King Power-stadion

in Wikipedia, die vrye ensiklopedie
Spring na: navigasie, soek
King Power-stadion
WalkerStadium.jpg
Ligging Filbertweg, Leicester, Engeland
Koördinate 52°37′13″N 1°8′32″W / 52.62028°N 1.14222°W / 52.62028; -1.14222Koördinate: 52°37′13″N 1°8′32″W / 52.62028°N 1.14222°W / 52.62028; -1.14222
Eienaar K Power Holdings Co Ltd[1]
Kapasiteit 32 262
Oppervlak Desso GrassMaster
Konstruksie
Gebou 2002
Geopen 2002
Huurders
Leicester City F.C. (2002-huidig)

Die King Power-stadion is ’n sokkerstadion in Leicester, Engeland, met sitplek vir 32 262 mense. Dit is die tuisveld van Leicester City FC. Die stadion is in 2002 geopen en is die 19de grootste, in terme van kapasiteit, in Engeland. Die stadion se naam is ontleen aan King Power, ’n maatskappy wat aan Vichai Raksriaksorn, eienaar van Leicester City, behoort.[2]

Rugby[wysig | wysig bron]

Buiteaansig van die King Power-stadion

In 2004 het die Leicester Tigers, Engeland se rugbyklub met die grootste ondersteunersbasis, dit oorweeg om die stadion met Leicester City te deel omdat Welford Road (met plek vir 16 815 mense) te klein geword het vir die toenemende groei in rugbyondersteuners. Die plan sou wees om ’n maatskappy te stig waarvan albei klubs die eienaar sou wees en om dan die stadion aan te koop. Die onderhandelinge is in 2005 laat vaar nadat die klubs nie op die terme ooreen kon kom nie. Weens die bedenklike toestand van die sokkerklub se finansies het gerugte steeds die rondte gedoen dat die klubs die stadion sou deel met sommiges wat van mening was dat die Tigers die stadion wou koop. In 2007 is die gerugte ’n nekslag toegedien toe die Tigers beplanningsgoedkeuring ontvang het om ’n nuwe pawiljoen met 10 500 sitplekke te bou, gekry het.

Die Tigers het egter ses wedstryde op die stadion gespeel, hetsy om die groter kapasiteit te benut of wanneer toernooireëls vereis het dat die klub nie op sy tuisveld mag speel nie. Die eerste wedstryd was ’n Heineken-bekerhalfeindstryd op 24 April 2005 waarin die Tigers met 27–19 teen Toulouse verloor het; 31 883 het na hierdie wedstryd kom kyk. Op 1 April 2006 het die Tigers met 15–12 teen Bath verloor in ’n Heineken-bekerkwarteindstryd voor ’n skare van 32 500. Die derde Heineken-bekerwedstryd aldaar was op 21 April 2007 toe die Tigers die Llanelli Scarlets met 33–17 geklop het in ’n halfeindstryd. Met die uitbreiding van Welford Road is dit waarskynlik dat die enigste rugbywedstryde wat in die King Power-stadion gespeel sal word halfeindstryde sal wees waarin die Tigers tuis mag speel, wat beteken dat hulle enige geskikte Engelse stadion, anders as hul eie tuisveld, kan gebruik.

Op 3 Desember 2006 het die Springbokke ’n wedstryd teen ’n Wêreld-XV op die King Power-stadion gespeel om die eeufeesviering van hulle eerste oorsese wedstryd te gedenk.[3] Voorts is 3 poelwedstryde van die Rugbywêreldbeker 2015 daar gespeel: Argentinië teen Tonga, Argentinië teen Namibië en Kanada teen Roemenië.

Rugbywêreldbeker 2015[wysig | wysig bron]

Hoofartikel: Rugbywêreldbeker 2015.
Datum Tyd Span 1 Telling Span 2 Rondte Toeskouers
4 Oktober 2015 14:30 Vlag van Argentinië Argentinië 45–16 Vlag van Tonga Tonga Groep C 29 124
6 Oktober 2015 16:45 Vlag van Kanada Kanada 15–17 Vlag van Roemenië Roemenië Groep D 27 153
11 Oktober 2015 12:00 Vlag van Argentinië Argentinië 64–19 Vlag van Namibië Namibië Groep C 30 198

Lys van rugbywedstryde[wysig | wysig bron]

Datum Toernooi Tuisspan Wegspan
24 April 2005 2004–05 Heineken-bekerhalfeindstryd Leicester Tigers 19 Toulouse 27
1 April 2006 2005–06 Heineken-bekerkwarteindstryd Leicester Tigers 12 Bath 15
3 Desember 2006 Vriendskaplike wedstryd Wêreld-XV 7 Suid-Afrikaanse XV 32
21 April 2007 2006–07 Heineken-bekerhalfeindstryd Leicester Tigers 33 Llanelli Scarlets 17
11 April 2009 2008–09 Heineken-bekerkwarteindstryd Leicester Tigers 20 Bath 15
25 April 2009 2008–09 Guinness Premierskap, Ronde 22 Leicester Tigers 73 Bristol 3
9 Mei 2009 2008–09 Guinness Premierskap halfeindstryd Leicester Tigers 24 Bath 10

Sokker[wysig | wysig bron]

Wedstryde[wysig | wysig bron]

Datum Tyd Span 1 Telling Span 2 Toeskouers
3 Junie 2003 20:00 Vlag van Engeland Engeland 2–1 Vlag van Serwië en Montenegro Serwië en Montenegro 30 900
12 Oktober 2003 15:00 Vlag van Jamaika Jamaika 0–1 Vlag van Brasilië Brasilië 32 000
29 Mei 2006 Vlag van Jamaika Jamaika 1–4 Vlag van Ghana Ghana 32 000

Verwysings[wysig | wysig bron]

  1. (en) "Eienaars van Leicester City koop King Power-stadion". www.LCFC.com. Leicester City F.C. 1 Maart 2013. Verkry op 1 Maart 2013. 
  2. (en) "Leicester herdoop Walkers-stadion na King Power-stadion". BBC Sport. 5 Julie 2011. Verkry op 7 Julie 2011. 
  3. (en) "Marshall gaan vir wêreldspan speel". BBC Sport. 24 Oktober 2006. Verkry op 11 Augustus 2009. 

Eksterne skakels[wysig | wysig bron]