Baleka Mbete

in Wikipedia, die vrye ensiklopedie
Jump to navigation Jump to search
Baleka Mbete
Vladimir Putin in South Africa 5-6 September 2006-14 (cropped).jpg
Baleka Mbete in 2006
Speaker van die Nasionale Vergadering van Suid-Afrika
Sittend
Ingetree
21 Mei 2014
President Jacob Zuma
Voorganger Max Sisulu
Termyn
23 April 2004 – 25 September 2008
President Thabo Mbeki
Voorganger Frene Ginwala
Opvolger Gwen Mahlangu-Nkabinde
Adjunkpresident van Suid-Afrika
Termyn
25 September 2008 – 9 Mei 2009
President Jacob Zuma
Voorganger Phumzile Mlambo-Ngcuka
Opvolger Kgalema Motlanthe
Voorsitter van die African National Congress
Termyn
2007 – 18 Desember 2017
President Jacob Zuma
Voorganger Kgalema Motlanthe
Opvolger Gwede Mantashe
Persoonlike gegewens
Gebore 24 September 1949 (1949-09-24) (68 jaar oud)
Transvaal, Unie van Suid-Afrika
Nasionaliteit Suid-Afrikaner
Politieke party African National Congress
Eggenoot Keorapetse Kgositsile (1978–92)
Nape Khomo (2016–hede)
Alma mater Eshowe Training College
Lovedale Teacher Training College

Baleka Mbete (gebore 24 September 1949), ook bekend as Baleka Mbete-Kgositsile, is 'n Suid-Afrikaanse politikus en sedert 21 Mei 2014 die Speaker van die Nasionale Vergadering van Suid-Afrika. Sy was van 2008 tot 2009 die Adjunkpresident van Suid-Afrika. In 2007 is sy as die nasionale voorsitter van die African National Congress verkies en sy is in 2012 tot die posisie herverkies.[1] Sy het hierdie amp tot op 18 Desember 2017 beklee en is deur Gwede Mantashe opgevolg.

Omstredenheid[wysig | wysig bron]

Baleka Mbete ontmoet pres. Wladimir Poetin in 2006 gedurende sy besoek aan Suid-Afrika.

In April 1997 kom dit aan die lig dat Mbete 'n onbehoorlik uitgereikte rybewys bekom het, maar is nie van enige oortreding aangekla nie.[2] Dit volg nadat ondersoekbeamptes korrupsie in Mpumalanga se plaaslike toetssentrums ontbloot het, waar lisensies in ruil vir omkoopgeld uitgereik is.[3] Mbete het gesê dat sy "te besig" was om in toue te staan​​.[4]

In 2007 het Mbete die DA-lid Mike Waters geskors omdat hy probeer vra het wat aan die skandaal rondom Manto Tshabalala-Msimang gedoen word.[5] Waters wou navraag doen oor die Minister van Gesondheid se beweerde skuldigbevinding aan diefstal terwyl sy 'n verpleegster in Botswana was.

Mbete was by die Travelgate-skandaal betrokke waartydens meer as 200 Suid-Afrikaanse parlementslede hulle gesubsidieerde reisvoordele misbruik het. Volgens berigte het sy die geld terugbetaal.

In 2006 huur Mbete 'n vliegtuig teen 'n koste van R471 900 (sowat VS$60 000) na Liberië vir die inhuldiging van pres. Ellen Johnson Sirleaf. Die enigste ander passasier op die vliegtuig was 'n lid van haar personeel. Thabo Mbeki en die buitelandse sake-minister Nkosazana Dlamini-Zuma is ook na die inhuldiging – Mbeki in sy privaatvliegtuig en Dlamini-Zuma per kommersiële vlug.[6]

Sy is 'n stoere ondersteuner van Tony Yengeni, 'n voormalige ANC-hoofsweep in die parlement, wat aan bedrog skuldig bevind is. Na sy vonnisoplegging het Mbete selfs Yengeni na die Pollsmoor-gevangenis vergesel.[7]

Mbete word tans vir omkopery ondersoek.[verwysing benodig] Ondersoekbeamptes van die aandelebeurs in die Verenigde State van Amerika glo dat die R25 miljoen aandeel wat sy na die toekenning van 'n lisensie aan die Goldfields mynmaatskappy ontvang het, omkoopgeld was.

Verwysings[wysig | wysig bron]

  1. http://www.anc.org.za/showpeople.php?p=12
  2. Accountable to Themselves: Predominance in Southern Africa. Kenneth Good. The Journal of Modern African Studies, Vol. 35, No. 4 (Des., 1997), bl. 547–573.
  3. "Global Integrity – South Africa Timeline". Global Integrity. 
  4. Wines, Michael (29 Oktober 2007). "Driven insane in South Africa". International Herald Tribune. Geargiveer vanaf die oorspronklike op 17 Februarie 2008. Besoek op 21 September 2008. 
  5. "DA MP suspended". 7 September 2007. Geargiveer vanaf die oorspronklike op 21 September 2008. Besoek op 21 September 2008. 
  6. Dawes, Nic (24 Maart 2006). "Now the speaker joins the jet set". Mail & Guardian. Besoek op 21 September 2008. 
  7. Jurgens, André; Ndivhuho Mafela and Philani Nombembe (27 Augustus 2006). "Jailed Yengeni shows no remorse". The Times. Besoek op 21 September 2008.  Aanhaling gebruik verouderde parameter |coauthors= (help)

Eksterne skakels[wysig | wysig bron]

Politieke poste
Voorafgegaan deur
Phumzile Mlambo-Ngcuka
Adjunkpresident van Suid-Afrika
2008–2009
Opgevolg deur:
Kgalema Motlanthe