Getty Villa

in Wikipedia, die vrye ensiklopedie
Jump to navigation Jump to search

060807-002-GettyVilla001.jpg

J. Paul Getty Museum

in die Getty Villa, Pacific Palisades

Kalifornië
Vlag van Verenigde State van Amerika Verenigde State


Stigting

1954, heropen in 2006


Tipe

Kunsmuseum


Versamelings
Getty villa 1167 (6571534959).jpg
44 000 Griekse, Romeinse en Etruskiese antikwiteite


Direkteur

Timothy Potts


Webtuiste
www.getty.edu

Die ingang tot die Getty Villa is ontwerp om vir besoekers die indruk van 'n argeologiese opgrawingsterrein te gee
Impluvium-fontein in die atrium van die Getty Villa
Die buitenste peristiel of suilegalery bied 'n uitsig oor die Stille Oseaan

Die Getty Villa in Pacific Palisades, Los Angeles, Kalifornië, VSA, is een van twee liggings van die J. Paul Getty Museum. Die villa dien as opvoedingsentrum en museum en het hom op die studie van die kuns en kultuur van antieke Griekeland, Rome en Etrurië toegespits.

Die versameling behels tans 44 000 Griekse, Romeinse en Etruskiese antikwiteite wat uit die tydperk tussen 6 500 v.C. en 400 n.C. dateer, waaronder die Herakles van Lansdowne en die Oorwinnende Jeug. Die meestersprogram in Argeologiese en Etnografiese Konservering word gemeenskaplik deur die Universiteit van Kalifornië te Los Angeles en die Getty Museum op die plaaslike kampus aangebied.

Die Getty Villa se kunsversameling word sowel aanlyn in die GettyGuide asook deur oudio-toere gedokumenteer en aangebied.

Die Villa is in die vroeë 1970's ontwerp deur argitekte in samewerking met J. Paul Getty volgens die voorbeeld van 'n 1ste eeuse Romeinse landhuis, die Villa dei Papiri wat teen die stadsrand van Herculaneum geleë was.[1] Groot dele van die Villa dei Papiri is tydens die uitbarsting van die vulkaan Vesuvius in 79 n.C. onder as begrawe en tot vandag nie uitgegrawe nie. So berus baie van die Getty Villa se argitektoniese besonderhede, insluitende die landskapstuin, op ander antieke Romeinse woonhuise in Pompeii, Herculaneum en Stabiae.

Desondanks is die Villa dei Papiri een van die bekendste argeologiese ontdekkings in antieke Herculaneum. Die villa het sy Italiaanse naam aan sy unieke biblioteek met meer as 1 000 papirusrolle te danke - die enigste biblioteek van sy soort wat bewaar gebly het.[2]

Verwysings[wysig | wysig bron]

Eksterne skakels[wysig | wysig bron]

Koördinate: 34°2′42″N 118°33′50″W / 34.04500°N 118.56389°W / 34.04500; -118.56389