Alwyn Schlebusch

in Wikipedia, die vrye ensiklopedie
Jump to navigation Jump to search
Alwyn Schlebusch
Alwyn Schlebusch

Foto op sy begrafnisbrief


Adjunk-staatspresident van Suid-Afrika
Ampstermyn
1 Januarie 1981 – 14 September 1984
President Marais Viljoen
Eerste minister Pieter Willem Botha

Persoonlike besonderhede
Geboorte 16 September 1917
Lady Grey, Oos-Kaap
Sterfte 7 Januarie 2008 (op 90)
Pretoria
Politieke party Nasionale Party
Eggenoot/eggenote Isabel en Jeanette
Religie Nederduits Gereformeerd

Alwyn Schlebusch (1917–2008) was 'n Suid-Afrikaanse politikus en staatsman wat verskeie hoë poste beklee het. Van 1 Januarie 1981 tot 14 September 1984 was hy die adjunk-staatspresident van Suid-Afrika, die enigste persoon tot hede wat die titel gedra het.[1]

Beknopte biografie[wysig | wysig bron]

Alwyn Louis Schlebusch is op 16 September 1917 in Lady Grey in die Oos-Kaap uit 'n Afrikaanse huis gebore. Hy begin sy skoolloopbaan in 1934 aan die Sentrale Volkskool in Kroonstad en matrikuleer later van die Hoërskool Kroonstad.

Schlebusch begin sy politieke loopbaan as lid van die provinsiale raad vir Kroonstad-Suid. 'n Jaar later, in 1962, is hy as volksraadslid vir Kroonstad gekies, 'n posisie wat hy vir 18 jaar lank beklee. Hy het ook as voorsitter van die Schlebusch-kommissie gedien, wat buitelandse befondsing aan anti-apartheidsorganisasies ondersoek het.[2]

Op 2 Augustus 1974 word Schlebusch tot speaker verkies. Hy bedank op 25 Januarie 1976 om die minister van openbare werke en immigrasie te word. Tussen 1980 en 1984 was hy die adjunkpresident van Suid-Afrika.

Schlebusch is in 1985 as kanselier van die Universiteit van Pretoria ingehuldig.[3] Die Universiteit van Stellenbosch het 'n doktorsgraad aan hom toegeken vir sy werk as voorsitter van die grondwetkommissie.

Sy eerste vrou, Isabel, was die stigter van die Toktokkie-kankerbeweging. Sy is in Oktober 1996 oorlede. Hy is daarna met Jeanette Rouen getroud,[4] maar sy is twee jaar voor sy afsterwe oorlede.

Schlebusch is op 7 Januarie 2008 op 90-jarige ouderdom in die Pretoria-Oos-hospitaal oorlede. Hy is aanvanklik vir 'n maagprobleem opgeneem, maar is later aan longontsteking dood. Hy laat 'n seun, twee dogters asook 14 kleinkinders en vyf agterkleinkinders agter.[5]

Verwysings[wysig | wysig bron]

Eksterne skakels[wysig | wysig bron]