Fairmont Hotels and Resorts
| Fairmont Hotels and Resorts | |
  | |
| Tipe | Aandelemaatskappy |
|---|---|
| Gestig | 1907 |
| Hoofkantoor | Toronto, Ontario, Kanada |
| Sleutelpersone | Tessie en Virginia Fair – stigters |
| Gebied bedien | Wêreldwyd |
| Industrie | Luukse hotelle |
| Moedermaatskappy | FRHI Hotels & Resorts |
| Webwerf | Fairmont.com |
Fairmont Hotels & Resorts is 'n Kanadese hotelketting wat luukse hotelle en ontspanningsoorde in 19 lande bedryf, waaronder Kanada, die Verenigde State, Azerbeidjan, Barbados, Bermuda, Duitsland, Egipte, die Filippyne, Indië, Indonesië, Kenia, Mexiko, Monaco, Oekraïne, Saoedi-Arabië, Singapoer, die Volksrepubliek China, Suid-Afrika, Switserland, die Verenigde Arabiese Emirate en die Verenigde Koninkryk.
In Kanada staan Fairmont bekend vir sy befaamde historiese hotelle soos The Empress in Victoria, die Hotel Vancouver in Vancouver, The Palliser in Calgary, die Hotel Macdonald in Edmonton, die Château Laurier in Ottawa, The Royal York in Toronto, die Banff Springs Hotel in Alberta en die Château Frontenac in Quebecstad. Baie van dié hotelle is oorspronklik in die laat 19de en vroeë 20ste eeu deur die spoorwegmaatskappy Canadian Pacific Railway opgerig.
Fairmont se portefeulje sluit daarnaas verskeie ander ikoniese hotelle in soos The Plaza in New York, die Savoy Hotel in Londen, die Peace Hotel in Sjanghai en die Makkah Clock Royal Tower Hotel in Mekka, Saoedi-Arabië.