekertoernooi in 2026 in Noord-Amerika sal die getal tot 48 verhoog word.
Die nasionale sokkerspan van die gasheer Katar sal vir die eerste keer aan 'n Sokker-Wêreldbekertoernooi deelneem. Die verdedigende kampioen is Frankryk, nadat hulle die FIFA Sokker-Wêreldbekertoernooi in 2018 gewen het.[5]
FIFA het op 19 Desember 2008 in Tokio beslis dat die toernooie van 2018 en 2022 gemeenskaplik toegewys sal word. Volgens FIFA se beleid mag net al om die drie toernooie in dieselfde kontinentale organisasie gehou word. Lande van CAF was dus onverkiesbaar vir 2018, omdat die FIFA Sokker-Wêreldbekertoernooi in 2010 aan Suid-Afrika toegewys is; lande van CONMEBOL was onverkiesbaar vir beide 2018 en 2022, omdat die vorige FIFA Sokker-Wêreldbekertoernooi in 2014 aan Brasilië toegewys is.[6]
Die tydskedulering van die byeenkoms is nog onseker, maar as gevolg van die warm klimaat in Katar is kommer uitgespreek oor die hou van die byeenkoms gedurende die tradisionele maande vir die Wêreldbekertoernooi van Junie en Julie, sedert die bod gemaak is. In Oktober 2013 is 'n taakspan die opdrag gegee om alternatiewe datums te ondersoek en verslag te doen daaroor na die 2014-sokkertoernooi in Brasilië.[8] Die gasheer Katar ontvang ook fel kritiek as gevolg van die manier waarop baie van die konstruksie-projekte verloop; honderde werkers het gesterf sedert die toernooi toegeken is aan Katar in 2010. Verder is beskuldigings van korrupsie en omkopery gemaak met betrekking tot hoe Katar die reg om die geleentheid aan te bied bekom het. FIFA is besig met 'n voortgesette ondersoek na dié bewerings, en daar was ook al oproepe om die Wêreldbekertoernooi na 'n ander land te verskuif.[9]
Die gasheer Katar kwalifiseer outomaties vir die FIFA Sokker-Wêreldbekertoernooi in 2022. Van die 31 oorblywende plekke is 13 vir Europese spanne gereserveer, vyf vir Afrika, vyf vir Suid-Amerika, vier vir Asië en drie vir Noord- en Sentraal-Amerika. Twee plekke sal tydens uitspeelwedstryde tussen Afrika en Noord-/Sentraal-Amerika en tussen Suid-Amerika en Oseanië beslis word.
Die kontinentale kwalifiseringswedstryde word tussen 6 Junie 2019 en Junie 2022 beslis.
Katar
Verenigde State
Suid-Korea
Japan
Australië
_crop.jpg)
.svg){kind=logo}