Argentynse nasionale rugbyspan

in Wikipedia, die vrye ensiklopedie
Jump to navigation Jump to search
Argentinië
Argentynse Rugbyunie.svg
Unie Argentynse Rugbyunie
Bynaam(e) Los Pumas
Embleem Jaguar
Stadion José Amalfitani-stadion, Buenos Aires
Kapasiteit 49 540
President Marcelo Rodríguez
Afrigter(s) Vlag van Argentinië Mario Ledesma
Kaptein(s) Pablo Matera
Spankleure


Alt. kleure

Statistiek
Meeste toetse Agustín Creevy (89)[1][2][3][4]
Meeste toetspunte Nicolás Sánchez (748)[5][6][7][8]
Meeste drieë José María Núñez Piossek (29)[9]
Eerste internasionale wedstryd
Vlag van Argentinië Argentinië 3–28 Britse Leeus Vlag van Verenigde Koninkryk
(Buenos Aires, Argentinië; 12 Junie 1910)
Grootste oorwinning
Vlag van Paraguay Paraguay 0–152 Argentinië Vlag van Argentinië
(Mendoza, Argentinië; 1 Mei 2002)
Grootste nederlaag
Vlag van Nieu-Seeland Nieu-Seeland 93–8 Argentinië Vlag van Argentinië
(Wellington, Nieu-Seeland; 21 Junie 1997)
Wêreldbeker
Verskynings 9/9 (Eerste in 1987)
Beste uitslag Derde in 2007
Amptelike webwerf
www.lospumas.com.ar
Unie webwerf
www.uar.com.ar

Die Argentynse nasionale rugbyspan is ’n sportspan wat Argentinië in internasionale rugby verteenwoordig. Die span wat in hemelblou en wit truie speel, dra die bynaam los Pumas (Spaans vir: "die Poemas").

Rugby word in Argentinië deur die Argentynse Rugbyunie (UAR, van Spaans: Unión Argentina de Rugby) geadministreer. Die Argentynse rugbyspan is tans (Junie 2020) tiende op Wêreldrugby se wêreldranglys gelys[10] en tans die top rugbyspan in die Amerikas. Argentinië is onoorwonne ten opsigte van al die ander nasionale rugbyspanne van dié vasteland; met uitsondering van Kanada, deur wie Argentinië al drie keer verslaan is. Argentinië speel sedert 2012 jaarliks teen die All Blacks van Nieu-Seeland, die Springbokke van Suid-Afrika en die Wallabies van Australië in die Rugbykampioenskap (voorheen die Drienasiesreeks).

Argentinië se eerste internasionale rugbywedstryd was in 1910 teen ’n besoekende Britse Eilande-span. Dié land word vandag as een van die wêreld se voorste rugbynasies beskou en het sover aan elke rugbywêreldbekertoernooi wat sedert 1987 gehou is, deelgeneem, en hul beste prestasie met die derde plek tydens die Rugbywêreldbeker in 2007 behaal. ’n Verrassende oorwinning oor die gasheer Frankryk het Argentinië na die vierde plek op die wêreldranglys geneem.[10] Die span was onoorwonne in hul poelfase en kon vir die eerste keer tot die halfeindrondte vorder, nadat hulle Skotland met 19–13 in die kwarteindstryd geklop het. Argentinië is egter deur die latere wêreldkampioen Suid-Afrika met 37–13 in die halfeindstryd verslaan, maar Argentinië kon hul verrassing van die poelfase herhaal deur Frankryk ’n tweede keer te klop en het die derde plek behaal. Ná afloop van die toernooi het die span met die derde plek hul beste posisie op die wêreldranglys behaal.[10]

Hul vooruitgang in mededingendheid en prestasie gedurende die 2000’s, gepaard met hul ligging in die Suidelike Halfrond het van Argentinië die enigste Vlak 1-span sonder ’n gereelde toernooi gemaak; so het onder andere die voormalige Poemas se kaptein, Agustín Pichot,[11] al gepleit dat Argentinië by die Sesnasies-toernooi sal moet aansluit. Argentinië het tydens ’n sessie op 23 November 2011 in Buenos Aires amptelik by die Rugbykampioenskap aangesluit.[12] Tydens hul eerste toernooi in 2012 kon Argentinië daarin slaag om Suid-Afrika ’n gelykopuitslag van 16–16 in hul tweede wedstryd af te dwing.

In die 2014-Rugbykampioenskapreeks het Argentinië hul eerste oorwinning behaal, nadat hulle Australië met 21–17 geklop het.[13] 2015 was ’n baie suksesvolle jaar vir Argentynse rugby, nadat hulle tydens die 2015-Rugbykampioenskapreeks hul eerste oorwinning oor Suid-Afrika (37–25 in Durban) behaal het en tydens die Rugbywêreldbeker 2015 vir ’n tweede keer tot die halfeindrondte kon vorder. Tydens die 2016-Rugbykampioenskapreeks is die Poemas in hul eerste wedstryd deur die Springbokke verslaan en die tweede een met 26–24 op 27 Augustus 2016 in Salta gewen. Nadat hulle tydens die 2017-Rugbykampioenskapreeks nie ’n oorwinning kon aanteken nie, het die Poemas twee oorwinnings tydens die 2018-Rugbykampioenskapreeks behaal, deur beide Suid-Afrika en Australië in een kalenderjaar te klop. 2019 het die Poemas egter nie so goed gevaar nie, nadat hulle tydens die verkorte 2019-Rugbykampioenskapreeks nie ’n oorwinning kon aanteken nie en later tydens die Rugbywêreldbeker 2019 reeds in die poelfase uitgeskakel is.

Alhoewel rugby in Argentinië nie die gewildheid van sokker kan ewenaar nie, het die indrukwekkende resultate deur die Poemas sedert die Rugbywêreldbeker 1999 tot eksponensiële groei gelei in ’n tydperk waarin Argentinië onder moeilike ekonomiese omstandighede gebuk gegaan het. Argentinië het sedert sy verskyning op die internasionale toneel al vir verskeie verrassingsoorwinnings gesorg en is veral ’n gedugte teenstander wanneer die span tuis in Buenos Aires speel. Hul tuisstadion is die José Amalfitani-stadion. Argentinië is gereeld in staat om spanne van die Sesnasies-toernooi te klop. Die Poemas se huidige kaptein is Pablo Matera en die huidige hoofafrigter is Mario Ledesma.

Geskiedenis[wysig | wysig bron]

Beginjare[wysig | wysig bron]

R. Cooper, voormalige kaptein in 1928
Die eerste Argentynse nasionale rugbyspan voor hul wedstryd teen die Britse Leeus in 1910

Die eerste rugbywedstryd in Argentinië is in 1873 gespeel nadat die spel na Argentinië ingevoer is deur Britse immigrante. In 1899 het vier klubs in Argentinië se hoofstad Buenos Aires bymekaargekom om die Río de la Plata-Rugbyvoetbalunie te vorm.

In 1910 het ’n span wat deur die Universiteit van Oxford bestuur is — wat as ’n Engelse nasionale span beskou is, alhoewel dit drie Skotse spelers ingesluit het — Argentinië besoek: die Argentyne het die span die "Gekombineerde Britte", ook bekend as ’n "Groot-Brittanje XV", genoem. Argentinië se internasionale debuut was in Buenos Aires teen die span waardeur hulle op 12 Julie met 3–28 verslaan is.

In 1927 het die Britse en Ierse Leeus na Argentinië gereis op ’n toer waarin die Leeus al nege wedstryde gewen het; die toer was egter finansieël suksesvol vir Argentynse rugby. Die nege wedstryde het vier toetse ingesluit wat Argentinië met altesaam meer as 30 punte verloor het. Al die wedstryde het in Buenos Aires plaasgevind.

Vyf jaar het verloop voordat nog ’n internasionale span Argentinië kom besoek het, naamlik Suid-Afrika se Junior Bokke in 1932 wat ’n tweewedstrydreeks gespeel het. Argentinië is in albei toetse verslaan.

In 1936 het die Britse Eilande Argentinië weer besoek en al tien hulle wedstryde gewen en tydens die hele toer slegs nege punte afgestaan. Slegs een toets is op die toer gespeel waarin Argentinië met 0–23 verslaan is. Die volgende maand het die Argentynse span die land verlaat om hulle eerste toetse in ’n ander land te speel – teen Chili in Valparaiso. Argentinië het die eerste toets met 29–0 gewen. Die tweede toets is met ’n soortgelyke telling gewen. Twee jaar later het Argentinië as gasheer vir Chili opgetree wat gelei het tot ’n 30 punte-oorwinning vir Argentinië.

Naoorlogse tydperk[wysig | wysig bron]

Die Argentynse span wat die eerste Suid-Amerikaanse kampioenskap in 1951 gewen het
Wedstryd tussen Argentinië en Frankryk se rugbyspanne in 1954, voorblad van El grafico

In die laat 1940’s het ’n saamgestelde Oxford & Cambridge-span Argentinië besoek. Die Argentynse span is in albei wedstryde deur die Engelse span verslaan. In 1949 het die belangrikste rugbynasie tot op daardie stadium die land besoek, Frankryk. Hoewel Argentinië weer in albei toetse verslaan is, was die tellings in albei gevalle baie naby aan mekaar.

Tydens die 1951-Pan-Amerikaanse Spele het Argentinië die eerste Suid-Amerikaanse toernooi in Buenos Aires met Chili, Uruguay en Brasilië as deelnemers gereël. Argentinië het die eerste toernooi oorheers en slegs Chili was ’n uitdaging. Die Argentyne het egter wel 13–3 met Chili afgereken en Uruguay met 62–0 en Brasilië met 72–0 ’n pak slae gegee om hul leierskap in Suid-Amerikaanse rugby te bewys.

In 1952 het Argentinië ’n reeks teen ’n nietoets Ierse XV in Buenos Aires gespeel. Argentinië is in die eerste wedstryd met ses punte verslaan maar hulle het in die tweede wedstryd daarin geslaag om ’n 3–3-gelykopuitslag te bewerkstellig. Dit was die eerste keer dat Argentinië ’n nederlaag teen ’n beduidende Europese span verhoed het en hulle het dit soos ’n oorwinning gevier.

Ná die Ierse toer kon die UAR dit nie bekostig om die volgende jaar as gasheer vir ’n besoekende Oxford & Cambridge-span op te tree nie. In 1954 het Frankryk die land weer besoek. Soos in 1949 was Frankryk te sterk vir die Argentyne en hulle is met 22–8 en 30–3 deur die Hane verslaan.

In 1956 is Argentinië weer deur ’n Oxford & Cambridge-span besoek deur wie hulle met 25–6 en 11–3 verslaan is. Dit is opgevolg deur ’n 4–0-oorwinning oor Peru en ’n 50–3-oorwinning oor Uruguay.

Tydens die tweede Suid-Amerikaanse toernooi in 1958 het Argentinië 50–3 met Uruguay en 44–0 met Peru afgereken. Ten spyte van drinkery voor die wedstryd teen die gasheernasie Chili het Argentinië ná ’n 14–0-oorwinning in Santiago de Chile met die louere weggestap.

In 1959 het die Opkomende Springbokke Buenos Aires besoek vir ’n reeks waarin hulle albei wedstryde teen die nasionale span gewen het: 14–6 en 20–6.

Sestigs, sewentigs en tagtigs[wysig | wysig bron]

Die Argentynse span wat in 1965 na Rhodesië en Suid-Afrika getoer het
Die voorry van 1970: García Yáñez, Handley en Foster
Marcelo Pascual se drie teen die Junior Springbokke in 1965
Die voormalige speler Angel Guastella was die Argentynse afrigter gedurende die 1965-toer
Die Poemas wat in 1979 Australië tuis in Buenos Aires geklop het

In 1960 het Frankryk vir ’n driewedstrydreeks teen Argentinië Buenos Aires besoek. Die gashere kon nog steeds nie daarin slaag om hulle eerste oorwinning oor die Franse te behaal nie en Frankryk het al drie wedstryde gewen: 37–3, 12-3 en 29–6.

Die jaar daarna het Argentinië weer hulle oorheersing op die vasteland tentoongestel en die Suid-Amerikaanse toernooi in Montevideo met oorwinnings oor Brasilië (60–0), Uruguay (36–3) en Chili (11–3) beklink.

In 1964 is ’n nuwe weergawe van die Suid-Amerikaanse toernooi in San Pablo gehou wat weereens deur Argentinië gewen is met oorwinnings oor Uruguay (25–6), Brasilië (30–5) en Chili (30–8).

In die laat 1960’s het die vier Britse Tuisunies begin om toere na Argentinië te onderneem. Nadat Wallis in albei toetse in Buenos Aires in 1967 gesukkel het, was dit duidelik dat dit moeilik sou wees om ’n toetsreeks in Argentinië te wen. Skotland was die volgende slagoffer toe die Poemas die eerste toets in 1968 gewen het. Die Skotte het egter daarin geslaag om die tweede toets twee weke later te wen.

Die eerste besoek wat die Argentynse nasionale span aan die anderkant van die Atlantiese Oseaan onderneem het was in 1965 na Rhodesië en Suid-Afrika. Die span het daar die bynaam "Poemas" verkry toe ’n plaaslike joernalis, die Rhodesiese Wackley Farmer, die jaguarembleem op die span se trui vir ’n poema misgis het in ’n artikel ná ’n nederlaag teen ’n span van Salisbury (nou Harare). Ná nederlae teen Salisbury en Noord-Transvaal het die span sy eerste oorwinning teen Wes-Transvaal behaal en ook daarin geslaag om Suidwes-Afrika Distrikte en die Suidelike Universiteite te klop. Die belangrikste resultaat was egter die span se eerste oorwinning (11–6) oor die Opkomende Springbokke. Die span is deur ’n reuseskare in Buenos Aires tuis verwelkom ná ’n toer waarin hulle in die twee maande in Suider-Afrika altesaam elf oorwinnings behaal het, in een gelykop gespeel het en vier keer verslaan is.

Daarna is ’n wedstryd teen die Franse kampioen Section Paloise gereël. Die wedstryd word egter onthou vir die oproer en wangedrag van beide spanne eerder as die Argentynse oorwinning. Hierna het Oxford & Cambridge opgedaag, ’n span wat die Poemas tot op daardie stadium nog nie verslaan het nie. Die eerste wedstryd het gelykop geëindig met ’n 19–19-telling en die tweede is deur die studente met 9–3 gewen. 1965 het geëindig met ’n 23–11-oorwinning oor Chili.

In 1966 het die Gaselle Argentinië kom besoek. Die Gaselle was ’n soort Opkomende Springbok-B-span. Die Suid-Afrikaanse besoekers het weggestap met twee oorwinnings: 9–3 en 20–15.

In September 1967 het Argentinië opgetree as gashere vir die Suid-Amerikaanse Kampioenskap in Buenos Aires waarin hulle oorwinnings oor Uruguay (38–6) en Chili (18–0) behaal het.

In 1968 het Wallis in Buenos Aires aangekom en vir die eerste keer het die Poemas ’n reeksoorwinning oor ’n ander rugbynasie behaal deur die eerste wedstryd met 9–5 te wen en in die tweede wedstryd met 9–9 gelykop te speel.

Die groot dekade van Argentynse rugby het in 1969 tot ’n einde gekom met die aankoms van Skotland. In die eerste wedstryd het Argentinië met 20–3 ’n groot oorwinning behaal, maar in die tweede het die besoekers met 6–3 gewen.

Gedurende die 1970’s het Argentinië sy opkoms tot een van die Vlak 1-nasies met hulp van die eerste speler van ’n wêreldgehalte, die losskakel Hugo Porta, voortgesit.

Gedurende Junie en Julie 1971 het Argentinië vir ’n reeks van 14 wedstryde ’n tweede toer na Suid-Afrika onderneem, maar hulle het nie teen die Springbokke te staan gekom nie, aangesien die Suid-Afrikaanse span destyds in Australië was. Pleks daarvan het die Poemas teen die Gaselle, die Suid-Afrikaanse o/23-span, te staan gekom. Oorspronklik was ook ’n wedstryd in Rhodesië beplan, maar dié is op druk van die Argentynse regering afgelas. Argentinië het nege spele gewen en is in vier wedstryde verslaan.

Twee jaar later het die Poemas gedurende Oktober en November ’n toer na Ierland en Skotland onderneem, en in agt wedstryde te staan gekom, waaronder elk een toets teen beide Ierland en Skotland. Argentinië het net twee wedstryde gewen, in twee gelykop gespeel en is in vier wedstryde verslaan. Hulle is in die toets teen Ierland op 10 November met 21–8 verslaan en in die toets teen Skotland twee weke later met 12–11.

In Oktober 1975 het die Poemas vir ’n tweede toer na Europa opgeruk en sewe wedstryde in Frankryk gespeel. Argentinië het drie wedstryde gewen, maar is in vier verslaan, waarvan twee teen Frankryk (6–29 en 21–36). ’n Jaar later het die Poemas Wallis en Engeland vir ses wedstryde besoek. Gedurende dié toer was die Poemas op die punt om Wallis, destyds die voorste span in die Noordelike Halfronde, in ’n historiese wedstryd op Cardiff Arms Park te verslaan. Net Phil Bennett se strafskop ná ’n vuilspel deur Gabriel Travaglini in die doodsnikke laat Wallis die wedstryd met 20–19 beklink. Argentinië het altesaam ses wedstryde gespeel, waarvan hulle drie gewen het, maar ook in drie verslaan is. Die Poemas het onder andere teen klubspanne soos Cardiff Aberavon te staan gekom.

Twee jaar later het Argentinië weer na Europa getoer en Engeland, Ierland en Italië besoek. Hulle het teen ’n tweede Engelse span met 13–13 gelykop gespeel, en hulle is toe in die eerste toets teen Italië met 19–6 verslaan. Argentinië het ook teen die tweede Walliese span te staan gekom, maar hulle is met 17–14 geklop. Die kaptein Hugo Porta het by elke wedstryd uitgedraf en 94 van die altesaam 157 punte gedurende dié toer aangeteken, waarvolgens hy as ’n speler van ’n wêreldgehalte beskou is.

In 1979 het die Poemas vir die eerste keer na Nieu-Seeland getoer en nege wedstryde gespeel. Argentinië het ses wedstryde gewen en is in drie wedstryde verslaan. Op 18 September het Argentinië teen die All Blacks se tweede span te staan gekom. Nieu-Seeland het dié wedstryd op Carisbrook met 18–9 gewen. Die tweede wedstryd een week later is weer deur Nieu-Seeland gewen, dié keer met 15–6.

Enkele maande later het die Wallabies vir die eerste keer Argentinië kom besoek. In Oktober en November het Australië ’n reeks van sewe wedstryde gespeel. In die eerste toets op 27 Oktober het Argentinië die Wallabies op die Estadio Arquitecto Ricardo Etcheverry met 24–13 verslaan. In die tweede toets op 3 November is die Poemas met 17–12 verslaan.

In die vroeë 1980’s is die Suid-Amerikaanse Jaguars gevorm. Die span is oorheers deur Argentynse spelers wat agt wedstryde teen die Springbokke gespeel het insluitend ’n oorwinning in Bloemfontein in 1982.

Laat twintigste eeu[wysig | wysig bron]

Die Poemas kon op 2 November 1985 ’n 21–21-gelykop teen die All Blacks aanteken
Hugo Porta het 19 jaar vir die Poemas gespeel en 590 punte aangeteken

Vanaf die laat sewentigs tot die vroeë negentigs het Argentinië nooit twee wedstryde van ’n reeks wat in Buenos Aires gehou is verloor nie in ’n tydperk wat wedstryde teen Frankryk, Engeland, Australië en ’n 21–21-gelykopuitslag teen die All Blacks ingesluit het. Die gelykopuitslag teen die All Blacks word as waarskynlik die belangrikste resultaat ooit deur die Poemas beskou en is behaal deur Hugo Porta se briljante spel wat alle Argentynse punte aangeteken het.

Teen die eerste Rugbywêreldbeker in 1987 in Australië en Nieu-Seeland gehou is was Argentinië vol selfvertroue dat hulle ten minste die kwarteindstryd sou kon bereik. ’n Onverwagte nederlaag teen Wes-Samoa het die span egter daarvan verhoed om na die uitklopstadium deur te dring.

In die jare daarop het baie van Argentinië se beste spelers afgetree. Baie spelers het ook oorsee professionele rugby gaan speel – in Argentinië is rugby steeds grootliks ’n amateursport en op daardie stadium het die UAR se regulasies spelers wat enigsins professioneel gespeel het, verhoed om vir hulle land te speel. Hierdie faktore het Argentinië met ’n span sonder veel ondervinding gelaat wat gelei het tot teleurstellende vertonings gedurende die rugbywêreldbekertoernooie van 1991 en 1995. In laasgenoemde het Argentinië egter oor ’n kragtige voorspelerpak beskik wat deur die internasionale media geprys is. Die Argentynse vaskopstut Patricio Noriega en haker Federico Mendez het ná die toernooi onderskeidelik in Australië en Suid-Afrika gaan speel. Noriega het selfs daarin geslaag om vir die Wallabies uit te draf.

In 1999 het ’n span met meer ondervinding en ’n effens onderskatte Argentinië daarin geslaag om tot die kwarteindrondte van die Rugbywêreldbeker 1999 deur te dring ná ’n briljante 28–24-oorwinning oor Ierland. Die span is deur Frankryk met ’n 28–47-nederlaag uitgeskakel.

Die nuwe millennium[wysig | wysig bron]

Agustín Pichot het tussen 1995 en 2007 in vier Rugbywêreldbekers vir die Poemas gespeel
Die Poemas tydens hul oorwinning in November 2006 oor Engeland op Twickenham

In April 2000 is Marcelo Loffreda as Argentynse hoofafrigter aangestel.

Argentinië kon nie na die Rugbywêreldbeker 2003-kwarteindstryd deurdring nie weens ’n 15–16-nederlaag teen Ierland in ’n naelbytwedstryd. Tydens die toernooi moes Argentinië vier wedstryde in twee weke speel terwyl Ierland dieselfde aantal wedstryde oor vier weke gespeel het. Daar is in sommige kringe gemeen dat Ierland as ’n belangrike rugbynasie nie ’n soortgelyke skedule sou aanvaar nie en dat dit ’n rol gespeel het in die uitslag.

Sedertdien het die span goed gespeel met oorwinnings oor Wallis in Junie 2004 in Argentinië. Die Poemas het in November 2004 die heersende Sesnasieskampioen Frankryk met 24–14 verslaan in Marseille, waar Frankryk nooit te vore geklop is nie. Later op dieselfde toer is hulle deur Ierland met 21–19 verslaan ná ’n skepskop deur Ierland in die doodsnikke van die wedstryd. Ná hul terugkeer in Argentinië is die Poemas egter met 39–7 verslaan deur die besoekende Springbokke, ’n span teen wie hulle nog nooit kon wen nie.

In een van Argentinië se beste vertonings die afgelope jare het die Poemas op 23 Mei 2005 in Cardiff teen die Britse en Ierse Leeus gespeel, voordat dié span na Nieu-Seeland vertrek het. Die Poemas was gedwonge om ’n span te kies wat bestaan het uit tweede en derde keuse spelers (die stut Mauricio Reggiardo, wat later speler van die wedstryd was, moes weer vir die Poemas uitdraf nadat hy reeds uit rugby getree het) aangesien 25 spelers weens klubverpligtinge nie beskikbaar was nie. ’n Goeie spel deur die Poemas en lustelose spel deur die Leeus het amper ’n historiese oorwinning aan die Suid-Amerikaners besorg. Slegs ’n strafskop deur Jonny Wilkinson in beseringstyd het aan die Leeus ’n 25–25-gelykopuitslag besorg.

Toe die Springbokke in November dieselfde jaar na Argentinië teruggekeer het, het hulle te staan gekom teen ’n baie sterker Poemaspan met meeste van die land se Europees-gebaseerde spelers teenwoordig. Die Poemas het teen halftyd met 20–16 voorgeloop op die Vélez Sársfieldstadion. Hoewel hulle in die tweede helfte teruggesak het, is hulle nie verneder nie, met ’n uiteindelike telling van 34–23 ten gunste van Suid-Afrika. Die volgende week het die Poemas na Murrayfield gereis om teen Skotland te speel waar hulle ná ’n taai wedstryd met 23–19 geseëvier het. Dit was die Poemas se vyfde agtereenvolgende oorwinning oor Skotland sedert 1990. Die Poemas het die week daarna nog ’n Sesnasies-slagoffer geëis toe hulle Italië met 39–22 in Genua geklop het.

In die middel-van-die-jaar toetse van 2006 het Argentinië ’n Walliese span vir ’n tweetoetsreeks verwelkom. Die Poemas het dié reeks gewen, hulle eerste reeksoorwinning oor Wallis. Die Walliese span het egter slegs twee van hulle eerstekeuse spelers ingesluit. Die meeste van die Walliese spelers was A- en o/21-spelers aangesien meer as 20 Walliese spelers onbeskikbaar of beseer was. Die eerste toets op 11 Junie is net-net met 27–25 deur die Argentyne gewen. Dit was histories belangrik aangesien dit die eerste Argentynse toets was wat in Patagonië gespeel is. Die besoekers is hartelik ontvang deur die gemeenskap in Puerto Madryn, een van die groter dorpe in ’n omgewing wat in die 1860’s deur Walliese setlaars bevolk is en waar Wallies nog gereeld gepraat word. In die tweede toets op Vélez Sársfield op 17 Junie het die Poemas met 45–13 voorgeloop, voordat die Walliesers twee drieë kon druk om die tellingverskil op 45–27 laat krimp. Wallis se swak dissipline en gebrek aan ondervinding was bydraende faktore in dié span se reeksnederlaag.[14] Die Poemas het vervolgens teen een van die wêreld se voorste spanne, die All Blacks, op Vélez Sársfield gespeel in ’n wedstryd wat hulle met 25–19 verloor het, maar die All Blacks moes hard veg om ’n kragtige aanslag op hul doellyn af te weer.

Rugbywêreldbeker 2007[wysig | wysig bron]

Argentinië se Corleto op pad om ’n drie te druk in die openingswedstryd waar die Argentynse span verras het met ’n oorwinning oor Frankryk
Argentinië teen Ierland tydens die Rugbywêreldbeker 2007 in Frankryk. Die Poemas het die wedstryd met 30–15 gewen.

Op 9 Julie 2006 het Argentinië Uruguay met 26–0 verslaan in ’n Rondte 3a-wedstryd tydens die Rugbywêreldbeker 2007 se Amerikaanse kwalifisering. Ná hul tweede oorwinning het Argentinië in dié stadium die eerste plek in die Amerikas ingeneem om in Poel D te speel saam met die gasheer Frankryk en hulle ou Wêreldbeker-teenstanders Ierland.

Die Poemas is deur die Belgiese Rugbyfederasie genooi om hulle plaaslike wedstryde daar te speel ingeval hulle vir ’n jaarlikse plaaslike kompetisie aanvaar sou word.[15] Kort daarna het hulle ook uitnodigings van Spanje, Switserland, Frankryk en Portugal ontvang.[16]

In tussentyd het die Londense Sunday Times in Februarie 2007 berig dat die IRR in onderhandelinge gewikkel was met SANZAR (die liggaam wat die Drienasiesreeks organiseer het) om die Poemas so vroeg as 2008 tot die Suidelike Halfrond se toernooi toe te laat. Weens logistieke oorwegings, spesifiek weens die lang afstand tussen Argentinië en Europa asook die groot aantal rugbywedstryde in die Noordelike Halfrond, was die Sesnasies nie geneë om Argentinië op te neem nie. Die IRR was oënskynlik oortuig dat die Drienasies die regte plek vir ’n Suidelike Halfrondspan was en is ook in die mening deur Suid-Afrika ondersteun. Australië sou glo ook nie gekant wees teen die aanpassing nie. Die grootste struikelblok was egter die UAR self met ’n aantal lede het wat erg geheg was aan amateurisme.[17]

Die Poemas het hulle finale voorbereiding vir die Rugbywêreldbeker 2007 afgeskop met ’n reeks van twee toetse teen ’n besoekende Ierse span, wat saam met hulle en Frankryk in Poel D sou speel. In die eerste toets op 26 Mei 2007 in Santa Fe het hulle ’n 22–20-oorwinning beklink met ’n skepskop deur Felipe Contepomi in die laaste minuut van die wedstryd. Beide spanne het baie eksperimentele rugby gespeel met Ierse sterre soos Brian O'Driscoll, Ronan O'Gara, Paul O'Connell en Gordon D'Arcy wat uit die toerspan gelaat is en die Poemas by wie baie sterre ontbreek het wat dié naweek in die finale rondte van die Top 14-seisoen in Frankryk moes speel.[18][19] Die tweede toets teen Ierland op 2 Junie het in ’n 16–0-oorwinning vir die Poemas op Vélez Sársfield geëindig.[20] Op 9 Junie het die Poemas hulle middel-van-die-jaartoetse afgeskop met ’n 24–6 oorwinning oor Italië in Mendoza. Hulle het op 4 Augustus hul opwarmingstoetse afgesluit met ’n 70–14 oorwinning oor die buurland Chili op Club Atlético San Isidro in Buenos Aires en op 18 Augustus ’n 27–20 nederlaag teen Wallis in die Millennium-stadion.

Tydens die Wêreldbeker was die Poemas in die sogenaamde "doodspoel" met twee ander sterk spanne wat in die boonste ses op die IRR se Wêreldranglys was: Ierland en die gasheerland Frankryk. Verder was hulle eerste wedstryd die openingswedstryd teen die gasheer by die Stade de France, die derde keer na mekaar dat hulle in ’n Wêreldbeker-openingswedstryd verskyn het. Teen alle verwagtinge in het hulle daarin geslaag om die wedstrydgunstelinge met 17–12 te klop.[21] Die Poemas klop vervolgens Georgië met 33–3 op Stade de Gerland, Lyon. Argentinië het ook Namibië met 63–3 in Marseille geklop, die hoogste oorwinning tot dusver tydens ’n rugbywêreldbekertoernooi. Hulle kon ook Ierland met 30–15 klop en sodoende die poel as wenner afsluit.

In die kwarteindrondte kon Argentinië Skotland met 19–13 op Stade de France klop. Die Poemas se loop na die Webb Ellis-beker is deur ’n duidelike 37–13-nederlaag op Stade de France deur die latere kampioen Springbokke beëindig. Hulle kon egter die derde plek behaal deur Frankryk met 34–10 te klop, en hul verrassende sukses van die openingswedstryd herhal. Hul derde plek was Argentinië se beste prestasie tydens ’n rugbywêreldbekertoernooi tot dusver. Dit was die eerste keer wat ’n span van buite die Sesnasies en Drienasies die halfeindrondte van ’n Rugbywêreldbekertoernooi kon bereik, dit het vir hulle ’n hupstoot gegee om vir een van dié twee toernooie genooi te word.

Gedurende hul Rugbywêreldbekerpad het die gewoonlik sokker-gekke Argentyne hul rugbyspan só sterk ondersteun, dat El Superclásico, Buenos Aires se sokkerderby tussen Boca Juniors en River Plate herskeduleer is om nie met die Poemas se kwarteindstryd te bots nie.[22] As die enigste Spaanstalige land in die Rugbywêreldbeker 2007 het die Poemas ook ondersteuning uit Spanje, Uruguay, en ander Latyns-Amerikaanse lande geniet.

Ná die Rugbywêreldbeker 2007[wysig | wysig bron]

Opstote op Old Trafford, Manchester, voor ’n rugbywedstryd tussen Argentinië en Engeland in 2009

In November 2007, in die nasleep van Argentinië se prestasie tydens die Rugbywêreldbeker 2007, is die toekomstige status van die Poemas tydens ’n IRR-vergadering oor die toekomstige wêreldwye groei van die sport bespreek. Die besluite rakende Argentinië tydens die vergadering was soos volg:[23]

  • Die Poemas sal meer jaarlikse toetse kan speel, toenemend van die vorige ses per jaar na nege teen 2010. Die span sal vier toetse tydens die Junie-toetse, drie in November en twee tydens die Sesnasies-tydperk in Februarie en Maart beslis.
  • Tussen 2008 en 2010 sal Argentinië ’n plaaslike professionele infrastruktuur van stapel stuur, ten einde om die meeste Argentynse professionele spelers tuis te laat speel. Ietwat rondom 2012 sal die Poemas "ten volle in die Suidelike Halfrond se top-rugbyspelende struktuur geïntegreer wees" (dit wil sê die "Drienasiereeks").

Op 13 Maart 2008 is Santiago Phelan as afrigter van die Argentynse nasionale rugbyspan benoem en het Marcelo Loffreda opgevolg.[24] Op 7 Junie 2008 kon die Poemas Skotland met 21–15 in Rosario, Argentinië, verslaan en sodoende hul derde plek in die IRR se wêreldranglys behou.[10]

In Junie 2009 het die Britse pers berig, dat Argentinië die Britse en Ierse Leeus genooi het om tydens hul 2013-toer na Australië wedstryde en toetse in Argentinië te speel,[25] maar niks het van hierdie voorstel geword nie.

Argentinië kon nie daarin slag om onder Phelan ’n toetsoorwinning aan te teken nie, die Poemas kon net een gelykop teen Skotland in 2008 en teen Engeland in 2009 bewerkstellig, voordat hulle in 2010 ’n toetsreeks teen Skotland met 0–2 verloor het.

Rugbywêreldbeker 2011[wysig | wysig bron]

Die Poemas teen Engeland tydens die Rugbywêreldbeker 2011 in Nieu-Seeland
Felipe Contepomi, die Argentynse kaptein tydens die Rugbywêreldbeker 2011

Die Poemas se voorbereidings vir die Rugbywêreldbeker 2011 het met ’n 1–1-gelykop in die reeks teen die Franse Barbarians, ’n 78–15-oorwinning oor ’n Suid-Amerikaanse XV-uitnodigingspan en ’n 21–15-oorwinning oor die Aviva Premiership-span Worcester Warriors afgeskop. In hul enigste internasionale toets in Cardiff is die Poemas deur Wallis met 28–13 geklop.

Die Rugbywêreldbeker 2011 het vir die Poemas met ’n 13–9-nederlaag teen Engeland begin, alhoewel Argentinië vir sowat 60 minute die voortou gehad het. In die volgende wedstryd het hulle 43–8 met Roemenië afgereken. Die volgende wedstryd teen Skotland sou oor die verdere vordering van albei spanne beslis. ’n Laat drie deur die plaasvervanger-heelagter Lucas González Amorosino en die verdoeling het die Poemas die wedstryd met 13–12 laat wen. Argentinië kon sy laaste wedstryd teen Georgië met 25–9 wen en hulle het sodoende as naaswenner van die poel geëindig.

Argentinië se laaste wedstryd van die toernooi was die kwarteindstryd teen die latere kampioen Nieu-Seeland. Tydens ’n verrassende nou eerste helfte was Argentinië ná 30 minute as gevolg van Julio Farias Cabello se verdoelde drie met 7–6 voor. Deur die wedstryd heen het die All Blacks egter die leisels oorgeneem en uiteindelik met 33–10 gewen.

Alhoewel hul vertoning tydens die 2011-toernooi nie so glorieryk soos tydens die vorige 2007-toernooi was nie, is Argentinië se prestasie egter as suksesvol beskou, nadat hulle uit ’n sterk poel met spanne soos Engeland en Skotland tot die kwarteindrondte kon vorder, en vervolgens ’n dapper vertoning teen die gunsteling Nieu-Seeland gelewer het. Dit was die eerste keer wat Argentinië vir twee agtereenvolgende kwarteindondte kon kwalifiseer.

Die Rugbykampioenskap sedert 2012[wysig | wysig bron]

Wedstryd tussen Italië en Argentinië in Rome, 2013

In 2012 kon Argentinië weer ’n toetsreeks teen Frankryk ewenaar.

2012 het ’n groot deurbraak vir die Argentyne gesien, nadat die Poemas by die Rugbykampioenskap aangesluit het (voorheen die Drienasies), bestaande uit Australië, Nieu-Seeland en Suid-Afrika. Dit was die eerste keer wat Argentinië aan ’n jaarlikse internasionale toernooi van Vlak 1-spanne deelgeneem het.

Argentinië het sy eerste wedstryd tydens die 2012-Rugbykampioenskapreeks teen die Springbokke in Kaapstad op 18 Augustus 2012 gespeel, maar hulle is met 27–6 verslaan. Die Poemas kon vinnig herstel en een week later in Mendoza ’n 16–16-gelykop teen Suid-Afrika aanteken, die eerste gelykop vir Argentinië teen Suid-Afrika. Argentinië het goed teen die Wallabies presteer, toe die Poemas in die eerste wedstryd met 19–23 en in die tweede wedstryd met 19–25 verslaan is, maar in albei toetse ’n bonuspunt behaal het. Argentinië het ook ordentlik teen die All Blacks in Nieu-Seeland gespeel, nadat hulle die telling teen halftyd tot ’n 5–6 kon beperk, voordat hulle in dié wedstryd met 5–21 verslaan is. Ondanks hul vierde plek op die tabel met net vier punte en geen oorwinnings in hul eerste seisoen, was dit vir die ander drie spanne moeilik om Argentinië tuis te kon klop.

Gedurende die November 2012-toetse kon Argentinië Wallis op die Millennium-stadion in Cardiff klop, maar is in die daaropvolgende wedstryde deur Frankryk en Ierland verslaan. In Junie 2013 is die Poemas in albei hulle wedstryde deur Engeland in Argentinië verslaan, maar hulle kon die Vlak 2-span Georgië klop.

Argentinië is in ’n toetsreeks teen Engeland in 2013 met 2–0 verslaan, insluitende ’n rekordtelling van 32–3 in die openingswedstryd, die hoogste tuisnederlaag vir die Poemas nog. Argentinië kon herstel en toe Skotland op Murrayfield in Edinburg met 9–6 en later Wallis op die Millenium-stadion in Cardiff met 26–12 klop, laasgenoemde was destyds die Sesnasies-Grand Slam-kampioen.

In 2013 het Argentinië sy tweede toernooi met ’n 73–13-rekordnederlaag teen Suid-Afrika afgeskop, dit was Suid-Afrika se hoogste oorwinning oor Argentinië nog.[26] In die tuiswedstryd in rondte 2 het Argentinië sy vermoë as ’n gedugte span gewys, maar is net-net met 17–22 deur Suid-Afrika verslaan. In rondte 3 het hulle teen Nieu-Seeland te staan gekom en is deur die All Blacks met 28–13 geklop. In rondte 4 is die Poemas deur Australië in Perth met 14–13 verslaan. In die volgende tuiswedstryd is Argentinië deur Australië met 54–17 verslaan, ’n rekordnederlaag teen die Wallabies tuis.[27] Dit was die tweede agtereenvolgende jaar waarin Argentinië laaste in die tabel geëindig het, nadat hulle dié keer in al die wedstryde van die toernooi verslaan is.

Op 21 Oktober 2013 het Phelan as afrigter van die Poemas bedank, een jaar voordat sy kontrak sou uitloop.[28] In die 45 wedstryde onder sy opsig van vyf jaar kon die Poemas 13 oorwinnings aanteken, maar hulle het 31 nederlae gely en in een gelykop gespeel.

Daniel Hourcade is in Oktober 2013 as die Poemas se nuwe afrigter benoem. In November 2013 is die Poemas deur Engeland en Wallis onderskeidelik in Twickenham en Cardiff geklop, maar hulle kon Italië in Rome verslaan. In die 2014-middel-van-die-jaar-toetse is Argentinië deur Ierland en Skotland geklop.

Op 5 Oktober 2014 kon die Poemas hul eerste oorwinning nog tydens die Rugbykampioenskapreeks aanteken, toe hulle Australië met 21–17 op die Estadio Malvinas Argentinas in Mendoza kon klop, hul eerste oorwinning oor die Wallabies in 17 jaar. Ondanks die prestasie het Argentinië tydens die 2014-Rugbykampioenskapreeks vir die derde agtereenvolgende keer op die laaste plek geëindig.

In die 2014-einde-van-die-jaar-toetse is Argentinië deur Skotland verslaan, maar hulle kon Italië en Frankryk klop.

Tydens die 2015-Rugbykampioenskapreeks kon die Poemas die Springbokke vir die eerste keer met 37–25 klop. Tydens die 2016-Rugbykampioenskapreeks kon Argentinië die prestasie herhaal, toe hulle Suid-Afrika met 26–24 tuis kon klop. Tydens die 2017-Rugbykampioenskapreeks het die Poemas sonder oorwinnings op die laaste plek geëindig. Tydens die 2018-Rugbykampioenskapreeks kon Argentinië twee oorwinnings oor Suid-Afrika (met 32–19 tuis) en Australië (met 23–19 weg) aanteken, maar hulle eindig nogtans op die laaste plek. Tydens die 2019-Rugbykampioenskapreeks is die Poemas deur al drie teenstanders geklop en hulle eindig vervolgens laaste.

Rugbywêreldbeker 2015[wysig | wysig bron]

Die Poemas teen die All Blacks op Wembley tydens die Rugbywêreldbeker 2015

Argentinië hou by sy groeiende mededingendheid tydens rugbywêreldbekertoernooie met ’n sterk vertoning tydens die Rugbywêreldbeker 2015, nadat hulle die halfeindroindte vir die tweede keer kon maak. Argentinië het sy toernooi met ’n nou wedstryd teen die gunsteling Nieu-Seeland afgeskop en die eerste helfte met 13–12 afgesluit, maar is ná twee afgestane drieë met 26–16 verslaan. Die Poemas het met hul oortuigende vertoning voortgegaan en ná oorwinnings oor Georgië, Tonga en Namibië tot die kwarteindrondte gevorder. ’n Kenmerk van Argentynse rugby tydens die Rugbywêreldbeker 2015 was hul vryvloeiende, vermaaklike en aanvallende stil, waardeur hulle 22 drieë in die poelfase kon druk.

In die kwarteindstryd teen Ierland het Argentinië tydens die eerste tien minute twee drieë gedruk en later met 17–0 voorgeloop. Ierland antwoord toe met twee drieë en nader in die vroeë tweede helfte met 20–17. Argentinië se Juan Imhoff en Joaquín Tuculetkon kon egter in die laat fase van die wedstryd twee drieë druk en Argentinië se 43–20-oorwinning verseker. Vervolgens het die Poemas tot hul tweede halfeindrondte gevorder en Australië ontmoet.

In die eerste tien minute van die halfeindstryd het die Wallabies twee drieë afgedwing en ná 30 minute ’n 19–6-voorsprong behaal. Argentinië het hul gebied en die bal in die tweede helfte oorheers, waardeur hulle strafdoele aan die skrums kon afdwing en sodoende Australië se voorsprong laat krimp. Die wedstryd was op ’n fyn balans en Australië was ná 70 minute op 22–15, maar die Australiese vleuel Drew Mitchell klop vier Argentynse verdedigers en gee die bal vir Adam Ashley-Cooper wat die wendrie druk. Vervolgens wen Australië die vinnige en vermaaklike kragmeting met 29–15. In die bronseindstryd word Argentinië deur die Springbokke geklop en eindig sodoende op die vierde plek.

Rugbywêreldbeker 2019[wysig | wysig bron]

Tydens die Rugbywêreldbeker 2019 is Argentinië saam met Engeland en Frankryk in die sogenaamde "doodspoel" geloot en het hul 2019-veldtog met ’n noue wedstryd teen die Franse hane afgeskop, waarin die Poemas met 23–21 verslaan is. Argentinië kon Tonga maklik met 28–12 klop. Die mededinger Frankryk het egter goed gevaar en sodoende was die derde poelwedstryd teen Engeland die wedstryd oor "alles of niks". Die Argentyn Tomas Lavanini se rooikaart het die wedstryd egter reeds in die 17de minuut beslis en Engeland kon Argentinië met 39–10 klop. Vervolgens kon Argentinië vir die eerste keer sedert 2003 nie meer tot die uitklopfase vorder nie. Hul troosprys was die direkte kwalifisering vir die komende Rugbywêreldbeker 2023 in Frankryk.

Kleure, embleem en naam[wysig | wysig bron]

Die span wat teen die Britse Leeus gespeel het, het vir die eerste keer op 31 Julie 1927 in die hemelblou en wit trui uitgedraf
Die jaguar, inheems aan die noordoostelike Argentinië, het in 1941 die embleem van die span geword
Die Argentynse nasionale rugbyspan is na die poema genoem, inheems aan die grootste deel van Argentinië

Nadat ons uit die vliegtuig geklim en geloop het, het ’n joernalis (wat Carl Köhler was) my oor die yaguareté ondervra. Omdat ek nie vlot Engels kon praat nie, het ek vir hom gesê die dier is ’n "poema".

Agustín Silvera, Argentynse speler.[29]

Argentinië het gedurende sy eerste nasionale wedstryde in 1910 afwisselend blou en wit truie gedra. In 1927 het Mr. Abelardo Gutiérrez van Gimnasia y Esgrima de Buenos Aires voorgestel dat Argentinië in ’n gestreepte hemelblou en wit trui teen die Britse Leeus moet speel. Die voorstel is aanvaar en Argentinië het vir die eerste keer in sy rugbygeskiedenis in die gestreepte trui gespeel.[30]

Die Poemas speel in ’n trui met die landsvlag se kleure (en sportkleure) hemelblou en wit, wit broeke en sokkies in hemelblou en wit. In 2011 onderteken die UAR ’n kontrak met Nike wat die eksklusiewe vervaardiger van al die nasionale senior- en juniorspanne se truie word, insluitende die Pampas XV s’n.[31] Die eerste deur die Amerikaanse maatskappy vervaardigde trui het met die tradisionele horisontaal-gestreepte trui weggedoen, en is net hemelblou met wit skouers, die Poemas het egter aangekondig dat hulle tydens die 2012-Rugbykampioenskapreeks weer hul tradisionele trui sal dra.[32]

In September 1941 het Abelardo Gutiérrez (wie 14 jaar gelede die hemelblou en wit trui vir die span voorgestel het) ’n wapen met ’n leeu as kenteken voorgestel. Die kleur van die kenteken was blou (soos by die Buenos Aires Krieketklub, waar die eerste rugbywedstryd in Argentinië gespeel is). Die leeu is later deur ’n aan Argentinië inheemse dier vervang en die jaguar is volgens hulle vir sy "behendigheid en moed" gekies.[30] Interessant genoeg is die rugbyspan wat Argentinië sedert 2016 in Superrugby verteenwoordig, die Jaguares, na die inheemse jaguar genoem.

Die Poemas-bynaam het ontstaan deur ’n fout van Carl Köhler, ’n joernalis van die destydse Die Transvaler in Suid-Afrika, wat die Argentynse span tydens hul eerste oorsese toer na Suider-Afrika in 1965 dopgehou het. Hy het probeer om ’n ewe pakkende bynaam, soortgelyk aan die All Blacks, Springbokke en Wallabies, te kry. Hy het vir Isak van Heerden, die destydse afrigter van die Natalse rugbyspan, wat deur die SARR opdrag gegee is om die toer te begelei, vir voorstelle gevra. Hulle het ’n prent van ’n soort leeu met kolle op die UAR-kenteken gesien. Köhler was bewus daarvan dat jaguars en poemas inheems is aan die Amerikas, en omdat hy onder druk was om sy artikel in te dien, het hy ’n raaiskoot gemaak en hulle die Poemas genoem, pleks van die eintlike jaguar. Die foutiewe bynaam het vasgebrand en is later deur die Argentyne self goedgekeur (hoewel die UAR-kenteken nog steeds ’n jaguar vertoon).[33]

Tuisstadions[wysig | wysig bron]

Sociedad Sportiva Argentina (bo) was Argentinië se eerste tuisstadion in 1910. José Amalfitani-stadion (onder), een van die huidige stadions van die Poemas in Buenos Aires

Nes ander vername rugbynasies soos Australië, Frankryk, Nieu-Seeland en Suid-Afrika beskik Argentinië oor geen amptelike tuisstadion vir sy nasionale span nie. Die Poemas span vir hul toetse eerder ’n verskeidenheid stadions dwarsdeur Argentinië in. Een van die mees gebruikte stadion vir toetse is die José Amalfitani-stadion, tuiste van Club Atlético Vélez Sarsfield en geleë in Buenos Aires. Toe die Britse Leeus in 1910 na Argentinië getoer het, het die nasionale span teen hulle op Sociedad Sportiva Argentina in Palermo gespeel. Dié toets was ook die eerste Argentynse wedstryd.[34][35]

Toe die Britte in 1927 saam na Argentinië teruggekeer het, het die nasionale span begin om beide die GEBA en Buenos Aires Krieketveld as hul tuistes te gebruik. GEBA was gedurende die volgende dekades ’n gereelde tuiste, maar het ná die 1960’s net drie wedstryde gehuisves, nadat die Poemas begin het om groter stadions in te span; die Poemas se laaste wedstryd op GEBA was in 1993.[36] Die Buenos Aires Krieketveld is ook vir ’n groter aantal wedstryde ingespan, tot dit in 1948 deur ’n brand vernietig is.[37][38]

In 1997 is Argentinië se eerste suiwer rugbystadion deur BACRC in Los Polvorines, Groter Buenos Aires, ingewy. Altesaam nege toetswedstryde is op dié stadion gespeel, totdat die stadion in 2005 verkoop is.[39]

Gedurende die 1970’s en 1980’s het die Poemas op die Ferro Carril Oeste-stadion onder andere teen Ierland, Nieu-Seeland, Frankryk en Australië gespeel.[40][41]

Gedurende die 2007-middeljaar-toetse het die Argentynse span op Vélez Sársfield, Brigadier Estanislao López in Santa Fe, Malvinas Argentinas in Mendoza, en Gigante de Arroyito in Rosario gespeel. In die verlede het die Poemas ook die River Plate-stadion ingespan, en in 2006 Wallis op Estadio Raúl Conti in Puerto Madryn gehuisves.

Ander stadions wat die Argentynse rugbyspan gehuisves het, sluit in Estadio del Bicentenario in San Juan (waar die span in 2017–18 toetse teen Engeland en Wallis gespeel het),[42] Estanislao López in Santa Fe (2017), Centenario in Resistencia, Chaco (2014), Monumental José Fierro in Tucumán (in 2012 en 2014), Mario Kempes in Córdoba (in 2012) en Est. José M. Minella in Mar del Plata (in 2008).

Nes Italië is Argentinië die enigste van die tien Vlak 1-rugbyspanne wat tot dusver nog nie ’n wedstryd tydens ’n rugbywêreldbekertoernooi gehuisves het nie, alhoewel hulle vir die Rugbywêreldbeker 2027 aansoek gedoen, maar dié bod ter ondersteuning van die Australiese s’n laat vaar het.[43][44]

Rekords[wysig | wysig bron]

Algehele rekord[wysig | wysig bron]

Argentinië se plek op Wêreldrugby se ranglys vanaf 10 Oktober 2003 tot op hede

Argentinië het teen 28 Junie 2020 227 van hulle 447 toetswedstryde gewen, ’n wenrekord van 50,78%.[45] Toe die IRR se Wêreldranglys in Oktober 2003 ingevoer is, was Argentinië sewende op die lys. Hulle het in Junie 2004 na die agtste plek teruggesak voor hulle in November weer na sewende plek gestyg het. Hulle het in Februarie 2005 weer teruggesak na agtste plek voor hulle hul laagste posisie, negende, bereik het in Februarie 2006. Sedertdien het die span tot agtste plek in Julie 2006 geklim en tot sesde plek in November 2006. Hulle het die plek sedertdien behou met die uitsondering van ’n enkele week waar hulle tot sewende plek gedaal het en ’n week waarin hulle die vyfde plek bereik het.[10]

Argentinië kon tot dusver al die wedstryde teen ander Suid-Amerikaanse nasionale rugbyspanne wen, insluitende 39 teen Uruguay, 36 teen Chili, 17 teen Paraguay en 13 teen Brasilië. In teenstelling hiermee kon hulle Nieu-Seeland nog nooit klop nie; hul beste prestasie teen die All Blacks is ’n gelykop.

Argentinië se toetsrekord teen alle lande: (Korrek op 28 Junie 2020)[45]

Teen Gespeel Gewen Verloor Gelykop % Gewen
Vlag van Australië Australië 32 6 25 1 20,31
Vlag van Brasilië Brasilië 13 13 0 0 100
Free Use British and Irish Lions flag.PNG Britse en Ierse Leeus 6 0 6 0 0
Vlag van Chili Chili 36 36 0 0 100
Vlag van Engeland Engeland 24 4 19 1 16,67
Vlag van Engeland Engeland XV 1 0 0 1 0
Vlag van Fidji Fidji 4 3 1 0 75
Vlag van Frankryk Frankryk 52 14 37 1 26,92
Vlag van Georgië Georgië 5 5 0 0 100
Ierse Rugbyvoetbalunie-vlag  Ierland 18 6 12 0 33,33
Vlag van Ierland Ierland XV 5 2 2 1 40
Vlag van Italië Italië 22 16 5 1 72,72
Vlag van Japan Japan 6 5 1 0 83,33
Vlag van Suid-Afrika Junior Bokke 5 1 4 0 20
Vlag van Kanada Kanada 8 6 2 0 75
Vlag van Namibië Namibië 3 3 0 0 100
Vlag van Nieu-Seeland Nieu-Seeland 30 1[46] 28 1 3,33
Vlag van Nieu-Seeland Nieu-Seeland XV 4 0 4 0 0
Vlag van Engeland Oxford en Cambridge 8 2 5 1 25
Vlag van Paraguay Paraguay 17 17 0 0 100
Vlag van Peru Peru 1 1 0 0 100
Vlag van Roemenië Roemenië 8 8 0 0 100
Vlag van Samoa Samoa 4 1 3 0 25
Vlag van Skotland Skotland 18 9 9 0 50
Vlag van Skotland Skotland XV 3 1 2 0 33,33
Vlag van Spanje Spanje 4 4 0 0 100
Vlag van Suid-Afrika Suid-Afrika 30 3 26 1 11,66
Vlag van Suid-Afrika Suid-Afrika Gazelles 6 2 4 0 33,33
Vlag van Tonga Tonga 2 2 0 0 100
Vlag van Uruguay Uruguay 39 39 0 0 100
Vlag van Venezuela Venezuela 1 1 0 0 100
Vlag van Verenigde State van Amerika Verenigde State 9 9 0 0 100
Vlag van Wallis Wallis 18 5 13 0 27,78
Vlag van Wallis Wallis XV 3 1 1 1 33,33
 Wêreld XV 2 2 0 0 100
Vlag van Zimbabwe Zimbabwe 1 0 1 0 0
Totaal 447 227 210 10 50,78

Die Rugbykampioenskap (sedert 2012)[wysig | wysig bron]

Argentinië se enigste jaarlikse toernooi is die Rugbykampioenskap, waaraan hulle sedert 2012 deelneem en teen drie ander nasies van die Suidelike Halfrond speel: Australië, Nieu-Seeland en Suid-Afrika. Tydens dié toernooi kon die Poemas tot dusver net vyf wedstryde wen: 27–19 teen die Wallabies in 2014, 37–25 teen die Springbokke in 2015, 26–24 teen die Springbokke in 2016, 32–19 teen die Springbokke en 23–19 teen die Wallabies in 2018. Argentinië kon Suid-Afrika tydens die Rugbykampioenskap tot dusver drie keer klop en Australië twee keer. Nieu-Seeland is die enigste span waarteen Argentinië tot dusver nog nie ’n oorwinning kon aanteken nie.

Nasie Wedstryde Punte Bonus-
punte
Tabel-
punte
Kampioen-
skappe
gespeel gewen gelykop verloor     vir         teen         verskil    
Vlag van Nieu-Seeland Nieu-Seeland 42 36 2 4 1423 751 +672 26 174 6
Vlag van Suid-Afrika Suid-Afrika 42 19 4 19 1048 974 +74 19 103 1
Vlag van Australië Australië 42 19 3 20 952 1088 –136 9 91 1
Vlag van Argentinië Argentinië 42 5 1 36 766 1376 –610 11 33 0

Bygewerk op 30 Augustus 2019
Bron: espnscrum.com (besoek op 30 Augustus 2019)


Wêreldbekerrekord[wysig | wysig bron]

Jaar Uitslag
1987 Poelfase
1991 Poelfase
1995 Poelfase
1999 Kwarteindrondte
2003 Poelfase
2007 Derde plek
2011 Kwarteindrondte
2015 Vierde plek
2019 Poelfase
2023 Gekwalifiseer

Verwysings[wysig | wysig bron]

  1. "Most matches" (in Engels). ESPNscrum. Geargiveer vanaf die oorspronklike op 29 April 2020. Besoek op 28 Junie 2020.
  2. (es) "Felipe Contepomi será el Puma récord en Rosario". CanchaLlena.com. 1 Oktober 2013. [dooie skakel]
  3. "La despedida de un símbolo". Clarín (in Spaans). 6 Oktober 2013. Geargiveer vanaf die oorspronklike op 13 Desember 2019. Besoek op 28 Junie 2020.
  4. (en) ""Contepomi to set record, Pumas chase historic win" at UltimateRugby.com". Geargiveer vanaf die oorspronklike op 7 April 2014. [dooie skakel]
  5. "Most points" (in Engels). ESPNscrum. Geargiveer vanaf die oorspronklike op 11 Oktober 2014. Besoek op 28 Junie 2020.
  6. "Contepomi ya sabe lo que significa ser Puma récord". Clarín (in Spaans). 29 September 2013. Geargiveer vanaf die oorspronklike op 13 Desember 2019. Besoek op 28 Junie 2020.
  7. "Contepomi superó a Porta y es el goleador récord" (in Spaans). Clarín. 10 Junie 2012. Geargiveer vanaf die oorspronklike op 28 November 2017. Besoek op 28 Junie 2020.
  8. (es) "Contepomi, goleador histórico Puma". ESPN. 9 Junie 2012. Besoek op 28 Junie 2020.
  9. "Most tries" (in Engels). ESPNscrum. Geargiveer vanaf die oorspronklike op 26 Maart 2016. Besoek op 28 Junie 2020.
  10. 10,0 10,1 10,2 10,3 10,4 "World Rugby Rankings" (in Engels). Wêreldrugby. Geargiveer vanaf die oorspronklike op 16 April 2020. Besoek op 28 Junie 2020.
  11. (en) "Six Nations would be magnificent seven with us, pleads Pichot". Western Mail. 19 Junie 2006. [dooie skakel]
  12. (en) Deges, Frankie. "Argentina is now part of Rugby Championship". Buenos Aires Herald. Besoek op 13 Desember 2011. [dooie skakel]
  13. (en) "Wallabies defeated 21–17 by Argentina". The Australian. 4 Oktober 2014. Besoek op 6 Oktober 2014. [dooie skakel]
  14. "Argentina 45–27 Wales" (in Engels). BBC. 17 Junie 2006. Geargiveer vanaf die oorspronklike op 1 April 2019. Besoek op 28 Junie 2020.
  15. "Oferta para ser local en Bélgica" (in Spaans). Clarín. 27 November 2011. Geargiveer vanaf die oorspronklike op 28 November 2017. Besoek op 28 Junie 2020.
  16. "A la UAR le llueven ofertas para la concentración de Los Pumas previa al Mundial" (in Spaans). Clarín. 26 Januarie 2007. Geargiveer vanaf die oorspronklike op 28 November 2017. Besoek op 28 Junie 2020.
  17. (en) Cain, Nick (25 Februarie 2007). "Ambitious Argentina poised to secure TriNations place". The Sunday Times. Besoek op 26 Februarie 2007. [dooie skakel]
  18. (en) "First Test Preview: Argentina v Ireland". Ierse Rugbyvoetbalunie. 25 Mei 2007. Besoek op 26 Mei 2007. [dooie skakel]
  19. "Argentina 22–20 Ireland" (in Engels). BBC. 26 Mei 2007. Geargiveer vanaf die oorspronklike op 9 Oktober 2019. Besoek op 28 Junie 2020.
  20. "Argentina 16–0 Ireland" (in Engels). BBC. 2 Junie 2007. Geargiveer vanaf die oorspronklike op 9 Oktober 2019. Besoek op 28 Junie 2020.
  21. "Coach asks Argentina to stay calm" (in Engels). BBC. 8 September 2007. Geargiveer vanaf die oorspronklike op 5 November 2019. Besoek op 28 Junie 2020.
  22. (en) PA Sport (9 Oktober 2007). "Contepomi's field of dreams". Sportal.co.nz. Geargiveer vanaf die oorspronklike op 11 Oktober 2007. Besoek op 9 Oktober 2007. [dooie skakel]
  23. (en) Internasionale Rugbyraad (30 November 2007). "Rugby lays foundations for continued growth". Persberig. Archived from the original on 2 Desember 2007. https://web.archive.org/web/20071202170940/http://www.irb.com/newsmedia/mediazone/pressrelease/newsid%3D2021332.html#rugby+lays+foundations+continued+growth#rugby+lays+foundations+continued+growth. Besoek op 3 Desember 2007.  [dooie skakel]
  24. "Phelan named new Argentina coach". BBC (in Engels). 13 Maart 2008. Geargiveer vanaf die oorspronklike op 8 Desember 2019. Besoek op 28 Junie 2020.
  25. Gallagher, Brendan (13 Junie 2009). "Lions 2009: Argentina look for future tour While the British and Irish Lions play in front of apathetic half-empty stadiums in South Africa, Argentina look on with growing frustration and anger". The Daily Telegraph (in Engels). Londen. Geargiveer vanaf die oorspronklike op 8 Desember 2019. Besoek op 28 Junie 2020.
  26. "Springboks power to record victory over Pumas". ESPNscrum (in Engels). 17 Augustus 2013. Geargiveer vanaf die oorspronklike op 8 Desember 2019. Besoek op 28 Junie 2020.
  27. "Wallabies humble Pumas in Rosario". ESPNscrum (in Engels). 6 Oktober 2013. Geargiveer vanaf die oorspronklike op 8 Desember 2019. Besoek op 28 Junie 2020.
  28. ESPN Staff (22 Oktober 2013). "Phelan resigns after five years". ESPNscrum (in Engels). Geargiveer vanaf die oorspronklike op 2 Junie 2019. Besoek op 28 Junie 2020.
  29. "Aquella confusión entre un yaguareté y un puma que modificó todo para siempre" (in Spaans). Clarín. 29 Mei 2015. Geargiveer vanaf die oorspronklike op 29 April 2020. Besoek op 28 Junie 2020.
  30. 30,0 30,1 "La pasión cumple 100 años" (in Spaans). La Nación. 10 April 1999. Geargiveer vanaf die oorspronklike op 29 April 2020. Besoek op 28 Junie 2020.
  31. "El pase del verano: Los Pumas dejan Adidas para vestirse con Nike" (in Spaans). El Cronista. 27 November 2011. Geargiveer vanaf die oorspronklike op 14 November 2019. Besoek op 28 Junie 2020.
  32. (es) "Nike presenta su camiseta de Los Pumas". Prematch. 1 Junie 2012. Geargiveer vanaf die oorspronklike op 14 November 2019. Besoek op 28 Junie 2020.
  33. Davies, Sean (26 Julie 2007). "Puma power: Argentinian rugby" (in Engels). BBC. Geargiveer vanaf die oorspronklike op 19 April 2020. Besoek op 28 Junie 2020.
  34. Ricardo Sabanes (16 Mei 2017). ""Lions": Los viajes olvidados" (in Spaans). Periodismo Rugby. Geargiveer vanaf die oorspronklike op 17 September 2018. Besoek op 28 Junie 2020.
  35. "El centenario del debut" (in Spaans). Clarín. 13 Junie 2010. Geargiveer vanaf die oorspronklike op 29 April 2020. Besoek op 28 Junie 2020.
  36. "Argentina at ground: GEBA" (in Engels). ESPNscrum. Geargiveer vanaf die oorspronklike op 14 November 2019. Besoek op 28 Junie 2020.
  37. (es) "El club de rugby más antiguo de la Argentina". Rugbytime.com. 19 September 2008. Geargiveer vanaf die oorspronklike op 12 Januarie 2014. [dooie skakel]
  38. (en) "Buenos Aires Cricket & Rugby Club". Centro de Documentación, Investigación y Referencia Histórica-Deportiva. Junie 2009. [dooie skakel]
  39. "Adiós a un escenario de triunfos históricos" (in Spaans). Clarín. 4 Desember 2005. Geargiveer vanaf die oorspronklike op 14 November 2019. Besoek op 28 Junie 2020.
  40. (es) "El historial de los Pumas contra los grandes: los All Blacks, el único al que no le pudieron ganar". Cancha Llena. 8 Augustus 2015. [dooie skakel]
  41. "El historial de Los Pumas ante Australia, la tercera potencia" (in Spaans). Infobae. 18 Oktober 2015. Geargiveer vanaf die oorspronklike op 6 Februarie 2016. Besoek op 28 Junie 2020.
  42. (en) "Argentina Tests Announced – June 2018". Walliese Rugbyunie. 30 Januarie 2018. Besoek op 1 Februarie 2018. [dooie skakel]
  43. Mulvanney, Nick (16 April 2020). "Argentina ready to abandon 2027 Rugby World Cup bid making Australia strong favourites to host tournament". The Independent (in Engels). Geargiveer vanaf die oorspronklike op 23 April 2020. Besoek op 28 Junie 2020.
  44. Gillen, Nancy (16 April 2020). "Argentina withdraw 2027 Rugby World Cup bid to strengthen Australian campaign". insidethegames.biz (in Engels). Geargiveer vanaf die oorspronklike op 29 April 2020. Besoek op 28 Junie 2020.
  45. 45,0 45,1 "International Rugby Union Statistics – Argentina" (in Engels). ESPNscrum. Geargiveer vanaf die oorspronklike op 14 November 2019. Besoek op 28 Junie 2020.
  46. https://lospumas.com.ar/2020/11/14/historico-triunfo-ante-all-blacks/ Opgespoor en besoek op 16 November 2020

Bronnelys[wysig | wysig bron]

Eksterne skakels[wysig | wysig bron]