James Molteno

James Tennant Molteno
Sir James Molteno was die laaste speaker van die Kaapse Wetgewer en die eerste van die Unie-Volksraad.
Speaker van die Kaapse Wetgewer
Ampstermyn 1908 – 1910
Eerste minister	John X. Merriman
Voorafgegaan deur	William Bisset Berry
Opgevolg deur	Amp beëindig met Unie
Speaker van die Unie-Volksraad
Ampstermyn 1910 – 1915
Voorafgegaan deur	Amp geskep
Opgevolg deur	Joel Krige
Persoonlike besonderhede
Gebore	5 Januarie 1865 Kaapstad, Kaapkolonie
Sterf	16 September 1936

Sir James Tennant Molteno (5 Januarie 1865 - 16 September 1936) was die laaste speaker van die Kaapse Wetgewer en die eerste van die Unie-Volksraad. Hy is gebore in Kaapstad in 1865, die seun van sir John Molteno, eerste premier van die Kaapkolonie, en is oorlede in 1936.

Hy het in die regte studeer aan die Universiteit van Cambridge en is in 1889 tot die balie toegelaat. Molteno was lid van die Kaapse Wetgewer vir Namakwaland van 1890 tot 1898 en die laaste speaker van die liggaam en die eerste van die Unie-Volksraad van 1910 tot 1918. Hy was ook Unie-Volksraadslid vir Ceres vandat hy in 1910 onbestrede vir die Regerende Party verkies is tot 1915 en het talle boeke geskryf.

Bronne

• Potgieter, D.J. (red.) 1972. Standard Encyclopaedia of Southern Africa. Cape Town: Nasionale Opvoedkundige Uitgewery (Nasou).
• Rosenthal, Eric. 1978. Encyclopaedia of Southern Africa. Cape Town, Wetton, Johannesburg: Juta and Company Limited.
• Schoeman, B.M. 1977. Parlementêre verkiesings in Suid-Afrika 1910-1976. Pretoria: Aktuele Publikasies.